Matti Kusthi: రవితేజ నిర్మాణంలో తమిళ హీరో విష్ణు విశాల్ సినిమా.. విడుదలైన ఫస్ట్ లుక్ పోస్టర్..

Ravi Teja Produces Tamil Hero Vishnu Vishal Matti Kusthi Movie

Matti Kusthi: టాలీవుడ్ మాస్ మహారాజ్ రవితేజ వరుస సినిమాలు చేస్తూ నటన మీదే దృష్టి పెడుతూ వచ్చాడు. అయితే ఇప్పుడు సినీ నిర్మాణ రంగంలో కూడా అడుగు పెట్టబోతున్నాడు. “RT టీమ్‌వర్క్స్‌” అనే ఈ సంస్థలో కొత్త టాలెంట్ ని ప్రోత్సహిస్తూ, కొత్తవారికి అవకాశం కల్పించనున్నాడు. ఈ క్రమంలోనే తమిళ హీరో విష్ణు విశాల్ గత చిత్రం ఎఫ్‌ఐఆర్‌కి సమర్పకుడిగా వ్యవహరించిన విషయం తెలిసిందే.

Raviteja: మళ్లీ ఇద్దరు బ్యూటీలతో మాస్ రాజా రొమాన్స్.. ఈసారి ఎవరంటే?

కాగా ఇప్పుడు విశాల్ తరువాతి రాబోయే చిత్రం “మట్టి కుస్తికి” నిర్మాణ భాగస్వామిగా మారాడు. RT టీమ్‌వర్క్స్‌తో కలిసి విష్ణు విశాల్ స్టూడియోస్ ఈ చిత్రాన్ని నిర్మిస్తుంది. మట్టి కుస్తి అనేది ఒక స్పోర్ట్స్ ఫ్యామిలీ డ్రామా. ఇందులో విష్ణు విశాల్ రెజ్లర్‌గా కనిపించనున్నాడు. రెడ్ కలర్ రెజ్లింగ్ జెర్సీలో కుస్తీ బరిలోకి దిగుతున్న విశాల్ ఫస్ట్ లుక్ పోస్టర్ ను రవితేజ నేడు విడుదల చేశాడు. ఈ సినిమాతో విశాల్ మూడోసారి స్పోర్ట్స్ బ్యాక్ డ్రాప్ తో ప్రేక్షకుల ముందుకు రాబోతున్నాడు.

చెల్లా అయ్యావు దర్శకత్వం వహిస్తున్న ఈ సినిమా శరవేగంగా చిత్రీకరణ జరుపుకుంటుంది. ఇప్పటికే నిర్మాణాంతర కార్యక్రమాలు పూర్తి చేసుకున్న ఈ చిత్రాన్ని క్రిస్మస్ కానుకగా డిసెంబర్‌లో విడుదల చేసేందుకు మేకర్స్ ప్లాన్ చేస్తున్నారు. ఇక ఈ సినిమాలో ఐశ్వర్య లక్ష్మి కథానాయిక నటిస్తుండగా, జస్టిన్ ప్రభాకరన్ సంగీతం అందిస్తున్నారు. మరి ఈ సినిమా రవితేజ కి ప్రొడ్యూసర్ గా ఎంతవరకు బూస్ట్ ఇవ్వగలదు చూడాలి.