Producer Mikkilineni Sudhakar give solid update on Devara 2.
Devara 2: మ్యాన్ ఆఫ్ మాసెస్ ఎన్టీఆర్ కెరీర్ లో బిగ్గెస్ట్ హిట్ అంటే దేవర అనే చెప్పాలి. దర్శకుడు కొరటాల శివ తెరకెక్కించిన ఆ మాస్ ఎంటర్టైనర్ 2024లో విడుదలై భారీ విజయం సాధించింది. ఈ సినిమా ఏకంగా రూ.450 కోట్లకు పైగా వసూళ్లు సాధించి ఎన్టీఆర్ కెరీర్ లోనే బిగ్గెస్ట్ హిట్ గా నిలిచింది. ఇక ఈ సినిమాకు సీక్వెల్ గా దేవర 2(Devara 2) కూడా ఉంటుందని మేకర్స్ ప్రకటించిన విషయం తెలిసిందే.
అప్పటినుంచి ఈ సీక్వెల్ కోసం ఎన్టీఆర్ ఫ్యాన్స్ ఈగర్ గా వెయిట్ చేస్తున్నారు. దాదాపు రెండేళ్లు గడుస్తున్నా మేకర్స్ మాత్రం ఈ సినిమాపై ఎలాంటి అధికారిక ప్రకటన చేయడంలేదు. కొన్నిసార్లు ఈ సినిమా ఆగిపోయింది ఇక రావడం కషటమే అని కామెంట్స్ కూడా వినిపించాయి. ఫ్యాన్స్ కూడా అదే నిజం అనుకోని నమ్మేశారు. కానీ, తాజాగా దేవర పార్ట్ 2పై సాలిడ్ అప్డేట్ ఇచ్చాడు నిర్మాత మిక్కిలినేని సుధాకర్. రీసెంట్ గా అయన నందిగామలో జరిగిన ఒక కార్యక్రమంలో పాల్గొన్నారు.
Jana Nayagan: ‘జన నాయగన్’ విడుదలకు సర్వం సిద్ధం.. అధికారిక ప్రకటన చేయనున్న మేకర్స్.
ఈ కార్యక్రమంలో ఆయనను దేవర పార్ట్ 2 గురించి ప్రశ్నించారు. దానికి సమాధానంగా ఆయన మాట్లాడుతూ.. ” దేవర 2 తప్పకుండా ఉంటుంది. ఈ సినిమాను రెగ్యులర్ షూటింగ్ మే నుంచి స్టార్ట్ అవుతుంది. 2027 ఎండింగ్ లో ఈ సినిమా ప్రేక్షకుల ముందుకు వస్తుంది” అంటూ చెప్పుకొచ్చాడు. ప్రస్తుతం దీనికి సంబందించిన వీడియో సోషల్ మీడియాలో వైరల్ గా మారింది.
ఇక ఈ న్యూస్ తెలియడంతో ఎన్టీఆర్ ఫ్యాన్స్ ఆనందం వ్యక్తం చేస్తున్నారు. అసలు ఉంటుందా ఉండదా అనుకున్న సినిమా నుంచి ఏఇంత పెద్ద అప్డేట్ రావడంతో చాలా హ్యాపీ ఫీలవుతున్నారు. ఇక ఎన్టీఆర్ ప్రస్తుతం కన్నడ దర్శకుడు ప్రశాంత్ నీల్ తో డ్రాగన్ సినిమా చేస్తున్న విషయం తెలిసిందే. ఇంటర్నేషనల్ లెవల్లో వస్తున్న ఈ సినిమా షూటింగ్ ఇప్పటికే దాదాపు పూర్తయ్యింది. ఈ సినిమా త్వరలోనే ఈ సినిమా రిలీజ్ డేట్ పై అధికారిక ప్రకటన వచ్చే అవకాశం ఉంది.
