Aishwarya Pisse : భర్తతో విడాకులు తీసుకున్న సీరియల్ నటి.. చట్టపరమైన చర్యలు తీసుకుంటాను అంటూ పోస్ట్..

Aishwarya Pisse

Aishwarya Pisse : పలు కన్నడ సీరియల్స్ తో ఫేమ్ తెచ్చుకున్న ఐశ్వర్య పిస్సే తెలుగులో ముక్కుపుడక, అగ్నిసాక్షి సీరియల్స్ తో మంచి ఫేమ్ తెచ్చుకుంది. ఓ ఏడేళ్ల క్రితమే మరో సీరియల్ నటుడు హరి వినయ్ ని ప్రేమించి పెళ్లి చేసుకుంది. ప్రముఖ సీరియల్ నటి నవ్య స్వామికి హరి వినయ్ అన్నయ్య వరుస అవుతాడు. అయితే గత కొంతకాలంగా హరి వినయ్ – ఐశ్వర్య పిస్సే విడిపోయారు, విడాకులు తీసుకున్నారు అని వార్తలు వస్తున్నాయి. తాజాగా ఐశ్వర్య పిస్సే తన సోషల్ మీడియా ద్వారా దీనిపై స్పందించింది.

Also Read : Ranabaali : రణబాలి విషయంలో విజయ్‌ దేవరకొండ అమలు చేస్తోన్న మాస్టర్ ప్లాన్ ఏంటి? ప్రీరిలీజ్‌ ఈవెంట్‌కి చీఫ్‌ గెస్ట్ ఎవ‌రు?

ఐశ్వర్య పిస్సే తన సోషల్ మీడియాలో.. నా ప్రియమైన అభిమానులకు, ఫాలోవర్స్, శ్రేయోభిలాషులకు నా వ్యక్తిగత జీవితానికి సంబంధించి వ్యాపిస్తున్న అనవసరమైన పుకార్లకు, ఊహాగానాలకు ముగింపు పలకడానికి ఈ విషయంపై స్పష్టత ఇవ్వడం అవసరమని భావిస్తున్నాను. నేను, నా మాజీ భర్త గత ఏడాదిన్నర కాలంగా విడివిడిగా నివసిస్తున్నాము. చాలాసార్లు ఆలోచించి, పరస్పర అంగీకారంతో మేము విడాకులు తీసుకున్నాము. ఇది మా ఇద్దరి వ్యక్తిగత నిర్ణయం. ఈ సమయంలో మాకు అవసరమైన గోప్యతను, మనశ్శాంతిని గౌరవిస్తూ, మా నిర్ణయాన్ని అందరూ అంగీకరించి గౌరవించాలని మనస్ఫూర్తిగా కోరుకుంటున్నాను. వ్యూస్, ఫాలోవర్స్, లైక్స్ లేదా ఎంగేజ్మెంట్ పెంచుకోవాలనే ఉద్దేశంతో తప్పుడు కథనాలను సృష్టించడం, తప్పుదారి పట్టించే వీడియోలను ప్రచురించడం, ఆధారాలు లేని ఆరోపణలు చేయడం, నా సీరియల్లోని సన్నివేశాలను సందర్భానికి సంబంధం లేకుండా ఉపయోగించడం లేదా నా వ్యక్తిగత పరిస్థితిని దుర్వినియోగం చేయడం చట్టపరంగా ఆమోదయోగ్యం కాదు.

దయచేసి తెరపై కనిపించే జీవితానికి, నిజ జీవితానికి మధ్య ఉన్న వ్యత్యాసాన్ని అర్థం చేసుకోండి. పుకార్లను వ్యాప్తి చేయడం ఆపండి. ఈ ప్రకటన ఇవ్వడం వెనుక ఉద్దేశం స్పష్టమైన హద్దులను తెలియజేయడం మాత్రమే. మరిన్ని చర్చలకు లేదా ఊహాగానాలకు అవకాశం కల్పించడం కాదు. ప్రతి ఒక్కరూ నా వ్యక్తిగత గోప్యతను గౌరవిస్తూ బాధ్యతాయుతంగా వ్యవహరిస్తారని ఆశిస్తున్నాను. నా పని నా వృత్తి. నా వ్యక్తిగత జీవితం నా ప్రైవేట్ విషయం. తప్పుడు మరియు పరువునష్టం కలిగించే ప్రచారాన్ని తగిన చట్టపరమైన మార్గాల ద్వారా ఎదుర్కొంటాను. ఇలాంటి చర్యలు కొనసాగితే, సంబంధిత వ్యక్తులపై కఠినమైన చట్టపరమైన చర్యలు తీసుకోబడతాయి అని తెలిపింది.

Also Read : Ranabaali : చరిత్రను కొత్త కోణంలో చూపించబోతున్న ‘రణబాలి’!