Healthy-Lifestyle
Lifestyle Habits : మనమందరం దీర్ఘకాలం జీవించాలని, అభివృద్ధి చెందాలని కోరుకుంటాం, కానీ కొన్నిసార్లు జీవితం అనుకోని అనారోగ్య సమస్యలను ఎదుర్కోవాల్సి రావచ్చు. బిజీ షెడ్యూల్‌లు, మనం సరైన ఆహారాలు తీసుకోకపోవటం వల్ల జీవనశైలి వ్యాధులకు దారితీసే అనారోగ్య పరిస్ధితులకు లోనవుతుంది. ఆరోగ్యకరమైన , సంతోషకరమైన జీవితాన్ని గడపడానికి దినచర్యలో సాధారణ అలవాట్లలో కొన్ని మార్పులు చేసుకుంటే సరిపోతుంది. అవేంటో తెలుసుకునే ప్రయత్నం చేద్దాం..
READ ALSO : జీవనశైలి మార్పులతో శీతాకాలంలో కొలెస్ట్రాల్ తగ్గించుకోవచ్చా?
1. వ్యాయామం ఆరోగ్యానికి మ్యాజిక్ లాగా పనిచేస్తుంది ;
ఆరోగ్యకరమైన జీవనశైలికి శారీరక శ్రమ ముఖ్యమని మనందరికీ తెలుసు. రోజువారిగా జిమ్‌కి వెళ్లాలనే ఆలోచన చాలా మందిలో ఉంటుంది. దైనందిన జీవితంలో ఫిట్‌నెస్‌ను ఒక భాగం చేసుకోవడం, వ్యాయామం చేయడం అంత సులభం కాదనే చెప్పాలి. ప్రపంచ ఆరోగ్య సంస్థ (WHO) ప్రకారం, క్రమం తప్పకుండా శారీరక శ్రమ చేయడం వల్ల గుండె జబ్బులు, స్ట్రోక్, మధుమేహం మరియు కొన్ని రకాల క్యాన్సర్‌ల ప్రమాదాన్ని 50% వరకు తగ్గించవచ్చు.
రెగ్యులర్ వ్యాయామం హృదయ ఆరోగ్యాన్ని మెరుగుపరచడంలో సహాయపడుతుంది, ఎముకలు మరియు కండరాలను బలపరుస్తుంది. ఒత్తిడి మరియు ఆందోళనను తగ్గించడం మరియు మానసిక స్థితిని పెంచడం ద్వారా మానసిక ఆరోగ్యాన్ని కూడా మెరుగుపరుస్తుంది. జిమ్‌లో చేరాలన్నా, ట్రైనర్‌ని పొందాలన్నా, గ్రూప్ ఫిట్‌నెస్ క్లాస్‌కి హాజరవ్వాలన్నా, ప్రతిచోటా వర్చువల్ మరియు ఇన్ పర్సన్ ఆప్షన్‌లు ఉంటాయి. మీ షెడ్యూల్‌కు అనుగుణమైన వ్యాయామాన్ని ఎంచుకోవచ్చు. సులభంగా దానిని చేవచ్చు. రోజువారి దినచర్యలో సమయం తక్కువగా ఉన్నట్లయితే, నడవడం వల్ల మంచి ప్రయోజనాలను పొందవచ్చు.
2. ఇంట్లో వండిన ఆహారాన్ని తినడం ;
మన అమ్మలు, అమ్మమ్మలు నిత్యం చెబుతుంటారు. ఇంట్లో వండిన అహారం తీసుకోండి. బయట దొరికే వాటిని తినకండని. అయితే చాలా మంది ఆ మాటలను పెడచెవిన పెడుతుంటారు. ఆరోగ్యకరమైన జీవనశైలిని ప్రోత్సహించడానికి సులభమైన మార్గాలలో ఒకటి ఇంట్లో వండిన ఆహారాన్ని తీసుకోవటం. ఇంట్లో భోజనం తయారుచేసేటప్పుడు, పండ్లు, కూరగాయలు, తృణధాన్యాలు మరియు లీన్ ప్రోటీన్ మూలాలను పుష్కలంగా చేర్చడంపై దృష్టి పెట్టండి. కొత్త వంటకాలు, సుగంధ ద్రవ్యాలతో విభిన్నమైన వెరైటీ ఆహారాలు చేయడానికి ప్రయత్నించండి. పండ్లు, కూరగాయలు, తృణధాన్యాలు, తక్కువ కొవ్వు పాలతో కూడిన ఆరోగ్యకరమైన ఆహారం రక్తపోటు మరియు కొలెస్ట్రాల్ స్థాయిలను నియంత్రించటం ద్వారా మీ గుండె జబ్బుల ప్రమాదాన్ని తగ్గించడంలో సహాయపడుతుంది.
