Peddi
Peddi : రామ్ చరణ్ పెద్ది సినిమా భారీగా తెరకెక్కిస్తున్న సంగతి తెలిసిందే. బుచ్చిబాబు సాన దర్శకత్వంలో రామ్ చరణ్ – జాన్వీ కపూర్ జంటగా ఈ సినిమా తెరకెక్కుతుంది. ఇప్పటికే రిలీజయిన గ్లింప్స్, సాంగ్ తో సినిమాపై భారీ అంచనాలు నెలకొన్నాయి. ఇప్పటికే 50 శాతం పైనే షూటింగ్ కూడా అయిపోయింది. ఫ్యాన్స్ ఈ సినిమా కోసం ఎదురుచూస్తున్నారు.(Peddi)
తాజాగా పెద్ది సినిమా నుంచి ఓ ఆసక్తికర సమాచారం వైరల్ అవుతుంది. పెద్ది సినిమాలో ఓ స్పెషల్ యాక్షన్ సీన్ ని కొరియోగ్రఫీ చేయడానికి బాలీవుడ్ ని నుంచి యాక్షన్ కొరియోగ్రాఫర్ ని తీసుకొస్తున్నారు. ఆయనెవరో కాదు.. బాలీవుడ్ స్టార్ స్టంట్ మాస్టర్ శామ్ కౌశల్. స్టార్ హీరో విక్కీ కౌశల్ తండ్రి.
Also Read : Dhamaka : ‘ధమాకా’ సీక్వెల్.. టైటిల్ కూడా ఫిక్స్.. మళ్ళీ రవితేజ – శ్రీలీల రచ్చ..
బాలీవుడ్ లో ఎన్నో ఏళ్లుగా బోలెడు సూపర్ హిట్ సినిమాలకు, అమితాబ్, షారుఖ్, అమీర్ ఖాన్.. చాలా మంది స్టార్ హీరోల సినిమాలకు ఫైట్ మాస్టర్ గా చేసారు. టాలీవుడ్ లో కూడా ఈయన పలు సినిమాలకు పనిచేసారు.
శామ్ కౌశల్ ఇటీవల తెలుగులో పవన్ కళ్యాణ్ హరిహర వీరమల్లు సినిమాకు యాక్షన్ కొరియోగ్రాఫర్ గా పనిచేసారు. అలా మొన్న బాబాయ్ కోసం పనిచేస్తే ఇప్పుడు అబ్బాయి రామ్ చరణ్ కోసం పని చేస్తున్నారు. చరణ్ పెద్ది సినిమాలో ఓ స్పెషల్ కాన్సెప్ట్ ఆధారిత యాక్షన్ సీన్ శామ్ కౌశల్ కంపోజ్ చేస్తున్నారట. దీనికి సంబంధిచిన షూటింగ్ హైదరాబాద్ లో ప్రస్తుతం జరుగుతుందని సమాచారం. దీంతో పెద్ది సినిమా ఫైట్స్ మీద కూడా అంచనాలు నెలకొన్నాయి.
Also Read : Ibomma Ravi: ఐబొమ్మ.. బప్పం.. పేర్ల వెనుక అసలు కథ..! ఆసక్తికర విషయాలు చెప్పిన రవి..
