Johnny Master Controversy : జానీ మాస్టర్‌పై బ్యాన్ తప్పదా? టాలీవుడ్‌లో హాట్ టాపిక్‌గా మారిన వివాదం!

Jani Master Issue Hot Topic in Tollywood Will Face a Ban

Jani Master Controversy : టాలీవుడ్‌లో డ్యాన్స్ జానీ మాస్టర్ తీరు మరోసారి హాట్ టాపిక్‌గా మారింది. ఫిల్మ్ ఫెడరేషన్‌తో ఆయనకు విభేదాలు మరింత పెరిగాయనే టాక్ ఇండస్ట్రీలో గట్టిగా వినిపిస్తున్నాయి. డ్యాన్సర్స్‌ అసోసియేషన్ ఎలక్షన్స్ విషయంలో జానీ మాస్టర్ ఉప ఎన్నికలకు వెళ్లాలని తీసుకున్న నిర్ణయాన్ని ఫెడరేషన్ వ్యతిరేకించింది. ఫెడరేషన్ నిర్ణయాలను పట్టించుకోకుండా ముందుకు వెళ్తున్నారనే ఆరోపణలు వచ్చాయి. దీంతో జానీ మాస్టర్‌పై శాశ్వత బ్యాన్ వేయాలా.? లేక ఎలాంటి యాక్షన్ తీసుకోవాలన్న దానిపై ఇంటర్నల్ డిస్కషన్స్ నడుస్తున్నాయట. తెరవెనుక ఇందుకు సంబంధించిన మంత్రాంగం నడుస్తుందని త్వరలోనే.. ఆయనపై కఠిన చర్యలు తీసుకొనేలా ప్రకటన రాబోతుందనే గుసగుసలు వినిపసిస్తున్నాయి.ళ

Also Read – MLA Assets : వందల కోట్ల అప్పులు.. వారం రోజుల్లో క్లియర్! ఉమ్మడి ఆదిలాబాద్ జిల్లా ఎమ్మెల్యేపై హాట్ డిస్కషన్! ఎలా వచ్చాయి?

జానీ మాస్టర్ భార్య, డ్యాన్సర్స్ అసోసియేషన్ అధ్యక్షురాలు సుమలత ఏకపక్షంగా నిర్ణయాలు తీసుకుంటున్నారని.. పది మంది సభ్యులు రిజైన్‌ చేయడం పెద్ద ఇష్యూ అయింది. వివాదం ముదరడంతో ఫిల్మ్ ఫెడరేషన్‌ జోక్యం చేసుకొని సమస్యను సాల్వ్ చేసేందుకు ప్రయత్నించింది. కానీ, జానీ మాస్టర్ నిర్మాతలకు వినతిపత్రం ఇస్తూ.. ఫిల్మ్ ఫెడరేషన్‌ నిర్ణయాలు తమను ఇబ్బందికి గురి చేస్తున్నాయని అనడం ఇష్యూ మళ్లీ మొదటికి వచ్చింది. తర్వాత వివాదం పరిష్కారం కోసం మీటింగ్ నిర్వహించి సమస్య సాల్వ్ అయినట్లు ప్రకటించారు కూడా. ఆ తర్వాత మళ్లీ జానీ మాస్టర్ ఏకపక్ష నిర్ణయాలు తీసుకుంటున్నారనే ఆరోపణలు రావడం హాట్ టాపిక్‌గా మారింది.

తరుచూ డ్యాన్సర్స్‌ అసోసియేషన్‌లో వస్తున్న వివాదాలకు జానీ మాస్టారే కారణమన్న టాక్ కూడా ఇండస్ట్రీలో వినిపిస్తోంది. ఫిల్మ్ ఫెడరేషన్‌ను లెక్క చేయటం లేదనే విమర్శలు కూడా జోరుగా వినిపిస్తున్న పరిస్థితుల్లో, ఈ వివాదం ఇంకెంత దూరం వెళ్తుందోనన్న సస్పెన్స్ కంటిన్యూ అవుతోంది.