‘‘వి’’ మూవీలో నుంచి ‘రక్షకుడు’ గా సుధీర్ బాబు ఫస్ట్‌లుక్ రిలీజ్..
నేచురల్ స్టార్ నాని, సుధీర్ బాబు, నివేదా థామస్, అదితిరావు హైదరి ప్రధాన పాత్రల్లో నటిస్తున్న థ్రిల్లర్ మూవీ.. ‘‘వి’’.. శ్రీ వెంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని నిర్మిస్తుండగా.. విభిన్న చిత్రాల దర్శకుడిగా పేరు తెచ్చుకున్న మోహనకృష్ణ ఇంద్రగంటి దర్శకత్వం వహిస్తున్నారు.
కృష్డుడి గీతలో ఎపుడో చెప్పారు.. “రాక్షసుడు” ఎదిగిన నాడు ఒకడొస్తాడని.. వాడే ఇప్పుడొస్తున్నాడు … “రక్షకుడు” వస్తున్నాడు.. అంటూ ప్రకటించిన టీమ్.. సోమవారం ఉదయం ఈ సినిమాలోని ‘రక్షకుడు’ సుధీర్ బాబు ఫస్ట్ లుక్ రిలీజ్ చేశారు. చేతిలో గన్‌తో గురివైపు తీక్షణంగా చూస్తున్న సుధీర్ బాబు లుక్ ఆకట్టుకుంటోంది.
Read Also : దళపతి, మక్కల్ సెల్వన్ ‘మాస్టర్’ మూడో పోస్టర్
జనవరి 28 ఉదయం 10 గంటలకు ‘రాక్షసుడు’గా నాని ఎలా ఉండబోతున్నాడో చూపించనున్నారు. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఉగాది కానుకగా మార్చి 25న ‘వి’ రిలీజ్ కానుంది. మ్యూజిక్ : అమిత్ త్రివేది, సినిమాటోగ్రఫీ : పిజి విందా, ఎడిటింగ్ : మార్తాండ్ కె వెంకటేష్, ఫైట్స్ : రవి వర్మ.
