తన చేతిలోని ఫోన్ లాక్కుని పారిపోతున్న దొంగలకు ఒక బాలిక (15) చుక్కలు చూపించింది. ఏ మాత్రం భయపడకుండా సివంగిలాగా దూకి వాళ్ల ఆట కట్టించింది. సీసీటీవీలో రికార్డైన ఈ దృశ్యాలు ఇపుడు సోషల్ మీడియాలో వైరల్ గా మారాయి. పంజాబ్ లోని జలంధర్ నగరంలో ఈ ఘటన జరిగింది.
కత్తితో గాయపరిచినా వెనక్కి తగ్గలేదు:
కుసుమ్ అనే అమ్మాయి వీధిలో నడుచుకుంటూ వెళ్తోంది. అదే సమయంలో బైక్‌పై ఇద్దరు దుండగులు వచ్చారు. అమ్మాయి చేతిలోని ఫోన్ లాక్కున్నారు. ఆ తర్వాత బైక్ పై పారిపోయే ప్రయత్నంలో ఉండగానే, మెరుపు వేగంగా కదిలింది ఆ అమ్మాయి. వెనుక కూర్చున్న ఒక దొంగను దొరక బుచ్చుకుంది. అతగాడు బైక్ దిగి ఆ అమ్మాయిని తీవ్రంగా కొట్టాడు. జట్టు పట్టుకుని లాగాడు. కత్తితో బెదిరించాడు. కత్తితో ఆమెను గాయపరిచాడు.
దొంగకు బడితె పూజ చేసిన స్థానికులు:
అయినా అమ్మాయి ఏ మాత్రం వెరవలేదు. పట్టు విడవలేదు. చేతికి దొరికిన ఆ దొంగను పారిపోనివ్వకుండా నిలువరించింది. దొంగ కత్తితో గాయపరిచినా కుసుమ్ అతడిని వదల్లేదు. ఆ ఇద్దరి మధ్య కాసేపు పెనులాగుట జరిగింది. ఇంతలోపు స్థానికులు రావడంతో బైక్ పై ఉన్న దొంగ పారిపోగా, దొరిగిన దొంగకు బడిత పూజ చేశారు.
నీ ధైర్యానికి హ్యాట్సాఫ్.. శభాష్ కుసుమ్:
చివరకు కుసుమ్ తన ఫోన్ ను దక్కించుకుంది. అక్కడి నుంచి ఇంటికి వెళ్లిపోయింది. కాగా, దొంగ కత్తితో చేసిన దాడిలో ఆమె చేతికి గాయమైంది. ఇదంతా సీసీటీవీ కెమెరాలో రికార్డ్ అయ్యింది. ఈ వీడియో వైరల్ అయ్యింది. అమ్మాయి చూపిన తెగువ, ధైర్యానికి స్థానికులు, నెటిజన్లు ఫిదా అయ్యారు. సాహస బాలిక అని కొనియాడుతున్నారు. శభాష్ అంటూ అభినందనల వర్షం కురిపిస్తున్నారు. దొంగలకు చుక్కలు చూపించిన కుసుమ్.. అమ్మాయిలకు ఇన్సిపిరేషన్ గా నిలిచింది అంటూ పొగిడారు.
#WATCH पंजाब, जालंधर : (30.08) दो बाइक सवारों ने एक लड़की कुसुम (15 साल) का फोन छीनकर भागने के दौरान उस पर किसी तेज हथियार से हमला किया। घटना CCTV में कैद।
(31.08.2020) SHO ने कहा, “एक अपराधी गिरफ्तार और दूसरे की तलाश जारी है। लड़की के हाथ का इलाज अस्पताल में किया जा रहा है” pic.twitter.com/yr2FdmmEXi
— ANI_HindiNews (@AHindinews) September 1, 2020
