Kalki 2898 AD : కల్కిలో ప్రభాస్ మూడు పాత్రలు..? పాస్ట్.. ప్రెజెంట్.. ఫ్యూచర్..!

Kalki 2898 AD : ప్ర‌భాస్ న‌టిస్తున్న సైన్స్ ఫిక్ష‌న్ యాక్షన్ థ్రిల్ల‌ర్‌ సినిమా ‘కల్కి 2898 AD’. నాగ్ అశ్విన్ ద‌ర్శ‌క‌త్వం వ‌హిస్తున్న ఈ సినిమా ఇండియాలోనే బిగ్గెస్ట్ ప్రాజెక్ట్ గా తెరకెక్కుతుంది. ఈ సినిమాలో లోక‌నాయ‌కుడు కమల్‌ హాసన్‌ విల‌న్‌గా క‌నిపించ‌నుండ‌గా దీపికా పదుకొనే, దిశా పటాని హీరోయిన్స్ గా నటిస్తున్నారు. అమితాబ్ బచ్చన్ ఒక ముఖ్య పాత్ర చేస్తున్నారు. కాగా ఈ మూవీలో ప్రభాస్ మోడరన్ విష్ణుమూర్తిగా కనిపించబోతున్నారని నిర్మాత అశ్వినీ దత్ వెల్లడించిన సంగతి తెలిసిందే.

దీంతో ఈ మూవీలో ప్రభాస్ ఎలా కనిపించబోతున్నారో అని అందరిలో ఆసక్తి మొదలైంది. ఇటీవల కల్కి మూవీ సెట్స్‌లో నెట్‌ఫ్లిక్స్ సీఈఓ ప్రభాస్ తో ఉన్న ఫోటో ఒకటి బయటకి వచ్చిన సంగతి తెలిసిందే. ఆ పిక్ లో ప్రభాస్ గుబురు గడ్డంతో కొత్త లుక్ లో కనిపించారు. దీంతో మూవీలో ఆయన లుక్స్ పై మరింత క్యూరియాసిటీ క్రియేట్ అయ్యింది. తాజాగా ప్రభాస్ పాత్రలకి సంబంధించిన ఓ వార్త నెట్టింట వైరల్ గా మారింది.

Also read : Murali Mohan : మనవరాళ్ల పెళ్లిళ్లు గురించి మాట్లాడిన మురళీ మోహన్.. కీరవాణి కొడుకుతో పెళ్లి..

ఈ సినిమాలో ప్రభాస్ మొత్తం మూడు పాత్రల్లో కనిపించబోతున్నారట. పాస్ట్, ప్రెజెంట్, ఫ్యూచర్ మూడు టైం పీరియడ్స్ లో డిఫరెంట్ గెటప్స్ లో ప్రభాస్ కనిపించబోతున్నారట. మరి ఈ వార్తలో ఎంత నిజముందో తెలియదు గాని, ప్రస్తుతం ఈ వార్త అయితే వైరల్ గా మారింది. వైజయంతి బ్యానర్స్ పై అశ్వినీ దత్ నిర్మిస్తున్న ఈ చిత్రం 2024 సంక్రాంతికి రిలీజ్ చేస్తామంటూ ప్రకటించినప్పటికీ.. గ్రాఫిక్స్ వర్క్స్ పూర్తి కాకా రిలీజ్ ని వాయిదా వేశారు.

మరి ఈ చిత్రాన్ని ఎప్పుడు పూర్తి చేసి ఎప్పుడు ఆడియన్స్ ముందుకు తీసుకు వస్తారో చూడాలి. కాగా ఈ సినిమా ఒకటి కంటే ఎక్కువ భాగాలుగా తెరకెక్కుతోందని ఇండస్ట్రీలో టాక్ వినిపిస్తుంది. ప్రస్తుతం ప్రభాస్ నటిస్తున్న సలార్ కూడా రెండు భాగాలుగా వస్తుంది. మరి కల్కి ఎన్ని భాగాలుగా వస్తుందో. సంతోష్ నారాయణ్ ఈ సినిమాకి సంగీతం అందిస్తున్నారు.