Bollywood : షూస్ చింపుకున్న సల్మాన్.. కోటు చింపుకున్న అక్షయ్.. చిరగడమే బాలీవుడ్ ఫ్యాషన్..

Bollywood

Bollywood : గత కొన్నాళ్లుగా చిరిగిన జీన్స్ వేసుకోవడం ఫ్యాషన్ అయిపోయింది. అమ్మాయిలు, అబ్బాయిలు అని తేడా లేకుండా అందరూ చిరిగిన జీన్స్ వేసుకుంటున్నారు. ఇప్పుడు ఈ ఫ్యాషన్ మరింత ముదిరి చొక్కాలు, షూస్ కూడా చింపుకుంటున్నారు. తాజాగా బాలీవుడ్ స్టార్ హీరోలు ఇలా చిరిగినవి వేసుకు రావడంతో ఇవి వైరల్ గా మారాయి.

రెండు రోజుల క్రితం బాలీవుడ్ కండల వీరుడు సల్మాన్ ఖాన్ ఓ ఈవెంట్ కి చిరిగినా షూస్ తో కనిపించాడు. అదేంటి ఇలా వచ్చాడు, మర్చిపోయి వేసుకొచ్చాడేమో అని అంతా అనుకున్నారు. కానీ తర్వాత తెలిసింది ఏంటంటే అవి సరికొత్త ఫ్యాషన్ అంట. అందులోను బ్రాండెడ్ షూస్ అంట.

Also Read : Trisha Krishnan : సినిమాలు మానేశా.. అతనితో నలుగురు పిల్లల్ని కూడా కన్నా.. త్రిష పోస్ట్ వైరల్

సల్మాన్ ఖాన్ వేసుకొచ్చినవి బాలెన్సియా అనే బ్రాండ్ కి చెందిన షూస్. ఇవి ప్యూర్ లెదర్ తో కౌబాయ్ స్టైల్ లో తయారు చేసారు. ఈ షూ ఖరీదు దాదాపు లక్షా 50వేల రూపాయలు అని తెలుస్తుంది. దీంతో చిరిగిపోయిన షూస్ కి ఇంత రేటా అని ఆశ్చర్యపోతున్నారు జనాలు. ఇక సల్మాన్ చిరిగిన బూట్లు వేసుకొస్తే అక్షయ్ కుమార్ ఏకంగా చిరిగిపోయిన కోటు వేసుకొచ్చాడు.

అక్షయ్ కుమార్ బూత్ బంగ్లా ట్రైలర్ లాంచ్ ఈవెంట్ కి చిరిగిపోయిన కోటు వేసుకొచ్చి మీడియా ముందుకు ఫోజులిచ్చి, ఈవెంట్ అంతా అదే చిరిగిపోయిన కోటుతో ఉండి అందరికి షాక్ ఇచ్చాడు. ఆ కోటు చూస్తుంటే ఎలుకలు కొట్టేసినట్టుగా చీలికలు, పీలికలతో ఉంది. పైగా అతని ఫ్యాషన్ డిజైనర్స్ దాదాపు రెండు రోజులు కష్టపడి తయారు చేసారంట ఈ చిరిగిపోయిన కోటుని. దీని ధర కూడా వేలల్లోనే ఉంటుందని సమాచారం.

Also Read : AA22 x A6 Title: అల్లు అర్జున్‌, అట్లీ మూవీ నుంచి అదిరిపోయే అప్‌డేట్‌.. టైటిల్ రివీల్ డేట్ అండ్ టైమ్ ఫిక్స్‌..

ఇది చూసి చొక్కా చింపుకోవడం ఫ్యాషన్ ఏంటో అది కూడా మరీ ఇలా గుడ్డముక్కల్లాగా చింపడం ఏంటో అని షాక్ అవుతున్నారు. ఇక బాలీవుడ్ బాద్ షా కూడా చిరిగిపోయిన టీ షర్ట్ వేసుకొచ్చి కనిపించాడు. ఇటీవల జరిగిన కోల్ కత్తా ఐపీఎల్ మ్యాచ్ లో షారుఖ్ ఓ వైట్ టీ షర్ట్ వేసుకొచ్చాడు. ఈ టీ షర్ట్ భుజం దగ్గర ముందు వెనక చిరుగులు ఉన్నాయి. ఇది చూసి రాజేంద్రప్రసాద్ సినిమాలో బొక్కల చొక్కా గుర్తొచ్చింది అని సరదాగా కామెంట్స్ కూడా చేస్తున్నారు. దీంతో కింగ్ కూడా ఈ చిరుగులు ఫ్యాషన్ ఫాలో అవుతున్నాడని అంటున్నారు ఫ్యాన్స్.

మొత్తానికి బాలీవుడ్ లో ఇప్పుడు చిరుగులు ఫ్యాషన్ నడుస్తుంది. స్టార్ హీరోలే ఇలా వేసుకొస్తున్నారు అంటే ఇక మాములు ఆర్టిస్టులు, యూట్యూబ్, సోషల్ మీదకి ఫేమ్ ఉన్న బ్యాచ్ లు మున్ముందు ఇలాంటివి చిరిగినవి ఏమేం వేసుకుంటారో అని చర్చ జరుగుతుంది.