Cash Withdraw
Cash Withdraw With Out Debit Card : ఏటీఎం నుంచి మనీ విత్ డ్రా చేయాలంటే డెబిట్ కార్డు కావాల్సిందే. ఈ విషయం అందరికి తెలిసిందే. పొరపాటున డెబిట్ కార్డు మర్చిపోయామో.. ఇక అంతే.. ఏటీఎం నుంచి డబ్బు తీసుకోవడం కుదరదు. చాలామందికి ఇదో పెద్ద సమస్యగా మారింది. కార్డుని తమ వెంట కచ్చితంగా క్యారీ చేయాల్సిన పరిస్థితి ఉంది. అయితే, ఇక ముందు అలాంటి ఇబ్బందులు ఉండవు. డెబిట్ కార్డు లేకున్నా ఏటీఎం నుంచి డబ్బు విత్ డ్రా చేసుకోవచ్చు. అసలు కార్డుతో పని లేకుండా క్యాష్ తీసుకునేందుకు కొన్ని బ్యాంకులు వెసులుబాటు కల్పించాయి.
కార్డుతో ప‌నిలేకుండా న‌గ‌దును విత్‌డ్రా చేసుకునేంద‌కు సర‌ళ‌మైన, సుర‌క్షిత‌మైన మార్గాన్ని పలు బ్యాంకులు అందుబాటులోకి తెచ్చాయి. దేశంలో ఎక్క‌డైనా (24×7) న‌గ‌దును ఉప‌సంహ‌రించుకోవ‌చ్చు. భార‌తీయ అతి పెద్ద బ్యాంక్ స్టేట్ బ్యాంక్ ఆఫ్ ఇండియా(ఎస్బీఐ)తో పాటు, ఐసీఐసీఐ, కొటాక్ మ‌హీంద్రా, బ్యాంక్ ఆఫ్ బ‌రోడా(బీఓబీ), ఆర్‌బీఎల్ బ్యాంకులు తమ ఖాతాదారుల‌కు కార్డు ర‌హితంగా నగదు విత్‌డ్రా చేసుకునే వీలు క‌ల్పిస్తున్నాయి. ఈ విధానంలో వినియోగ‌దారులు వారి బ్యాంక్‌కు సంబంధించిన ఏటీఎమ్ నుంచి కార్డు లేకుండా న‌గ‌దును విత్‌డ్రా చేసుకోవచ్చు. అయితే ఇందుకోసం పలు యాప్స్ ఇన్ స్టాల్ చేసుకోవాల్సి ఉంటోంది. ఒక్కో బ్యాంకుకి సంబంధించి ఒక్కో ప్రాసెస్ ఉంది.
ఎస్బీఐ యోనో:
ఎస్బీఐ..తన కస్టమర్ల కోసం యోనో యాప్ తీసుకొచ్చింది. ముందుగా యోనో యాప్‌కి లాగిన్ అవ్వాలి. యోనో క్యాష్‌పై క్లిక్ చేయాలి. ఇందులో ఉన్న ఏటీఎమ్ సెక్ష‌న్‌ను ఎంచుకుని, ఏటీఎమ్ నుంచి విత్‌డ్రా చేయాల‌నుకుంటున్న మొత్తాన్ని ఇక్కడ ఎంట‌ర్ చేయాలి. ఎస్బీఐ మీ రిజిస్ట‌ర్డ్ మొబైల్ నెంబ‌రుకు యోనో క్యాష్ ట్రాన్సేష‌న్ నెంబ‌ర్ ను పంపిస్తుంది. ఖాతాదారుడు ఈ నెంబ‌రు, పిన్ నెంబ‌ర్ల‌ను ఉపయోగించి, కార్డు ర‌హిత లావాదేవీలు నిర్వ‌హించేందుకు అనుమ‌తి ఉన్న ఏటీఎమ్ దగ్గర నగదు విత్‌డ్రా చేసుకోవచ్చు. ఈ నెంబ‌రు నాలుగు గంటల పాటు ప‌నిచేస్తుంది.
ఏటీఎమ్ మిష‌న్ దగ్గర..
ఏటీఎమ్ మిష‌న్ మొద‌టి పేజిలో కార్డ్ లెస్ ట్రాన్సేష‌న్ (కార్డు ర‌హిత లావాదేవీలు) ఆప్ష‌న్‌ను ఎంచుకోవాలి. తర్వాత యోనో క్యాష్‌ను సెల‌క్ట్ చేసి వివ‌రాల‌ను ఎంట‌ర్ చేసి నగదు విత్‌డ్రా చేసుకోవచ్చు.
ఐసీఐసీఐ బ్యాంక్..
* ‘iMobile’ యాప్‌లో లాగిన్ అవ్వాలి. ‘స‌ర్వీసెస్’ ఆప్ష‌న్‌లో ఉన్న ‘క్యాష్ విత్‌డ్రా ఎట్ ఐసీఐసీఐ బ్యాంక్ ఏటీఎమ్’ ను క్లిక్ చేయాలి.
