Tejeswini : సినిమాల్లోకి బాలకృష్ణ రెండో కూతురు? స్పోర్ట్స్ డ్రామాతో అరంగేట్రం?
నందమూరి బాలకృష్ణ రెండో కుమార్తె తేజస్విని (Tejeswini)సినీ రంగ ప్రవేశానికి రంగం సిద్ధమైనట్లు టాలీవుడ్లో జోరుగా ప్రచారం సాగుతోంది.
- Published By: Thota Vamshi Kumar , Updated On : July 31, 2026 / 11:37 AM IST
Bala Krishna Daughter Tejeswini Nandamuri Should Make Her Film Debut
Tejeswini : నందమూరి బాలకృష్ణ రెండో కుమార్తె తేజస్విని సినీ రంగ ప్రవేశానికి రంగం సిద్ధమైనట్లు టాలీవుడ్లో జోరుగా ప్రచారం సాగుతోంది. ఓ స్పోర్ట్స్ డ్రామా నేపథ్యంలో తెరకెక్కనున్న చిత్రంలో ఆమె ప్రధాన పాత్రలో నటించనున్నట్లు సదరు వార్తల సారాంశం. ప్రస్తుతం కథా చర్చలు జరుగుతున్నాయని, ప్రాజెక్టుకు సంబంధించిన తుది నిర్ణయం త్వరలోనే వెలువడే అవకాశముందని అంటున్నారు.
ఈ చిత్రాన్ని సాధారణ కమర్షియల్ సినిమాలా కాకుండా, క్రీడా స్ఫూర్తితో పాటు సామాజిక సందేశాన్ని అందించేలా రూపొందించే ప్రయత్నాలు జరుగుతున్నాయని టాక్ వినిపిస్తోంది. అయితే దీనిపై అటు తేజస్విని గానీ అటు బాలయ్య గానీ ఎవరూ స్పందించలేదు.
Deepika Pilli : యాంకర్ దీపికా పిల్లి క్యూట్ ఎక్స్ప్రెషన్స్..
ఇటీవల తేజస్విని డ్యాన్స్ చేసిన వీడియోలు సోషల్ మీడియాలో వైరల్ కావడంతో, ఆమె సినీ ఎంట్రీపై అభిమానుల్లో ఆసక్తి మరింత పెరిగింది. గతంలో ఆమె ఓ ప్రముఖ ఆభరణాల బ్రాండ్కు బ్రాండ్ అంబాసిడర్గా ఆన్స్క్రీన్లో కనిపించిన సంగతి తెలిసిందే.
View this post on Instagram
Anchor Sreemukhi : బాల్టిమోర్లో చిన్నకోడలు.. యాంకర్ శ్రీముఖి ఫోటోలు వైరల్
ఇక బాలకృష్ణ విషయానికి వస్తే.. ఆయన గోపిచంద్ మలినేని దర్శకత్వంలో ఓ చిత్రంలో నటిస్తున్నారు. ఇటీవల ఈ చిత్ర షూటింగ్లో బాలయ్య గాయపడిన సంగతి తెలిసిందే. మంచు మనోజ్, బాలకృష్ణ మధ్య కీలక యాక్షన్ సీక్వెన్స్ చిత్రీకరిస్తుండగా ప్రమాదం చోటు చేసుకుంది. ఈ ప్రమాదంలో బాలయ్య మోకాలికి గాయమైంది. ఆస్పత్రికి తరలించగా వైద్యులు శస్త్రచికిత్స నిర్వహించారు. ప్రస్తుతం బాలయ్య కోలుకుంటున్నారు. ఆయన కోలుకున్న అనంతరం NBK 111 షూటింగ్లో పాల్గొననున్నారు.
