Salman Khan : బాలీవుడ్ ప్రముఖ నటుడికి మళ్లీ బెదిరింపు.. పోలీసుల భద్రతా సమీక్ష

బాలీవుడ్ ప్రముఖ నటుడు సల్మాన్ ఖాన్ కు మరోసారి జైలులో ఉన్న గ్యాంగ్‌స్టర్ లారెన్స్ బిష్ణోయ్ నుంచి బెదిరింపు వచ్చింది. గ్యాంగ్‌స్టర్ లారెన్స్ బిష్ణోయ్ ఖాతా ద్వారా ఫేస్‌బుక్‌లో బాలీవుడ్ నటుడికి బెదిరింపు రావడంతో ముంబయి పోలీసులు మంగళవారం సల్మాన్ ఖాన్‌కు భద్రతను సమీక్షించారు....

Salman Khan : బాలీవుడ్ ప్రముఖ నటుడు సల్మాన్ ఖాన్ కు మరోసారి జైలులో ఉన్న గ్యాంగ్‌స్టర్ లారెన్స్ బిష్ణోయ్ నుంచి బెదిరింపు వచ్చింది. గ్యాంగ్‌స్టర్ లారెన్స్ బిష్ణోయ్ ఖాతా ద్వారా ఫేస్‌బుక్‌లో బాలీవుడ్ నటుడికి బెదిరింపు రావడంతో ముంబయి పోలీసులు మంగళవారం సల్మాన్ ఖాన్‌కు భద్రతను సమీక్షించారు. లారెన్స్ బిష్ణోయ్ ప్రస్తుతం నేషనల్ ఇన్వెస్టిగేషన్ ఏజెన్సీ దర్యాప్తు చేసిన డ్రగ్స్ స్మగ్లింగ్ కేసులో జైలులో ఉన్నాడు. ఇటీవల వాంకోవర్ నివాసంపై జరిగిన దాడికి సంబంధించి పంజాబీ గాయకుడు గిప్పీ గ్రేవాల్‌ను ఉద్దేశించి ఫేస్‌బుక్ పోస్ట్ సల్మాన్ ఖాన్‌కు కూడా హెచ్చరిక చేసింది.

ALSO READ : Telangana Assembly Election 2023 : కాయ్ రాజా కాయ్…తెలంగాణ ఎన్నికలపై బెట్టింగ్ దందా

‘‘మీరు కోరుకున్న ఏ దేశానికైనా పారిపోండి, అయితే గుర్తుంచుకోండి, మరణానికి వీసా అవసరం లేదు’’ అని గ్యాంగ్ స్టర్ లారెన్స్ హెచ్చరించాడు. ముప్పు గురించి తెలుసుకున్న ముంబయి పోలీసులు వెంటనే సల్మాన్ ఖాన్ భద్రతా ఏర్పాట్లను పునఃపరిశీలించారు. ఈ ఏడాది మార్చిలో లారెన్స్ బిష్ణోయ్ గ్యాంగ్ నుంచి సల్మాన్ ఖాన్‌కు మరణ బెదిరింపు ఈ-మెయిల్ రావడంతో అతని భద్రతను కట్టుదిట్టం చేశారు. సల్మాన్ ఖాన్ కు గతంలోనూ హత్య బెదిరింపులు వచ్చాయి.

ALSO READ : Telangana Assembly Election 2023 : గ్రామాల్లో అత్యధికం…నగరాల్లో అత్యల్పం… ఇదీ గత ఎన్నికల్లో ఓటింగ్ తీరు

యూకేలో వైద్య విద్యను అభ్యసిస్తున్న భారతీయ విద్యార్థి మెయిల్ ద్వారా ఈ బెదిరింపులకు పాల్పడ్డాడు. దీంతో ఆ విద్యార్థిపై ముంబై పోలీసులు లుక్ అవుట్ సర్క్యులర్ జారీ చేశారు. సల్మాన్ ఖాన్ చాలా కాలం నుంచి లారెన్స్ బిష్ణోయ్ గ్యాంగ్ నుంచి బెదిరింపులు ఎదుర్కొంటున్నారు. ఆయనకు అనేక సార్లు హత్య బెదిరింపులు వచ్చాయి.

ALSO READ : Police Raides : భైంసాలో అర్ధరాత్రి తీవ్ర ఉద్రిక్తత.. బీజేపీ అభ్యర్థి బంధువు ఇంట్లో ఎఫ్ ఎస్టీ టీమ్ తో పోలీసుల సోదాలు

ఈ నేపథ్యంలో సల్మాన్ ఇటీవల బుల్లెట్ ప్రూఫ్ ఎస్ యూవీని కొనుగోలు చేశారు. ఈ ఏడాది మార్చిలో గ్యాంగ్‌స్టర్ లారెన్స్ బిష్ణోయ్ ఓ ఇంటర్వ్యూలో సల్మాన్ ఖాన్‌ను చంపడమే తన జీవిత లక్ష్యం అని చెప్పాడు. కృష్ణజింకను చంపినందుకుగాను ఆయన తమ సమాజానికి క్షమాపణలు చెప్పినప్పుడే అది ముగుస్తుందని అన్నారు.

ట్రెండింగ్ వార్తలు