కోవాగ్జిన్ సేఫ్..నో సైడ్ ఎఫెక్ట్స్ : లాన్సెంట్

Covaxin కరోనావైరస్ కట్టడికోసం దేశీయంగా అభివృద్ధి చేసిన “కొవాగ్జిన్” వ్యాక్సిన్ టీకా​ సురక్షితమైందని ‘ది లాన్సెట్​ ఇన్ఫెక్షియస్ డిసీజెస్’ జర్నల్ తెలిపింది. కొవాగ్జిన్..సుర‌క్షిత‌మైన‌ద‌ని, వ్యాధినిరోధ‌క‌త‌ను పెంచుతోంద‌ని, ఎలాంటి తీవ్ర‌మైన సైడ్ ఎఫెక్ట్స్ లేవ‌ని లాన్సెట్ తేల్చింది. కొవాగ్జిన్ టీకాపై రెండో దశ పరీక్షలకు సంబంధించిన మధ్యంతర ఫలితాలను ఈమేరకు వెల్లడించింది.

అయితే ఈ అధ్యయనంలో వ్యాక్సిన్​ సమర్థతను అంచనా వేయలేదని..దీని కోసం మూడో ద‌శ ఫ‌లితాలు అవ‌స‌ర‌మ‌ని లాన్సెట్ తెలిపింది. ఇక, ఫేజ్ 1తో పోలిస్తే ఫేజ్ 2 ట్ర‌య‌ల్స్‌లో వ్యాక్సిన్ మ‌రింత మెరుగైంద‌ని లాన్సెట్ స్ప‌ష్టం చేసింది. సైడ్ ఎఫెక్ట్స్ గురించి ఫిర్యాదు చేసిన వారి సంఖ్య కూడా ఫేజ్ 1తో పోలిస్తే ఫేజ్ 2లో త‌గ్గింద‌ని తెలిపింది. ఈ అధ్య‌య‌నం 12-18 ఏళ్ల వ‌య‌సులు, 55-65 ఏళ్ల వ‌య‌సు వారిపై జ‌రిగింద‌ని, పిల్ల‌ల్లో, 65 ఏళ్లు పైబ‌డిన వారిపై ఈ వ్యాక్సిన్ ప్ర‌భావం ఎలా ఉందో తెలుసుకోవ‌డానికి మ‌రింత అధ్య‌య‌నం అవ‌స‌ర‌మ‌ని లాన్సెట్ తెలిపింది. ఇదో గుడ్ న్యూస్ అని అమెరికాకు చెందిన యూనివ‌ర్సిటీ ఆఫ్ మేరీల్యాండ్‌లోని ఇన్ఫెక్ష‌స్ డిసీజెస్ చీఫ్ ఫ‌హీమ్ యూన‌స్ ఓ ట్వీట్‌ చేశారు.

భారత వైద్య పరిశోధనా సంస్థ(ఐసీఎంఆర్), నేషనల్ వైరాలజీ ఇన్​స్టిట్యూట్(ఎన్ఐవీ)తో కలిసి హైద‌రాబాద్‌కు చెందిన భార‌త్ బ‌యోటెక్ సంస్థ కొవాగ్జిన్​ను అభివృద్ధి చేసింది. మూడో ద‌శ ట్ర‌య‌ల్స్ ముగియ‌కుండానే ఈ ఏడాది జ‌న‌వ‌రిలో దేశంలో కొవాగ్జిన్ అత్య‌వ‌స‌ర వినియోగానికి డీజీసీఏ అనుమ‌తి ఇచ్చిన విష‌యం తెలిసిందే. ప్ర‌ధాని న‌రేంద్ర మోదీ కూడా తన తొలి డోసుగా కొవాగ్జిన్ టీకానే తీసుకున్నారు. మూడో దశ ట్రయిల్స్ లో కొవాగ్జిన్​ టీకా 81శాతం సమర్థంగా పనిచేస్తోందని తేలిందనిగత వారం భారత్​ బయోటెక్ సంస్థ ప్రకటించిన విషయం తెలిసిందే. ఇక, జింబాంబ్వేలో కూడా కోవాగ్జిన్ అత్యవసర వినియోగానికి అక్కడి ప్రభుత్వం ఇటీవల అనుమతిచ్చింది.