అక్షయ్, ధనుష్, సారాల ‘అత్రంగి రే’
అక్షయ్ కుమార్‌, ధనుష్, సారా అలీఖాన్‌లు ప్రధాన పాత్రధారులుగా ఆనంద్ ఎల్ రాయ్ దర్శకత్వంలో ‘అత్రంగి రే’..
- Published By: sekhar ,Published On : January 30, 2020 / 02:20 PM IST
అక్షయ్ కుమార్‌, ధనుష్, సారా అలీఖాన్‌లు ప్రధాన పాత్రధారులుగా ఆనంద్ ఎల్ రాయ్ దర్శకత్వంలో ‘అత్రంగి రే’..
బాలీవుడ్ ఖిలాడి అక్షయ్ కుమార్‌, సౌత్‌ ఇండియన్‌ స్టార్‌ ధనుష్, స్టార్‌ కిడ్‌ సారా అలీఖాన్‌లు ప్రధాన పాత్రల్లో ఓ సినిమా తెరకెక్కనుంది. ‘తను వెడ్స్ మను’, ‘రాన్‌జానా’ వంటి సినిమాలతో ప్రేక్షకులను ఆకట్టుకున్న ప్రముఖ దర్శకుడు ఆనంద్ ఎల్ రాయ్ దర్శకుడు.
ఈ సినిమాకు ‘అత్రంగి రే’ అనే టైటిల్‌ను ఖరారు చేశారు. టి సిరీస్, కేప్ ఆఫ్ గుడ్ ఫిల్మ్స్, కలర్ ఎల్లో ప్రొడక్షన్స్, సంస్థలు సంయుక్తంగా నిర్మిస్తున్నాయి. మ్యూజికల్ లెజెండ్ ఏఆర్‌ రెహమాన్‌ ఈ చిత్రానికి సంగీతమందించనున్నారు.
‘అత్రంగి రే’ సినిమా నుండి కొన్ని స్టిల్స్ సోషల్ మీడియా ద్వారా రిలీజ్ చేసింది మూవీ టీమ్. లవ్ స్టోరిగా రూపొందబోయే ఈ చిత్రాన్ని 2021 లవర్స్ డే కానుకగా విడుదల చేయడానికి సన్నాహాలు చేస్తున్నారు. నిర్మాతలు : ఆనంద్ ఎల్ రాయ్, భూషణ్‌ కుమార్‌.
