Shanmukh – Siri : జాక్‌పాట్ కొట్టిన షన్ను, సిరి.. వెబ్ సిరీస్‌తో ఆహాలో ఎంట్రీ

Shanmukh Jaswanth

Shanukh – Siri :  ప్రముఖ యూట్యూబర్ షణ్ముఖ్ జశ్వంత్ షార్ట్ ఫిలిమ్స్, కవర్ సాంగ్స్‌తో పేరు తెచ్చుకొని రెండు వెబ్ సిరీస్‌లతో బాగా పాపులారిటీ తెచ్చుకొని అత్యధిక సబ్‌స్క్రయిబర్లు కలిగిన మొట్టమొదటి తెలుగు యూట్యూబర్‌గా రికార్డు సాధించాడు. ఆ తర్వాత బిగ్‌బాస్ లో పాల్గొని మరింత పాపులర్ అయ్యాడు. ఇక సిరి హనుమంత్ కూడా సిరీస్‌లు, యాంకరింగ్, సీరియల్స్‌తో ఫేమ్ తెచ్చుకొని బిగ్‌బాస్ లో పాల్గొంది. గత సీజన్ బిగ్‌బాస్ లో పాల్గొన్న వీరిద్దరూ ఇప్పుడు సరికొత్త సిరీస్ లతో వస్తున్నారు. అయితే ఈ సారి ఆహా ఓటీటీ ద్వారా ప్రేక్షకులని పలకరించబోతున్నారు..

Udayanidhi Stalin : అదే నా చివరి సినిమా.. ఇకపై ప్రజలకే నా జీవితం..

ఇటీవల షణ్ముఖ్‌ జశ్వంత్‌ ‘ఏజెంట్‌ ఆనంద్‌ సంతోష్‌’ అనే సిరీస్‌ చేస్తున్నట్లు ప్రకటించాడు. కామెడీ, థ్రిల్లింగ్ అంశాలతో ఈ సిరీస్ ఉండబోతుంది. తాజాగా ఈ సిరీస్ ని ఆహా ద్వారా రిలీజ్ చేయనున్నట్టు ప్రకటించారు. ఇక సిరి హనుమంత్ కూడా తన కొత్త సిరీస్ #BFF కూడా ఆహా ఓటీటీ ద్వారా రిలీజ్ అవుతున్నట్టు ప్రకటించింది. దీంతో షన్ను, సిరి అభిమానులు ఆనందం వ్యక్తం చేస్తుండగా వీరిద్దరూ జాక్‌పాట్ కొట్టారంటూ టాలీవుడ్ వర్గాలు అంటున్నాయి.