Balakrishna: బాలయ్యతో నాలుగో హిట్ కొట్టేందుకు బోయపాటి ముహూర్తం ఫిక్స్ చేశాడా..?

Balakrishna Boyapati Sreenu Movie To Be Announced On This Day

Balakrishna: నందమూరి బాలకృష్ణ సంక్రాంతి బరిలో వీరసింహారెడ్డి మూవీతో అదిరిపోయే బ్లాక్‌బస్టర్ హిట్ అందుకున్నాడు. ఈ సినిమాను దర్శకుడు గోపీచంద్ మలినేని డైరెక్ట్ చేయగా, బాలయ్య పవర్‌ఫుల్ యాక్టింగ్‌కు ప్రేక్షకులు పట్టం కట్టారు. ఇక ఈ సినిమా తరువాత దర్శకుడు అనిల్ రావిపూడి డైరెక్షన్‌లో తన కెరీర్‌లోని 108వ చిత్రాన్ని NBK108 అనే వర్కింగ్ టైటిల్‌తో తెరకెక్కిస్తున్నాడు.

Balakrishna : తారకరత్నకు జరిగినట్లు ఎవరికీ జరగకూడదని.. మరోసారి బాలయ్య మంచితనం..

ఈ సినిమా ఫస్ట్ లుక్ పోస్టర్స్ ఇటీవల చిత్ర యూనిట్ రిలీజ్ చేసి అందరినీ అవాక్కయ్యేలా చేసింది. ఈ సినిమాలో బాలయ్యను మునుపెన్నడూ చూడని విధంగా చూపెట్టడంతో ప్రేక్షకుల్లో ఒక్కసారిగా ఈ సినిమాపై అంచనాలు పెరిగిపోయాయి. ఇక ఈ సినిమాను ఎప్పుడెప్పుడు షూటింగ్ ముగిస్తారా.. ఎప్పుడెప్పుడు రిలీజ్ చేస్తారా అని అందరూ ఆసక్తిగా చూస్తున్నారు. అయితే, ఈ సినిమా తరువాత బాలయ్య తన నెక్ట్స్ ప్రాజెక్ట్‌ను మాస్ చిత్రాల స్పెషలిస్ట్ బోయపాటి శ్రీనుతో చేసేందుకు రెడీ అవుతున్నాడు.

Nandamuri Balakrishna : ”వై నాట్ 175” అని సీఎం జగన్ ఇప్పుడంటే వినాలని ఉంది-బాలకృష్ణ

వీరిద్దరి కాంబినేషన్‌లో వచ్చిన సింహా, లెజెండ్, అఖండ హ్యాట్రిక్ బ్లాక్‌బస్టర్స్‌గా నిలవడంతో, ఇప్పుడు నాలుగో బ్లాక్‌బస్టర్‌ను రెడీ చేస్తున్నాడట బోయపాటి. అయితే ఈ సినిమాకు సంబంధించిన అఫీషియల్ అనౌన్స్‌మెంట్‌ను బాలయ్య పుట్టినరోజు సందర్భంగా జూన్ నెలలో చేయబోతున్నట్లుగా సినీ వర్గాల్లో టాక్ వినిపిస్తోంది. ఒకవేళ ఇదే నిజమైతే, బాలయ్య అభిమానులకు అది నిజమైన పండగ అని పలువురు కామెంట్ చేస్తున్నారు.