Anil Kapoor wild answers to Karan Johar in Koffee With Karan show
Koffee With Karan : బాలీవుడ్ హిట్ షో కాఫీ విత్ కరణ్ ఏడో సీజన్ కొనసాగుతోంది. ఇప్పటికే 10 ఎపిసోడ్లు పూర్తి చేసుకొని పదకొండో ఎపిసోడ్ రానుంది. తాజాగా 11వ ఎపిసోడ్ ప్రోమోని విడుదల చేశారు. ఈ ఎపిసోడ్ లో అనిల్ కపూర్, వరుణ్ ధావన్ గెస్టులుగా వచ్చారు. ఇక కరణ్ షోలో పర్సనల్ క్వశన్స్, సెక్స్ లైఫ్ మీద ప్రశ్నలు వేస్తూ ఉంటాడన్న సంగతి తెలిసిందే. ఇప్పటికే కరణ్ ఈ షోలో అడిగిన ప్రశ్నలకు నెటిజన్లు దారుణంగా ట్రోల్ చేస్తున్నారు.
కరణ్ అడిగే పిచ్చి ప్రశ్నలకు వచ్చే గెస్టులు కొంతమంది సమాధానం చెప్పడానికి ఇబ్బంది పడతారు. మరి కొంతమంది కరణ్ కి కౌంటర్లు ఇస్తారు. అయితే ఈ సారి కరణ్ కి తోడుగా అనిల్ కపూర్ కూడా అలాగే సమాధానాలు ఇవ్వడంతో ఈ ప్రోమో మరింత వైరల్ గా మారింది. ఈ ప్రోమోలో కరణ్ జోహార్ అనిల్ కపూర్ ని మిమ్మల్ని ఎప్పుడూ యంగ్ గా ఉంచే మూడు విషయాలు ఏంటి అని అడగగా అనిల్ కపూర్ .. సెక్స్, సెక్స్, సెక్స్ అని చెప్పాడు. దీంతో ఈ సారి కరణ్ ఆశ్చర్యపోయాడు.
ఇక వరుణ్ ధావన్ ని కరణ్ ఏ ప్రశ్న అడిగినా అన్నిటికి అర్జున్ కపూర్ అనే సమాధానం చెప్పాడు. దీంతో అనిల్ తాను నాకు రిలేటివ్ అని చెప్పాడు. ఇక వరుణ్, అనిల్ కపూర్ కలిసి పిచ్చిగా డ్యాన్సులు వేశారు. కరణ్ కి తోడు ఈ సారి అనిల్ కపూర్ కూడా ఇలా మాట్లాడటంతో ఈ ప్రోమో వైరల్ గా మారగా నెటిజన్లు ఇది కాఫీ విత్ కరణ్ షోనా లేక డర్టీ షోనా అని సోషల్ మీడియాలో కామెంట్స్ చేస్తున్నారు. ప్రోమోలోనే ఈ రేంజ్ లో ఉందంటే ఇక ఎపిసోడ్ లో కరణ్ ప్రశ్నలు, అనిల్ కపూర్ సమాధానాలు ఎలా ఉంటాయో అని ఆలోచిస్తున్నారు.