3. బయటి ఆహారం నివారించటం మంచిది ;
పనిఒత్తడి, బిజీలైవ్ కారణంగా వంటి చేయటానికి సమయం, శక్తి లేకపోవటం వల్ల ఫోన్ యాప్ లలో ఆహారాలను ఆర్డర్ చేస్తుంటాం. అయితే టేక్‌అవుట్ మరియు డెలివరీ ఫుడ్‌పై ఎక్కువగా ఆధారపడడం అనారోగ్యాలను కొనితెచ్చుకోవటమే అవుతుంది. వీటిలో చాలా వరకు అనారోగ్యకరమైన కొవ్వులు, కేలరీలు మరియు సోడియంతో నిండిఉంటాయి. పొట్ట ఉబ్బరంగా ఉంటుంది. అతిగా తినడం బరువు పెరగడానికి దారితీస్తుంది. భారతదేశంలోని అనేక ఫాస్ట్ ఫుడ్ సెంటర్ లు ఉపయోగించే నూనెల్లో తేడాలు ఉంటాయి. వీటిలో అధిక స్థాయి ట్రాన్స్ ఫ్యాట్స్ ఉంటాయి. ట్రాన్స్ ఫ్యాట్స్ గుండె జబ్బులు మరియు ఇతర ఆరోగ్య సమస్యల ప్రమాదాన్ని పెంచుతాయి.
READ ALSO : Improving Memory : జ్ఞాపకశక్తిని మెరుగుపరిచే… జీవనశైలి మార్గాలు
4. ఒత్తిడి నివారించుకోవటం, మానసిక ఆరోగ్యానికి ప్రాధాన్యత ఇవ్వటం ;
ఒత్తిడి అనేది జీవితంలో ఒక సాధారణ భాగం, కానీ అది దీర్ఘకాలికంగా మారినప్పుడు, ఆరోగ్యంపై ప్రతికూల ప్రభావాలను చూపుతుంది. దీర్ఘకాలిక ఒత్తిడి గుండె జబ్బులు, స్ట్రోక్ మరియు ఇతర దీర్ఘకాలిక పరిస్థితుల ప్రమాదాన్ని పెంచుతుంది. మానసిక ఆరోగ్యానికి ప్రాధాన్యత ఇవ్వడం వల్ల ఒత్తిడి, ఆందోళన మరియు నిరాశను తగ్గించడం ద్వారా జీవనశైలి వ్యాధులను నివారించవచ్చు.
ఒత్తిడి దూరం చేసుకోవటానికి చదవడం, సంగీతం వినడం, ప్రకృతిలో కొంత సమయం గడపడం వంటి ఆనందం మరియు విశ్రాంతిని కలిగించే కార్యకలాపాలకు సమయాన్ని కేటాయించడం. మానసిక ఆరోగ్యాన్ని జాగ్రత్తగా చూసుకోవడం ద్వారా జీవితంలోని సవాళ్లను ఎదుర్కోవటానికి, సంతోషకరమైన, మరింత ఉత్పాదక జీవితాన్ని గడపడానికి సన్నద్ధకావచ్చు. తక్కువ ఆహారం, శారీరక శ్రమ లేకపోవడం, దీర్ఘకాలిక ఒత్తిడి మరియు సరిపోని నిద్ర అనేక రకాల ఆరోగ్య సమస్యలకు దారి తీస్తుంది. రోజువారి జీవనశైలిలో చిన్న చిన్న మార్పులు చేయడం వల్ల ఆరోగ్యాన్ని కాపాడుకుంటూ ప్రమాదాలను తగ్గించవచ్చు.
