Aan Paavam Pollathathu
Aan Paavam Pollathathu : రియో రాజ్, మాళవిక మనోజ్ జంటగా తెరకెక్కిన తమిళ సినిమా ‘ఆన్ పావమ్ పొల్లతత్తు’. గత నెల అక్టోబర్ 31న తమిళ్ లో రిలీజయి మంచి విజయం సాధించింది. కలైరాసన్ తంగవేల్ దర్శకత్వంలో తెరకెక్కిన ఈ సినిమా ఇప్పుడు ఓటీటీలోకి వచ్చింది. నవంబరు 28 నుంచి జియో హాట్‌స్టార్‌లో తెలుగు, తమిళ, కన్నడ, మలయాళ, హిందీ భాషల్లో స్ట్రీమింగ్ అవుతుంది.(Aan Paavam Pollathathu)
కథ విషయానికొస్తే.. శివ(రియో రాజ్) శక్తి(మాళవిక మనోజ్) ఇంట్లో చూసే పెళ్లి సంబంధాలతో పెళ్లి చూపుల ద్వారా పరిచయం అయి పెళ్లి చేసుకుంటారు. శివ తన భార్యకు నచ్చినట్టు ఉండమని, తన తండ్రి పెట్టే ఆంక్షలు ఏమి నేను పెట్టనని సపోర్ట్ చేస్తాడు. శక్తి దాన్ని అలుసుగా తీసుకొని నా ఇష్టం అంటూ కొన్ని పనులు చేస్తుంది. శివ కూల్ గా చెప్పినా, పెద్దల ముందు మర్యాదగా ఉండాలి అని మంచి మాటలు చెప్పినా వినదు. శివ భార్యకు సపోర్ట్ చేయాలి అనుకుంటుంటే శక్తి మాత్రం నా ఇష్టం అంటూ కనీసం చిన్న చిన్న పనులు కూడా చేయదు. దీంతో శివకు ఓపిక నశించి గొడవ పడతాడు. ఆ గొడవలు కాస్త పెద్దగా మారతాయి.
అనుకోకుండా ఓ గొడవ తర్వాత డైవర్స్ కి వెళ్తారు ఇద్దరు. శివ నారాయణన్(RJ విగ్నేష్ కాంత్)ని కలిసి తన భార్యతో జరిగినవి అన్ని చెప్పి తనతో కలిసి ఉండాలని ఉందని అంటాడు. శక్తి లక్ష్మి(షీలా) అనే లాయర్ దగ్గరికి వెళ్తుంది. లక్ష్మి – నారాయణన్ ఒకప్పుడు భార్యాభర్తలు. లక్ష్మి ఒక సూడో ఫెమినిస్ట్ అవ్వడంతో ఎలాగైనా శక్తికి – శివకి విడాకులు ఇప్పించి తన మాజీ భర్త నారాయణన్ మీద గెలవాలని సర్వ ప్రయత్నాలు చేస్తుంది. మరి కేసు ఎవరు గెలుస్తారు? శివ – శక్తి కలుస్తారా? విడిపోతారా? అసలు నారాయణన్ – లక్ష్మి ఎందుకు విడిపోయారు.. ఇవన్నీ తెలియాలంటే తెరపై చూడాల్సిందే.
మన సమాజంలో చట్టం ముందు మహిళలు ఏం చెప్పినా నమ్మేస్తారు. అందుకే ఇటీవల ఫేక్ రేప్ కేసులు, ఫేక్ వేధింపులు, ఫేక్ విడాకుల కేసులు ఎక్కువ అవుతున్నాయి. ముఖ్యంగా డబ్బుల కోసం కొంతమంది పెళ్లిళ్లు చేసుకొని విడాకులు తీసుకుంటున్నారు. ఇటీవల అలాంటి కేసులు రోజూ వస్తూనే ఉన్నాయి. ఫ్యామిలీ కోసం భర్త కష్టపడుతున్నా, భార్యకు ఫ్రీడమ్ ఇస్తున్నా కనీసం విలువ ఇవ్వట్లేదు, పైగా ఇలాంటి కేసులు పెట్టి డబ్బులు తీసుకోవాలని చూస్తున్నారు అనే పాయింట్ ని తీసుకొని భార్యాభర్తలు ఎలా ఉండాలి అంటూ ఈ ఆన్ పావమ్ పొల్లతత్తు సినిమా తెరకెక్కించారు. తమిళ్ లో దీనికి అర్ధం ‘మగవాళ్ళు ప్రమాదంలో ఉన్నారు అది పాపం’ అని.
