Fahadh Faasil : బాహుబలి నిర్మాణ సంస్థలో ఫహద్ ఫాజిల్ కొత్త సినిమాలు.. బాలయ్య డైలాగ్‌తో ఒక సినిమా టైటిల్..

Pushpa 2 star Fahadh Faasil announce his next project in baahubali production company

Fahadh Faasil : మలయాళ నటుడు ఫహద్ ఫాజిల్.. ప్రస్తుతం సౌత్ ఇండియాలోని లాంగ్వేజ్స్ అన్నిటిలో నటిస్తూ మోస్ట్ వాంటెడ్ యాక్టర్ గా మారిపోతున్నారు. ప్రస్తుతం తమిళంలో రెండు సినిమాలు, తెలుగులో ఒక సినిమా చేస్తున్న ఈ మలయాళ నటుడు.. ఇప్పుడు తెలుగులో మరో రెండు కొత్త సినిమాలకు సైన్ చేసారు. ఈ రెండు చిత్రాలు బాహుబలి నిర్మాణ సంస్థలోనే కావడం విశేషం.

‘ఆక్సిజన్’ అనే టైటిల్ లో ఓ సినిమాని అనౌన్స్ చేసారు. నిజ జీవిత సంఘటనలు ఆధారంగా రూపొందుతున్న ఈ సినిమా ఫ్రెండ్‌షిప్ నేపథ్యంతో ఉండబోతుందని తెలుస్తుంది. సిద్దార్థ నాదెళ్ల ఈ చిత్రానికి దర్శకత్వం వహిస్తున్నారు. ఈ మూవీని అనౌన్స్ చేస్తూనే రిలీజ్ చేసిన పోస్టర్ ఆకట్టుకునేలా ఉంది. మాస్క్ తో ఉన్న ఫహద్ ఫాజిల్ పేస్ ని పోస్టర్ లో చూపించారు. ఇది చూస్తుంటే.. కరోనా సమయంలో చోటు చేసుకున్న కథ అని తెలుస్తుంది.

Also read : Ram Charan : వైజాగ్ బీచ్‌లో కూతురు క్లీంకారతో రామ్ చరణ్.. వీడియో వైరల్..

ఇక మరో సినిమాకి బాలయ్య డైలాగ్ ని టైటిల్ గా పెట్టారు. ‘డోంట్ ట్రబుల్ ద ట్రబుల్’ అనే ఇంగ్లీష్ టైటిల్ ని ఫిక్స్ చేసారు. ఎమోషనల్ ఫాంటసీ కామెడీ థ్రిల్లర్ గా ఈ చిత్రం ఉండబోతుంది. ఫహద్ తో పాటు ఈ సినిమాలో ఒక చిన్న పిల్ల పాత్ర కూడా ప్రధానంగా ఉండబోతుంది. మూవీని అనౌన్స్ చేస్తూ రిలీజ్ చేసిన పోస్టర్‌లో.. ఫహద్ అండ్ ఒక చిన్న పాప పోలీస్ కారు పై కనిపిస్తున్నారు. పాప చేతిలో ఒక మంత్రదండం కనిపిస్తుంది. శశాంక్ ఏలేటి ఈ చిత్రాన్ని డైరెక్ట్ చేస్తున్నారు.

ఈ రెండు సినిమా అనౌన్స్‌మెంట్ పోస్టర్స్ అండ్ టైటిల్స్ ఆడియన్స్ ని ఆకట్టుకునేలా ఉన్నాయి. మరి ఈ చిత్రాలను ఎప్పుడు ఆడియన్స్ ముందుకు తీసుకు వస్తారో చూడాలి. కాగా ఫహద్ పుష్ప 2 సినిమాలో మెయిన్ విలన్ గా నటిస్తున్న సంగతి తెలిసిందే. ఈ చిత్రం ఈ ఆగష్టులో రిలీజ్ కి సిద్దమవుతుంది.