Gaami : ఓటీటీ రిలీజ్ డేట్ ఫిక్స్ చేసుకున్న గామి.. ఎప్పుడు.. ఎక్కడ..!

విశ్వక్ సేన్ ప్రయోగాత్మక చిత్రం 'గామి' ఓటీటీ రిలీజ్ డేట్ ఫిక్స్ చేసుకుంది. ఎప్పుడు..? ఎక్కడ ప్రసారం కాబోతుంది..?

Gaami : మాస్ కా దాస్ విశ్వక్ సేన్ నుంచి ఆడియన్స్ ముందుకు వచ్చిన ప్రయోగాత్మక చిత్రం ‘గామి’. ఈ సినిమాలో విశ్వక్ అఘోరగా నటించగా చాందిని చౌదరి, అభినయ, ఉమా, మహమ్మద్ సమద్.. పలువురు ముఖ్య పాత్రలు పోషించారు. విద్యాధర్ కాగిత దర్శకత్వం వచించిన ఈ చిత్రం హాలీవుడ్ విజువల్స్, సరికొత్త కాన్సెప్ట్ అండ్ స్క్రీన్ ప్లేతో మార్చ్ 8న థియేటర్స్ లోకి వచ్చి సూపర్ హిట్టుని అందుకుంది.

ఇక థియేటర్ చూసి ఎంజాయ్ చేసిన ఈ చిత్రం.. ఓటీటీకి వస్తే మరోసారి చూసి ఎంజాయ్ చేయాలని ఆడియన్స్ ఎదురు చూస్తున్నారు. ఇక వెయిటింగ్ కి ఎండ్ కార్డు వేస్తూ.. గామి ఓటీటీ గమ్యానికి డేట్ ఫిక్స్ చేసుకుంది. ఏప్రిల్ 12న నుంచి ఈ సినిమా ఓటీటీలో అందుబాటులోకి రాబోతుంది. జీ5లో ఈ సినిమా స్ట్రీమ్ కానుంది. తెలుగు, తమిళ్, కన్నడ భాషల్లో ఈ సినిమా ఓటీటీలో స్ట్రీమ్ కాబోతుంది.

Also read : Tillu Square : ఎన్టీఆర్ ఇంట్లో ‘టిల్లు స్క్వేర్’ సక్సెస్ పార్టీ.. ఫోటో వైరల్..

ఈ సినిమా కథ విషయానికి వస్తే.. అఘోరా అయిన శంకర్ (విశ్వక్ సేన్) కి గతం కూడా గుర్తుండదు. అతనికి మనిషి స్పర్శ తగలకూడదు. తగిలితే ప్రాణం పోయినట్టు అవుతుంది. ఈ అరుదైన జబ్బు పోగొట్టే మాలపత్రాలు హిమాలయాల్లో ఓ చోట దొరుకుతాయని శంకర్ కి తెలుస్తుంది. ఇక అదే మాల పత్రాల కోసం జాహ్నవి (చాందిని చౌదరి) కూడా ఇతనితో కలిసి హిమాలయాలకు బయలుదేరుతుంది.

ఈ కథతో పాటు ఒక పల్లెటూరిలోని దేవదాసి కథ, ఎక్కడో హిమాలయాల్లో ఉన్న కర్మగారంలో బందీగా ఉన్న CT-333 అనే వ్యక్తి కథ కూడా సాగుతుంటుంది. ఫైనల్ గా శంకర్ కి, జాహ్నవికి ఆ మాల పత్రాలు దొరికాయా? అలాగే దేవదాసి, CT-333 కథలు ఏంటి..? అసలు వీరు ముగ్గురికి లింక్ ఏంటి..? తెలియాలంటే సినిమా చూడాల్సిందే.

ట్రెండింగ్ వార్తలు