Voter ID registration: కొత్త ఓటర్లకు అలర్ట్.. ఇకనుంచి ఈ వివరాలు తప్పనిసరి.. ఎన్నికల సంఘం సంచలన నిర్ణయం

Election Commission makes parents details mandatory for new voter ID registration.

• కొత్త ఓటర్లకు కొత్త నిబంధన
• తల్లిదండ్రుల వివరాలు ఇక తప్పనిసరి
• నకిలీ ఓట్లకు ఈసీ చెక్

Voter ID registration: ప్రస్తుతం దేశ వ్యాప్తంగా SIR సర్వే జరుగుతున్న విషయం తెలిసిందే. ఈ నేపథ్యంలోనే కొత్తగా ఓటరు కార్డు కోసం దరఖాస్తు(Voter ID registration) చేసుకునే పౌరులు ఇకపై తమ తల్లిదండ్రుల ఓటరు వివరాలను తప్పనిసరిగా సమర్పించాల్సి ఉంటుందని కొత్త నిబంధనను తీసుకురావడం జరిగింది. గతంలో నిర్వహించిన ‘స్పెషల్ ఇంటెన్సివ్ రివిజన్’ (SIR) ప్రక్రియలో వారి కుటుంబ సభ్యుల ఓటరు స్థితి ఎలా ఉందనే అంశాన్ని ఆన్‌లైన్ దరఖాస్తులో జోడించడాన్ని ఎన్నికల సంఘం సిస్టమ్స్ తప్పనిసరి చేశాయి. తొలిసారి ఓటు హక్కు కోసం దరఖాస్తు చేసే వారు ఉపయోగించే ‘ఫామ్-6’ లో పరిపాలనాపరమైన ఆదేశాల ద్వారా ఈ నిబంధనను చేర్చారు.

Qatar: హర్మూజ్ జలసంధి బంద్.. సముద్ర ప్రయాణాలపై ఖతార్ లాక్‌డౌన్.. ఉత్కంఠలో గల్ఫ్ దేశాలు!

ఆన్‌లైన్ దరఖాస్తుదారులకు 3 ఆప్షన్లు:

ఎన్నికల సంఘం అధికారిక పోర్టల్‌లో అందుబాటులో ఉన్న డిజిటల్ ఫామ్-6 లో దరఖాస్తుదారులు మూడు ముఖ్యమైన ఆప్షన్లలో ఒకదాన్ని ఎంచుకోవాలి. గత ఎస్‌ఐఆర్ జాబితాలో అభ్యర్థి పేరు ఉందా? లేదా తల్లిదండ్రులు, నాయనమ్మ/తాతయ్యల పేర్లు ఉన్నాయా? లేక ఎవరి వివరాలూ లేవా? అనే విషయాన్ని స్పష్టం చేయాలి. మొదటి రెండు ఆప్షన్లు ఎంచుకుంటే దానికి సంబంధించిన అసెంబ్లీ నియోజకవర్గం, పోలింగ్ బూత్ నంబర్, సీరియల్ నంబర్ వంటి వివరాలను నమోదు చేయాల్సి ఉంటుంది.

జాబితా ప్రక్షాళనే ప్రధాన లక్ష్యం:

గతేడాది జూన్‌లో బీహార్‌లో పైలట్ ప్రాజెక్ట్‌గా ప్రారంభమైన ఈ విధానాన్ని ప్రస్తుతం పశ్చిమ బెంగాల్, కేరళ, తమిళనాడు వంటి రాష్ట్రాల్లో కూడా విస్తరించారు. ఈ కొత్త ప్రక్రియ ఓటర్ల డిజిటల్ మ్యాపింగ్‌ను సులభతరం చేయడమే కాకుండా, నకిలీ, మరణించిన, వలస వెళ్లిన ఓటర్లను సులభంగా గుర్తించి తొలగించడానికి సహాయపడుతుందని అధికారులు వెల్లడించారు.