Rajamouli-Mahesh Babu-Vijayendra Prasad
SSMB 29-Vijayendra Prasad: ‘ఆర్ఆర్ఆర్’ సినిమా స‌క్సెస్ త‌రువాత టాలీవుడ్‌లోనే కాదు అంత‌ర్జాతీయంగా రాజ‌మౌళి త‌దుప‌రి చిత్రంపై ఎంతో ఆస‌క్తి నెల‌కొంది. జ‌క్క‌న్న నెక్ట్స్ ప్రాజెక్ట్ సూప‌ర్ స్టార్ మహేశ్ బాబుతో ఉండ‌నుందని ఇప్ప‌టికే తెలియ‌జేశారు. రాజ‌మౌళి, మహేశ్ కాంబినేష‌న్‌లో రానున్న ఈ సినిమాపై భారీ అంచ‌నాలే ఉన్నాయి. అందుకు త‌గ్గ‌ట్లుగానే ఈ సినిమా గ్లోబ‌ల్ అడ్వెంచ‌ర్‌గా రూపొంద‌నున్న సంగ‌తి తెలిసిందే.
ఇక ఈ సినిమా అప్‌డేట్ల గురించి అభిమానులు ఎంతో ఆస‌క్తిగా ఎదురుచూస్తున్నారు. చిత్ర ర‌చ‌యిత, రాజ‌మౌళి తండ్రి కే.విజయేంద్ర ప్రసాద్ బాలీవుడ్ మీడియాతో ముచ్చ‌టిస్తూ ఈ చిత్రం గురించి ప‌లు ఆస‌క్తిక‌ర అంశాల‌ను చెప్పారు. ప్ర‌స్తుతం ఇవి సోష‌ల్ మీడియాలో వైర‌ల్‌గా మారాయి.
Guntur Kaaram : ఎట్టకేలకు మొదలైన గుంటూరు కారం షూటింగ్.. మహేష్ బ్యాక్ టు షూటింగ్..
మహేశ్-రాజ‌మౌళి సినిమా స్క్రిప్ట్ ప‌ని పూర్తి కావొచ్చింద‌ని విజయేంద్ర ప్రసాద్ అన్నారు. జూలై చివ‌రి నాటికి మొత్తం పూర్తి చేసి రాజ‌మౌళికి ఇవ్వ‌నున్న‌ట్లు తెలిపారు. ఇక ఈ సినిమా కు కొన‌సాగింపుగా మ‌రో చిత్రాన్ని తెర‌కెక్కించే విధంగా క్లైమాక్స్ ఉంటుంద‌ని చెప్పారు. అందుకు త‌గ్గ‌ట్లుగానే సీన్స్ రాసిన‌ట్లు వెల్ల‌డించారు. ఈ సినిమాలో థ్రిల్లింగ్ ఎలిమెంట్స్‌తో పాటు ఎమోష‌న్స్ కూడా ఉంటాయ‌ని చెప్పుకొచ్చారు. ప్ర‌స్తుతం విజయేంద్రప్రసాద్ చేసిన వ్యాఖ్య‌ల‌తో మహేశ్ అభిమానులు పుల్ ఖుషీగా ఉన్నారు. రాజ‌మౌళి-మహేశ్ కాంబినేష‌న్‌లో ఒక‌టి కాదు రెండు సినిమాలు వ‌చ్చే అవ‌కాశం ఉండ‌డ‌మే అందుకు కార‌ణం.
ఇక ఆగ‌స్టు 9న మహేశ్ బాబు పుట్టిన రోజు సంద‌ర్భంగా ఈ సినిమా గ్రాండ్ లాంచింగ్ ఉంద‌నుంద‌ని అంటున్నారు. వ‌చ్చే ఏడాది ఫ‌స్టాప్‌లో రెగ్యుల‌ర్ షూటింగ్‌ను మొద‌లు పెట్ట‌నున్నార‌ని వార్తలు వినిపిస్తున్నాయి.
Kamal Haasan : ‘ప్రాజెక్ట్ K’లో కమల్ హాసన్.. పారితోషికం అన్ని కోట్లా..?
ఇదిలా ఉంటే.. మహేశ్ ప్ర‌స్తుతం ‘గుంటూరు కారం’ సినిమాలో న‌టిస్తున్నాడు. త్రివిక్ర‌మ్ ద‌ర్శ‌క‌త్వంలో ఈ సినిమా తెర‌కెక్కుతోంది. థ‌మ‌న్ సంగీతాన్ని అందిస్తుండ‌గా.. పూజా హెగ్డే, శ్రీలీల హీరోయిన్లుగా ప్ర‌క‌టించింది చిత్ర‌బృందం. అయితే.. ఇటీవ‌ల పూజా ఈ సినిమా నుంచి త‌ప్పుకుంది. ఆమె స్థానంలో ఎవ‌రిని తీసుకుంటారు అనేది ప్ర‌స్తుతం ఆస‌క్తిక‌రంగా మారింది.