ఫస్ట్ హాఫ్ మొదట్లో హీరో – హీరోయిన్ పెళ్లి ఇద్దరూ సరదాగా రొమాంటిక్ లైఫ్ తో సింపుల్ గా సాగిపోతుంది. ఆ తర్వాత లాయర్ దగ్గరకు వెళ్లి తనకు జరిగిన గొడవలు ఒక్కొక్కటి చెప్తూ ఉంటాడు శివ. ఆ గొడవలు అన్ని రియల్ లైఫ్ లో జరిగేవే, ఇవి నిజాలే కదా అనిపిస్తాయి. హీరోయిన్ తరపు లాయర్ కూడా ఎంట్రీ ఇచ్చాక కథ మరింత ఆసక్తికరంగా మారుతుంది. హీరో – హీరోయిన్ కేసు కాస్తా ఇద్దరు లాయర్లు ప్రతిష్టాత్మకంగా తీసుకోవడంతో కేసు రసవత్తరంగా ఉంటుంది. లేడీ లాయర్ అన్ని ఫేక్ వార్తలు, ఫేక్ ఆధారాలు సృష్టిస్తుండటంతో వామ్మో ఇంత చేస్తారా అని అనిపించడం ఖాయం. సీరియస్ గా కథ సాగుతుంటే మధ్యలో పాట తో ఆ కథని చెప్పాలనుకున్నా కానీ వర్కౌట్ అవ్వలేదు. క్లైమాక్స్ అయితే ఏడిపించేస్తారు.
చట్టం మహిళల రక్షణ కోసం ఇచ్చిన బలమైన చట్టాలను ఇస్తే వాళ్ళు ఎలా దుర్వినియోగం చేస్తున్నారు, ఫెమినిజంతో మహిళలను ఎదిగేలా చేయడం కాకుండా సూడో ఫెమినిజం తో మహిళలను ఎలా మారుస్తున్నారు, భార్య భర్తల ఎందుకు విబేధాలు వస్తున్నాయి, అలాంటప్పుడు ఏం చేయాలి, మగవాళ్ల కష్టం, మగవాళ్లకు కూడా ఫీలింగ్స్ ఉంటాయి, సమాజంలో మగవాళ్లకు జరుగుతున్న అన్యాయం, సోషల్ మీడియా మనుషులను ఎలా ప్రభివితం చేస్తుంది.. లాంటి పలు అంశాలను చక్కగా ప్రస్తావించారు. కొన్ని కొన్ని సీన్స్, కామెడీ బాగా వర్కౌట్ అయ్యాయి. ఈ జనరేషన్ భార్యాభర్తలు ఈ సినిమాని కచ్చితంగా చూడాలి. డైవర్స్ కోసం వెళ్లే భార్యాభర్తలు కూడా ఈ సినిమాని చూడాలి. కనీసం ఇలాంటి సినిమాలు చూసి అయినా మగవాళ్ల మీద పెట్టే ఫేక్ కేసులను సరిగ్గా విచారిస్తారేమో చూడాలి.
రియో రాజ్ భార్య కోసం పరితపించే భర్త పాత్రలో, భార్యకు సపోర్ట్ చేసినా తను ఏం చేయకపోతే బాధపడే పాత్రలో బాగా నటించాడు. చాలా మంది మగవాళ్ళు రియో రాజ్ పాత్రకు కనెక్ట్ అవుతారు. మాళవిక మనోజ్ జీవితం మీద క్లారిటీ లేని సోషల్ మీడియా ప్రభావితం అయిన భార్య పాత్రలో బాగా నటించింది. RJ విగ్నేష్ కాంత్, షీలా లాయర్స్ పాత్రల్లో అదరగొట్టేసారు. మిగిలిన నటీనటులు వారి పాత్రల్లో మెప్పించారు.
Also Read : Revolver Rita Review : ‘రివాల్వర్ రీటా’ మూవీ రివ్యూ.. డాన్ వచ్చి హీరోయిన్ ఇంట్లో చనిపోతే ఏం జరిగింది..?
సాంకేతిక అంశాలు.. సినిమాటోగ్రఫీ విజువల్స్ బాగున్నాయి. బ్యాక్ గ్రౌండ్ మ్యూజిక్ బాగుంది కానీ పాటలు మాత్రం యావరేజ్. తెలుగు డబ్బింగ్ బాగా కుదిరింది. ఇప్పుడు సమాజంలో జాలుగుతున్న రియల్ అంశాలను తీసుకొని భార్యాభర్తల జంట మధ్య బాగా రాసుకున్నాడు దర్శకుడు. నిర్మాణ పరంగా ఈ సినిమాకు కావాల్సినంత ఖర్చుపెట్టారు.
మొత్తంగా తమిళ్ సినిమా ఆన్ పావమ్ పొల్లతత్తు ఈ జనరేషన్ భార్యాభర్తలు కచ్చితంగా చూడాల్సిన సినిమా. ఈ సినిమాకు 3 రేటింగ్ ఇవ్వొచ్చు.
గమనిక : ఈ సినిమా రివ్యూ & రేటింగ్ కేవలం విశేషకుడి వ్యక్తిగత అభిప్రాయం మాత్రమే.
