Supreme Court warns lalit modi over personal clashes
Supreme Court: ఐపీఎల్ మాజీ చైర్మెన్ లలిత్ మోదీకి సుప్రీంకోర్టు శుక్రవారం చురకలు అంటించింది. కుటుంబ తగాదాల్లోకి న్యాయవాదులను లాగొద్దని సూచించింది. సీనియర్ న్యాయవాది, మాజీ అటార్నీ జనరల్ ముకుల్ రోహత్గీపై సోషల్ మీడియా వేదికగా లలిత్ మోదీ చేసిన వ్యాఖ్యలపై స్పందిస్తూ కోర్టు ఈ వ్యాఖ్యలు చేసింది. ‘‘మీ న్యాయ పోరాటం వేరు. ఇందులోకి న్యాయవాదుల్ని తీసుకురాకండి’ అని జస్టిస్ సంజీవ్ ఖన్నా పేర్కొన్నారు.
Egypt Archeology Department : ఈజిప్ట్‌లో వెలుగులోకి 18వందల ఏళ్ల పురాతన నగరం.. వీడియో వైరల్
లలిత్ మోదీకి ఆయన తల్లి బీనా మోదకి సహా ఇతర కుటుంబ సభ్యుల మధ్య ఆస్తి తగాదా జరుగుతోంది. ఈ కేసులో బీనా మోదీ తరపున ముకుల్ రోహత్గీ న్యాయవాదిగా ఉన్నారు. దీంతో రోహత్గీని టార్గెట్ చేస్తూ సోషల్ మీడియాలో లలిత్ మోదీ విమర్శలు గుప్పించారు. కొన్ని పోస్టులలో తీవ్ర వ్యాఖ్యలు చేశారు. అనంతరం మరో పోస్టులో క్షమాపణ చెప్పారు. ఈ క్షమాపణ విషయాన్ని ధర్మాసనం ముందు లలిత్ మోదీ తరపు న్యాయవాది హరీశ్ సాల్వే ప్రస్తావించారు. అంతే కాకుండా తీవ్ర వ్యాఖ్యలు చేసిన పోస్టులను తొలగించినట్లు ఆయన పేర్కొన్నారు.
Twitter Users : మీ ట్విట్టర్ అకౌంట్ సస్పెండ్ అయిందా? ఫిబ్రవరి 1 నుంచి అప్పీల్ చేసుకోవచ్చు..!
