ఎవరైనా చనిపోతే రిప్ (RIP) అంటూ సోషల్ మీడియా ద్వారా స్పందిస్తుంటాం. కానీ ఓ వ్యక్తి తనకు తానే రిప్ అని ప్రకటించుకుని ఆ తర్వాత ఆత్మహత్య చేసుకున్నాడు. కేరళకు చెందిన 28 ఏళ్ల వ్యక్తి ఘటన ఇది. పేరు అజ్మల్ షరీఫ్. కొచికి సమీపంలోని ఆలువాకు చెందిన అతడు శుక్రవారం సాయంత్రం 6:30 గంటలకు ఆత్మహత్యకు పాల్పడ్డట్లు గుర్తించారు. ఇంట్లోని తన వ్యక్తిగత గదిలో ఉరి వేసుకుని మరణించాడు. అంతకు ముందు ఇన్స్టాగ్రామ్లో తన ఫొటోపై ‘రిప్ అజ్మల్ షరీఫ్’ అని పోస్ట్ పెట్టాడు.
మంచి ఉద్యోగం సంపాదించలేక ఆత్మహత్యకు పాల్పడినట్లు కుటుంబ సభ్యులు తెలిపారు. ప్రస్తుతం పోస్ట్ మార్టం పనులు సాగుతున్నట్లు, అందుకోసం వైద్యులకు అజ్మల్ మృతదేహాన్ని ఇచ్చినట్లు రిలేటివ్స్ తెలిపారు. అజ్మల్ కు ఇన్స్టాగ్రామ్లో 14 వేలకు పైగా ఫాలోవర్లు ఉన్నారు. ఇంత పెద్ద నిర్ణయం తీసుకునే ముందు ఇన్స్టాగ్రామ్లో ఒక పోస్ట్ పెట్టాడు. తన ఫొటోపై ‘రిప్ అజ్మల్ షరీఫ్’ అని రాసిన ఫొటోను షేర్ చేశాడు. అందులో 1995-2013 అని కూడా ఉంది. అంటే అతను పుట్టిన ఏడాదితో పాటు ఆత్మహత్య చేసుకునే ఏడాదిని కూడా ముందుగానే రాశాడు.
