Shah Rukh Khan recent movie Dunki Collections in five days
Dunki Collections : బాలీవుడ్ స్టార్ డైరెక్టర్ రాజ్ కుమార్ హిరాణి దర్శకత్వంలో షారుఖ్ ఖాన్ హీరోగా తెరకెక్కిన డంకీ సినిమా డిసెంబర్ 21న రిలీజైన సంగతి తెలిసిందే. పఠాన్, జవాన్ మాదిరి కాకుండా ఈ సినిమాని కేవలం హిందీ భాషలోనే రిలీజ్ చేశారు. తాప్సీ, విక్కీ కౌశల్, బోమన్ తదితరులు ప్రధాన పాత్రల్లో తెరకెక్కిన ఈ చిత్రం ఎమోషనల్ డ్రామాతో ఆడియన్స్ ముందుకు వచ్చింది.
కాగా ఈ మూవీ రిలీజ్ అయ్యి రోజులు గడుస్తున్నా మూవీ టీం మాత్రం కలెక్షన్స్ విషయం తెలియజేయడం లేదు. మరో పక్క ఈ చిత్రంతో పాటు రిలీజ్ అయిన సలార్.. ప్రతిరోజు కలెక్షన్స్ తెలియజేస్తూ వస్తున్నారు. దీంతో షారుఖ్ ఖాన్ అభిమానులు కూడా డంకీ కలెక్షన్స్ తెలియజేయాలంటూ కామెంట్స్ చేస్తూ వచ్చారు. తాజాగా మూవీ టీం.. సినిమా కలెక్షన్స్ ని అనౌన్స్ చేసింది.
Also read : Vishal : న్యూయార్క్ సిటీలో ఎవరో అమ్మాయితో విశాల్ వీడియో వైరల్.. మొహం దాచుకున్న హీరో..!
ఈ చిత్రం ఐదు రోజుల్లో రూ.256.40 కోట్ల గ్రాస్ కలెక్షన్స్ ని అందుకున్నట్లు తెలియజేశారు. షారుఖ్ గత చిత్రాలు పఠాన్, జవాన్ కలెక్షన్స్ తో పోలిస్తే.. ఈ కలెక్షన్స్ చాలా తక్కువ అనే చెప్పాలి. అయితే ఈ చిత్రం కేవలం హిందీలోనే రిలీజ్ కావడం కూడా కలెక్షన్స్ పై ప్రభావం చూపించి అనే చెప్పాలి. మరి ఈ చిత్రం ఫుల్ రన్ లో ఎంత కలెక్షన్స్ నమోదు చేస్తుందో చూడాలి. కాగా ఈ చిత్రం 220 కోట్ల పైగా ప్రీ రిలీజ్ బిజినెస్ జరుపుకున్నట్లు చెబుతున్నారు.
256.40 CRORES WORLDWIDE GBOC. #Dunki pic.twitter.com/PgYzUNvH1j
— Javed (Fan) (@JoySRKian_2) December 26, 2023
దీనిబట్టి చూస్తే ఈ చిత్రం బ్రేక్ ఈవెన్ కావాలంటే దాదాపు 550 కోట్లకు పైగా గ్రాస్ కలెక్షన్స్ రాబట్టాలి. షేర్ కలెక్షన్స్ ని 225 కోట్ల వరకు నమోదు చేయాలి. మరి డంకీ ఆ కలెక్షన్స్ ని అందుకుంటుందో లేదో చూడాలి. ఇక షారుఖ్ గత రెండు చిత్రాలు పఠాన్, జవాన్ మాదిరి ఇది 1000 కోట్ల క్లబ్ లోకి అడుగుపెట్టడం అనేది జరగడం కష్టం.
