Minor Driving Rules: మైనర్ డ్రైవింగ్‌పై పోలీసులు సీరియస్.. పేరెంట్స్‌కు షాకింగ్ రూల్స్.. జైలు శిక్ష గ్యారంటీ

Minor driving rules penalty jail term for parents laws and penalties

• మైనర్ల డ్రైవింగ్‌పై కఠిన చట్టాలు
• తల్లిదండ్రులకు జైలు రూ.25వేల ఫైన్
• ఇరవైఐదేళ్ల వరకు లైసెన్స్ రద్దు

Minor Driving Rules: మోటారు వాహనాల చట్టం ప్రకారం 18 సంవత్సరాల వయస్సు నిండని వారిని మైనర్లుగా పరిగణిస్తారు. చిన్నవయసులో మానసిక పరిపక్వత, వేగ నియంత్రణ స్పృహ లేకపోవడం వల్ల వాహనాలు నడిపేటప్పుడు ప్రమాదాల తీవ్రత ఎక్కువగా ఉంటోంది. గతంలో పాఠశాల, కళాశాల విద్యార్థులు రేసింగ్‌లు చేస్తూ, నిర్లక్ష్యంగా వాహనాలు నడిపి తమ ప్రాణాలతో పాటు ఇతరుల ప్రాణాలను తీసిన విచారకర సంఘటనలు అనేకం జరిగాయి. వీటిని అరికట్టి నిండు ప్రాణాలను కాపాడేందుకే ప్రభుత్వం ప్రత్యేకంగా కఠిన చట్టాలను అమల్లోకి తెచ్చింది.

Rangam Bhavishyavani: ఉజ్జయిని మహంకాళి ‘రంగం’ భవిష్యవాణి.. భారీ వర్షాలు, ప్రాణనష్టం.. భక్తులకు మాతంగి హెచ్చరిక

తల్లిదండ్రులకు పడే జరిమానాలు & జైలు శిక్షలు:

మైనర్లు వాహనం(Minor Driving Rules) నడిపి పట్టుబడితే చట్టప్రకారం వాహన యజమానికి లేదా తల్లిదండ్రులకే పూర్తి బాధ్యత వహింపజేస్తారు. కొత్త మోటారు వాహనాల సవరణ చట్టం ప్రకారం తల్లిదండ్రులకు రూ. 25,000 జరిమానా విధించడంతో పాటు మూడేళ్ల వరకు జైలు శిక్ష పడే అవకాశం ఉంది. అంతేకాకుండా ఆ వాహనం యొక్క రిజిస్ట్రేషన్‌ను ఏడాది పాటు రద్దు చేస్తారు. అదే సమయంలో ప్రమాదానికి కారణమైన మైనర్‌కు 25 ఏళ్లు వచ్చే వరకు డ్రైవింగ్ లైసెన్స్ పొందే అర్హత ఉండదు.

అరికట్టడంలో తల్లిదండ్రుల బాధ్యత:

బాధ్యతా రాహిత్యంగా పిల్లల చేతికి బైక్‌లు, కార్లు ఇవ్వడం వల్ల కుటుంబాలు కోలుకోలేని విషాదంలో మునిగిపోతున్నాయి. చట్టాలు ఎంత కఠినంగా ఉన్నప్పటికీ, తల్లిదండ్రులలో మార్పు వచ్చినప్పుడే ఈ ఘోరాలకు అడ్డుకట్ట పడుతుంది. మైనర్లకు వాహనాలు ఇవ్వడం చట్టరీత్యా నేరమే కాకుండా వారి జీవితాలను ప్రమాదంలోకి నెట్టడమే అవుతుందని గుర్తించి, తల్లిదండ్రులు బాధ్యతాయుతంగా వ్యవహరించాలని అధికారులు సూచిస్తున్నారు.