Jalsa Special Show: రీ-రిలీజ్‌లోనూ దుమ్ములేపిన పవన్ కళ్యాణ్.. జల్సా చేసుకున్న ఫ్యాన్స్!

Jalsa Spcial Show Collections Are Outstanding

Jalsa Spcial Show: పవర్ స్టార్ పవన్ కళ్యాణ్ నటించిన ‘జల్సా’ చిత్రాన్ని అభిమానులు పవన్ పుట్టినరోజు సందర్భంగా ప్రపంచవ్యాప్తంగా భారీ స్థాయిలో స్పెషల్ షోలు వేసిన సంగతి అందరికీ తెలిసిందే. మునుపెన్నడూ లేని విధంగా జల్సా చిత్రానికి స్పెషల్ షోలు పడటంతో ఈ సినిమా ఇండియన్ సినిమా చరిత్రలో సరికొత్త రికార్డును క్రియేట్ చేసింది. ఈ సినిమాను 2008లో రిలీజ్ చేయగా, మాటల మాంత్రికుడు త్రివిక్రమ్ ఈ సినిమాను డైరెక్ట్ చేశాడు. ఇక ఈ సినిమాతో పవన్ కళ్యాణ్ బాక్సాఫీస్ వద్ద అదిరిపోయే బ్లాక్‌బస్టర్ హిట్‌ను తన ఖాతాలో వేసుకున్నాడు.

Jalsa Special Show: రికార్డు క్రియేట్ చేసిన జల్సా స్పెషల్ షో.. క్రేజ్ కా బాప్!

తాజాగా ఈ సినిమా మరోసారి తన సత్తా చాటింది. పవన్ అభిమానులకు ఎంతో ఇష్టమైన ఈ చిత్రం స్పెషల్ ఫోలకు కూడా రెస్పాన్స్ అదిరిపోయింది. అక్కడా.. ఇక్కడా.. అనే తేడా లేకుండా, రీ-రిలీజ్ అయిన అన్ని చోట్లా ఈ సినిమాకు అభిమానులు పోటెత్తారు. దీంతో ఈ సినిమా బాక్సాఫీస్ వద్ద మరోసారి తన స్టామినా ఏమిటో చూపించింది. ఈ సినిమాకు వరల్డ్‌వైడ్‌గా రూ.3.25 కోట్ల గ్రాస్ వసూళ్లు వచ్చినట్లుగా చిత్ర వర్గాలు చెబుతున్నాయి.

Jalsa Special Shows: పోకిరి రికార్డును లేపేసిన జల్సా.. ఏంది సామీ ఈ క్రేజ్?

ఇలా ఓ రీ-రిలీజ్ సినిమాకు ఈ స్థాయిలో కలెక్షన్లు రావడం నిజంగా విశేషం. ఇక ఈ సినిమాను మళ్లీ థియేటర్లలో చూసేందుకు పవన్ ఫ్యాన్స్ చేసిన రచ్చ అంతా ఇంతా కాదు. సోషల్ మీడియాలో పవన్ మేనియాతో ‘జల్సా’ చేశారు ఫ్యాన్స్. ఈ సినిమా స్పెషల్ షోలతో ఆయనకు అదిరిపోయే బర్త్‌డే ట్రీట్ ఇచ్చారు అభిమానులు. మున్ముందు రీ-రిలీజ్ సినిమాలు ఎలాంటి సరికొత్త రికార్డులను క్రియేట్ చేస్తాయో చూడాలి.