Carmeni Selvam Teaser: డబ్బు ఉంటేనే విలువా?.. సముద్రఖని ‘కార్మేని సెల్వం’ టీజర్ అదిరిపోయింది!
ఎమోషనల్ కంటెంట్ తో ఆకట్టుకుంటున్న సముద్రఖని ' కార్మేని సెల్వం(Carmeni Selvam Teaser)' సినిమా తెలుగు టీజర్.
- Published By: V Santhosh Kumar ,Published On : March 12, 2026 / 06:52 PM IST
Samuthirakani Carmeni Selvam movie telugu teaser released
Carmeni Selvam Teaser: విలక్షణ నటుడు సముద్రఖని ప్రధాన పాత్రలో, పాత్వే ప్రొడక్షన్స్ బ్యానర్పై రామ్ చక్రి దర్శకత్వంలో తెరకెక్కుతున్న ద్విభాషా చిత్రం ‘కార్మేని సెల్వం’. ఆధునిక సమాజంలో ఆర్థిక కష్టాలను, మధ్యతరగతి మనిషి ఆశలను ప్రతిబింబించేలా రూపొందిన ఈ చిత్రం ఏప్రిల్ 3న తెలుగు, తమిళ భాషల్లో భారీగా విడుదల కానుంది. తాజాగా కార్మేని సెల్వం నుంచి తెలుగు టీజర్(Carmeni Selvam Teaser) ను విడుదల చేశారు మేకర్స్.
Jana Nayagan: దెబ్బ మీద దెబ్బ.. విజయ్ ‘జన నాయగన్’ మూవీకి మరో షాక్.. రూ.120 కోట్ల డీల్ క్యాన్సిల్?
టీజర్ చాలా ఆసక్తికరంగా ఉంది. “డబ్బు సంపాదించడానికి చాలా మార్గాలు ఉన్నాయి” అనే సముద్రఖని గంభీరమైన వాయిస్ ఓవర్తో టీజర్ మొదలయ్యింది. నేటి సమాజంలో మనిషిని వెంటాడుతున్న ఈఎంఐలు, క్రెడిట్ కార్డ్, క్రిప్టో పెట్టుబడులు, త్వరగా ధనవంతులు కావాలనే అత్యాశ వల్ల తలెత్తే పరిణామాలను ఈ టీజర్లో కళ్ళకు కట్టినట్లు చూపించే ప్రయత్నం చేశారు. ఇక టీజర్ చివర్లో సముద్రఖని చెప్పే “రిచ్ కావాలంటే రిచ్ మనిషిలా ఖర్చు చేయడం నేర్చుకోవాలి… డబ్బు లేకపోతే అప్పు తీసుకుని ఖర్చు చేయాలి” అనే డైలాగ్ నేటి సమాజానికి కౌంటర్ లాగా ఉంది.
ఇక ఈ సినిమాను ప్రముఖ డిస్ట్రిబ్యూషన్ సంస్థ పీవీఆర్ ఐనాక్స్ పిక్చర్స్ థియేటర్లలోకి తీసుకువస్తోంది. అరుణ్ రంగరాజులు నిర్మించిన ఈ చిత్రంలో అభినయ, కార్తిక్ కుమార్, బడవ గోపీ వంటి హేమాహేమీలు ప్రధాన పాత్రలు పోషిస్తున్నారు. ఇప్పటికే విడుదలైన ఫస్ట్ లుక్ కు మంచి స్పందన రాగా, తాజాగా విడుదలైన టీజర్ సినిమాపై అంచనాలను రెట్టింపు చేసింది. ఈ సినిమా ఏప్రిల్ 3న ప్రేక్షకుల ముందుకు రానుంది.