* విత్ డ్రా మొత్తాన్ని ఎంట‌ర్ చేసి, ఖాతా నెంబ‌రును సెలెక్ట్ చేసి, 4 అంకెల తాత్కాలిక పిన్‌ను సెల‌క్ట్ చేసి, స‌బ్మిట్ చేసిన వెంట‌నే ఓటీపీ(ఒన్ టైమ్ పాస్‌వ‌ర్డ్) వ‌స్తుంది.
* ఏదైనా ఐసీఐసీఐ బ్యాంక్ ఏటీఎమ్ దగ్గర కార్డ్‌లెస్ క్యాష్ విత్‌డ్రాను సెల‌క్ట్ చేసి, మొబైల్ నెంబ‌ర్, రిఫ‌రెన్స్ ఓటీపీ నెంబ‌రు, తాత్కాలిక పిన్ నెంబ‌రు, విత్‌డ్రా అమౌంట్‌ని ఎంట‌ర్ చేసి నగదు డ్రా చేసుకోవచ్చు.
బ్యాంక్ ఆఫ్ బ‌రోడా..
* కార్డు ర‌హితంగా నగదు విత్ డ్రా చేసేందుకు బిఓబి ఖాతాదారులు ఎమ్-క‌న‌క్ట్ మొబైల్ బ్యాంకింగ్ అప్లికేష‌న్ ద్వారా ఓటీపీని జ‌న‌రేట్ చేయాల్సి ఉంటుంది. ఇందుకోసం బిఓబి మొబైల్ బ్యాంకింగ్‌కి లాగిన్ అయ్యి, ప్రీమియం స‌ర్వీసెస్ టాబ్‌పై క్లిక్ చేయాలి.
* ఇందులో క్యాష్ ఆన్ మొబైల్ స‌ర్వీసెస్‌పై టాప్ చేసి అక్కౌంట్ నెంబ‌రు, అమౌంట్ ఎంట‌ర్ చేసి స‌బ్మిట్ చేయగానే రిజిస్ట‌ర్డ్ మొబైల్ నెంబ‌రుకు ఓటీపీ వ‌స్తుంది. ఈ ఓటీపీ 15 నిమిషాలు మాత్ర‌మే ప‌నిచేస్తుంది. అందువ‌ల్ల 15 నిమిషాల లోప‌లే ఏటీఎమ్‌కు వెళ్ళి నగదు విత్‌డ్రా చేసుకోవాలి.
* ద‌గ్గ‌ర‌లోని బ్యాంక్ ఆఫ్ బ‌రోడా ఏటీఎమ్‌కి వెళ్లి స్క్రీన్‌పై ఉన్న క్యాష్ ఆన్ మొబైల్ ఆప్ష‌న్‌పై క్లిక్ చేసి ఓటీపీ, తీసుకోవాల‌నుకుంటున్న నగదు ఎంట‌ర్ చేసి విత్‌డ్రా చేసుకోవచ్చు.
కొటాక్ మ‌హీంద్రా బ్యాంక్..
* ఇందుకోసం కొటాక్ నెట్ బ్యాంకింగ్ లేదా మొబైల్ యాప్‌కి లాగిన్ చేసి, ల‌బ్ధిదారుని పేరు, మొబైల్ నెంబ‌రు, చిరునామా మొద‌లైన వివ‌రాల‌ను ఎంట‌ర్ చేయాలి. ఇది ఒక‌సారి చేస్తే స‌రిపోతుంది.
* ఈ ప్రాసెస్ పూర్తయిన తర్వాత ఖాతాదారుడు, ఏదైనా కొటాక్ మ‌హీంద్రా బ్యాంక్ ఏటీఎమ్ దగ్గర కార్డ్ లెస్ క్యాష్ విత్‌డ్రా లేదా ఇన్‌స్టెంట్ మనీ ట్రాన్స్‌ఫ‌ర్ ఆన్ ది ఏటీఎమ్ స్క్రీన్ ఆప్ష‌న్‌ను ఎంపిక చేసుకుని, నగదు విత్‌డ్రా చేసుకోవచ్చు.
* ఏటీఎమ్‌లో మొబైల్ నెంబ‌రు, ఎస్ఎమ్ఎస్ కోడ్, మొబైల్‌లో ఎంత మొత్తం కావాల‌ని ఎంట‌ర్ చేశారో అదే మొత్తం ఇక్కడ ఎంట‌ర్ చేయాల్సి ఉంటుంది.
ఆర్‌బీఎల్ బ్యాంక్ ..
* ఈ సేవల‌ను పొందటానికి, ఖాతాదారులు IMT ఫంక్షన్‌కు మద్దతిచ్చే ఏటీఎమ్ దగ్గర మొబైల్ నంబర్‌ను ఉపయోగించి నగదు ఉప‌సంహ‌రించుకోవ‌చ్చు. ఇందుకోసం ముందుగా ఆర్‌బీఎల్ బ్యాంక్ ఎమ్ఓబ్యాంక్ యాప్‌కి లాగిన్ అవ్వాలి.
* మొబైల్ యాప్‌లో IMT బటన్‌ను ఎంచుకుంటే ఒక కోడ్ వ‌స్తుంది. ఈ కోడ్‌ను ఉపయోగించి ఏటీఎమ్ దగ్గర డబ్బు విత్‌డ్రా చేసుకోవచ్చు.
