Nara Rohith: నా జీవితాంతం గుర్తుపెట్టుకుంటాను.. పెళ్లి తరువాత నారా రోహిత్ ఎమోషనల్ పోస్ట్..

Nara Rohit posts emotional post on social media after marriage

Nara Rohith: టాలీవుడ్ హీరో నారా రోహిత్ వివాహం ఇటీవల జరిగిన విషయం తెలిసిందే. కుటుంబసభ్యుల మధ్య వధువు శిరీష లెల్లా మేడలో ఆయన తాళి కట్టారు. అంగరంగ వైభవంగా జరిగిన ఈ పెళ్లికి నారా, నందమూరి ఫ్యామిలీలు హాజరయ్యాయి. అలాగే.. సినీ, రాజకీయ ప్రముఖులు కూడా పెద్ద ఎత్తున హాజరై నూతన వధూవరులను ఆశీర్వదించారు. అయితే, పెళ్లి అనంతరం ఎమోషనల్ పోస్ట్ పెట్టాడు. ప్రస్తుతం ఈ పోస్ట్ వైరల్ గా మారింది.

Riddhi Kumar: లండన్ వెకేషన్ లో రాజాసాబ్ బ్యూటీ.. రిద్ధి కుమార్ క్యూట్ ఫోటోలు

ఈపోస్ట్ లో ఆయన.. “మీ అందరి ఆశీర్వాదాలతో ఈ రోజు మరింత ప్రత్యేకంగా, ప్రకాశవంతంగా, అందంగా మారింది. ఈ రోజును ఇంత అద్భుతంగా మార్చిన స్నేహితులు, కుటుంబ సభ్యులందరికీ నా కృతజ్ఞతలు. మీ ప్రేమ మాకు బలాన్ని ఇచ్చింది. ఈ మధురమైన, ఆనందమైన జ్ఞాపకాలను నా జీవితాంతం గుర్తుపెట్టుకుంటాము. ముఖ్యంగా పెద్దమ్మ, పెదనాన్న, లోకేష్ అన్న, బ్రాహ్మణి వదిన , తేజస్విని, మామ, వసుంధర గారికి మా ప్రత్యేకమైన ధన్యవాదాలు. ఇంకా, సినిమా, రాజకీయ రంగాలకు చెందిన వారందరి ప్రేమ మా హృదయాన్ని తాకింది. మా సోషల్ మీడియా స్నేహితులకు, అభిమానులకు కూడా నా కృతజ్ఞతలు” అంటూ ఎమోషనల్ నోట్ రాసుకొచ్చారు. ప్రస్తుతం ఈ నోట్ సోషల్ మీడియాలో వైరల్ గా మారింది.