Karnataka Minister: ప్రజా ప్రతినిధులకు ఖరీదైన కానుకలు పంచిన కర్ణాటక మంత్రి.. లక్ష నగదు, బంగారం, వెండి బహుమతులు

Karnataka Minister: తన నియోజకవర్గంలో ఇటీవల గెలిచిన ప్రజా ప్రతినిధులకు ఖరీదైన బహుమతులు అందించాడో మంత్రి. ఈ విషయం ఇప్పుడు వివాదాస్పదమవుతోంది. కర్ణాటకలో ఆనంద్ సింగ్
పర్యాటక శాఖ మంత్రిగా కొనసాగుతున్నారు.

Kerala CM: కేరళలో సీఎం వర్సెస్ గవర్నర్.. వీసీల రాజీనామా నిర్ణయంపై కోర్టుకు ప్రభుత్వం

ఆయన తన నియోజకవర్గ పరిధిలోని మున్సిపల్ కార్పొరేషన్, పంచాయతీల్లో ఇటీవల జరిగిన ఎన్నికల్లో గెలిచిన సభ్యులకు ఖరీదైన కానుకలు అందించాడు. ప్రతి సభ్యుడికి రెండు బాక్సులు అందించాడు. ఈ బాక్సుల్లో రూ.లక్ష నగదు, 144 గ్రాముల బంగారం, 1 కేజీ వెండి, పట్టు చీర, ధోతితోపాటు, ఒక డ్రై ఫ్రూట్ బాక్స్ అందించాడు. వీరిలో పంచాయతి సభ్యులకు మాత్రం తక్కువ నగదు ఉన్న బాక్సు ఇచ్చాడు. అలాగే వీరికి బంగారం మినహా మిగతావన్నీ ఉన్న బాక్సు అందించాడు. దీపావళి సందర్భంగా ఈ బహుమతులు అందించాడు. ఇలాంటివి మొత్తం 300 బాక్సులు బహుమతులుగా ఇచ్చాడు. కాగా, కొందరు ప్రతినిధులు ఈ బాక్సులు తీసుకునేందుకు నిరాకరించినట్లు తెలిసింది. అయితే, ఇంత ఖరీదైన కానుకలు ఇచ్చిన వ్యవహారం ప్రస్తుతం సంచలనంగా మారింది.

Sundar Pichai: ఆ మూడు ఓవర్లు కూడా చూశా.. నెటిజన్‌కు అద్దిరిపోయే రిప్లై ఇచ్చిన సుందర్ పిచాయ్

అవినీతి సొమ్ముతోనే ఈ బహుమతులు ఇచ్చాడని, తన రాజకీయ ప్రయోజనాల కోసమే నాయకుల్ని ఆకట్టుకునేందుకు ఈ గిఫ్టులు ఇచ్చాడని పలువురు విమర్శిస్తున్నారు. రాబోయే అసెంబ్లీ ఎన్నికలను దృష్టిలో ఉంచుకుని, ఈ పని చేసినట్లు పేర్కొంటున్నారు. ప్రస్తుతం ఈ బహుమతులకు సంబంధించిన ఫొటోలు సోషల్ మీడియాలో వైరల్‌గా మారాయి.