Balakrishna Daaku Maharaaj four days Collections here
బాబీ ద‌ర్శ‌క‌త్వంలో బాల‌కృష్ణ నటించిన మూవీ డాకు మహారాజ్. సంక్రాంతి కానుక‌గా జ‌న‌వ‌రి 12న ఈ చిత్రం ప్రేక్ష‌కుల ముందుకు వ‌చ్చింది. అభిమానుల‌కు కావాల్సిన యాక్ష‌న్‌తో పాటు మంచి ఎమోష‌న్ కూడా ఉండ‌డంతో తొలి ఆట నుంచే ఈ చిత్రం పాజిటివ్ టాక్‌తో దూసుకుపోతుంది. స‌రికొత్త అవ‌తారంలో బాల‌య్య క‌నిపించ‌డంతో ప్రేక్ష‌కులు ఈ చిత్రానికి బ్ర‌హ్మ‌ర‌థం ప‌డుతున్నారు. బాక్సాఫీస్ వ‌ద్ద డాకు మహారాజ్ హ‌వా న‌డుస్తోంది.
నాలుగు రోజుల్లో ఈ చిత్రం రూ.105 కోట్ల గ్రాస్ క‌లెక్ష‌న్లు సాధించింది. ఈ విష‌యాన్ని ఓ పోస్ట‌ర్ ద్వారా చిత్ర బృందం తెలియ‌జేసింది. దీంతో బాల‌య్య అభిమానులు ఎంతో సంతోషంగా ఉన్నారు. తొలి రోజే ఈ చిత్రం రూ.56 కోట్ల గ్రాస్ వ‌సూలు చేసి బాల‌య్య కెరీర్‌లోనే హ‌య్యెస్ట్ ఓపెనింగ్‌గా నిలిచిన సంగ‌తి తెలిసిందే. సంక్రాంతి సెల‌వులు కొన‌సాగుతున్న నేప‌థ్యంలో ఈ చిత్రం భారీ వ‌సూళ్ల‌ను రాబ‌ట్టే అవ‌కాశం ఉంది.
సినీ వ‌ర్గాల నుంచి అందుతున్న స‌మాచారం ప్ర‌కారం డాకు మహారాజ్ సినిమా హిట్ అవ్వాలంటే రూ.160 కోట్ల గ్రాస్ వ‌సూళ్లు సాధించాలి. నాలుగు రోజుల్లోనే ఈ చిత్రం వంద కోట్ల‌పైగా క‌లెక్ష‌న్లు సాధించింది. మ‌రో రెండు లేదా మూడు రోజుల్లో ఈ చిత్రం బ్రేక్ ఈవెన్‌కు చేరుకుంటుందని సినీ విశ్లేష‌కులు చెబుతున్నారు. ఈ చిత్రంతో వ‌రుస‌గా నాలుగో హిట్‌ను అందుకోనున్నారు బాల‌య్య.
RC 16 : రామ్‌చ‌ర‌ణ్ ఆర్‌సీ16 కోసం జ‌గ‌ప‌తిబాబు ప‌డుతున్న క‌ష్టం చూశారా ?
ప్రగ్యా జైస్వాల్, శ్రద్ధా శ్రీనాథ్ లు క‌థానాయిక‌లుగా న‌టించగా శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్‌, ఫార్చ్యూన్ ఫోర్ సినిమాస్‌ బ్యానర్స్ పై నాగవంశీ, సాయి సౌజన్య లు ఈ చిత్రాన్ని నిర్మించారు. బాబీ డియోల్‌, ఊర్వ‌శీ రౌతేలా, స‌చిన్ ఖేద్క‌ర్‌, చాందిని చౌద‌రిలు కీల‌క పాత్ర‌ల‌ను పోషించారు.
KING OF SANKRANTHI #DaakuMaharaaj has turned into a CELEBRATION with the audience’s love ❤️#BlockbusterHuntingDaakuMaharaaj crosses 𝟏𝟎𝟓 𝐂𝐫𝐨𝐫𝐞𝐬+ 𝐖𝐨𝐫𝐥𝐝𝐰𝐢𝐝𝐞 𝐆𝐫𝐨𝐬𝐬 𝐢𝐧 𝟒 𝐝𝐚𝐲𝐬 sweeping all territories into his zone 🪓🔥
𝐓𝐇𝐄 𝐇𝐔𝐍𝐓 𝐈𝐒 𝐎𝐍 ~ Book… pic.twitter.com/JPF8US64bO
— Sithara Entertainments (@SitharaEnts) January 16, 2025
