Apple iPhone 16 : ఐఫోన్ 16 కన్నా తోపు ఫీచర్లతో 7 ఆండ్రాయిడ్ ఫోన్లు.. కొంటే ఇలాంటి ఫోన్లు కొనాలి..!

Apple iPhone 16 : కొత్త ఆపిల్ ఐఫోన్ కోసం చూస్తున్నారా? ఐఫోన్ల కన్నా బెటర్ ఫీచర్లతో అనేక ఆండ్రాయిడ్ ఫోన్లు మార్కెట్లో లభ్యమవుతున్నాయి. ఆపిల్ ఐఫోన్ 16 పర్ఫార్మెన్స్ మించిన టాప్ స్మార్ట్ ఫోన్లను కొనుగోలు చేయొచ్చు. ప్రస్తుతం మార్కెట్లో ఐఫోన్ 16 కన్నా బెటర్ పర్ఫార్మెన్స్ అందించే 7 పవర్ ఫుల్ ఫోన్లు ఉన్నాయి. అడ్వాన్స్ కెమెరాలు, స్పీడ్ ప్రాసెసర్‌లు, అద్భుతమైన డిజైన్‌లతో ఈ ఫోన్ టాప్ రేంజ్ పర్ఫార్మెన్స్ ఫీచర్లను అందిస్తాయి. ఆపిల్ లేటెస్ట్ ఫ్లాగ్‌షిప్‌కు మించి మీరు ఫోన్ కొనాలంటే ఈ 7 ఆండ్రాయిడ్ ఫోన్లలో ఏదైనా ఒకటి ఎంచుకోవచ్చు.

షావోమీ 15 (రూ. 64,999) : షావోమీ 15 ఫోన్ 6.36-అంగుళాల అమోల్డ్ ప్యానెల్‌ను కలిగి ఉంది. 120Hz రిఫ్రెష్ రేట్‌కు సపోర్టు ఇస్తుంది. స్నాప్‌డ్రాగన్ 8 ఎలైట్ ప్రాసెసర్ ద్వారా పవర్ పొందుతుంది. ఈ స్మార్ట్‌ఫోన్ 90W ఫాస్ట్ ఛార్జింగ్‌కు సపోర్టు ఇచ్చే 5240mAh బ్యాటరీ, ట్రిపుల్ 50MP బ్యాక్ కెమెరా సెటప్, ఫ్రంట్ సైడ్ 32MP కెమెరాతో ఐఫోన్ 16కు సమానమైన పర్ఫార్మెన్స్ అందిస్తుంది.

ఐక్యూ 13 (రూ. 54,998) : ఐక్యూ 13 ఫోన్ 6.82-అంగుళాల అమోల్డ్ డిస్‌ప్లేతో వస్తుంది. 144Hz రిఫ్రెష్ రేట్‌ను అందిస్తుంది. స్నాప్‌డ్రాగన్ 8 ఎలైట్ ప్రాసెసర్‌పై రన్ అవుతుంది. ఈ ఐక్యూ ఫోన్ ట్రిపుల్ 50MP ప్రైమరీ లెన్స్, 32MP ఫ్రంట్ ఫేసింగ్ కెమెరా, 120W టర్బో ఛార్జింగ్ ద్వారా సపోర్టుతో 6000mAh బ్యాటరీని కలిగి ఉంది. రియల్ ఐఫోన్ 16కు పోటీదారుగా నిలుస్తుంది.

ఒప్పో ఫైండ్ X8 (రూ. 69,999) : ఒప్పో ఫైండ్ X8 ఫోన్ డైమెన్సిటీ 9400 ప్రాసెసర్‌తో 6.59-అంగుళాల అమోల్డ్ ప్యానెల్‌కు సపోర్టు ఇస్తుంది. 120Hz రిఫ్రెష్ రేట్‌ను అందిస్తుంది. మొబైల్ యూనిట్ 80W ఛార్జింగ్ సపోర్ట్‌తో 5630mAh బ్యాటరీ, ట్రిపుల్ 50MP మెయిన్ కెమెరా సెటప్, 32MP ఫ్రంట్ కెమెరాను కలిగి ఉంది. ఐఫోన్ 16కి పోటీగా అద్భుతమైన పర్ఫార్మెన్స్ అందిస్తుంది.

వివో X200 (రూ. 59,900) : వివో X200 ఫోన్ 120Hz రిఫ్రెష్ రేట్‌కు సపోర్టు ఇచ్చే 6.67-అంగుళాల అమోల్డ్ స్క్రీన్‌ను అందిస్తుంది. మీడియాటెక్ డైమన్షిటీ 9400 ప్రాసెసర్‌తో పవర్ పొందుతుంది. ఈ హ్యాండ్‌సెట్ ట్రిపుల్ 50MP బ్యాక్ కెమెరా సిస్టమ్, 32MP సెల్ఫీ లెన్స్, 90W ఫాస్ట్ ఛార్జింగ్‌కు సపోర్టు ఇచ్చే 5800mAh బ్యాటరీని అందిస్తుంది. ఐఫోన్ 16కి పోటీగా అద్భుతమైన ఫీచర్లను కలిగి ఉంది.

మోటోరోలా రేజర్ 60 అల్ట్రా (రూ. 89,998) : స్నాప్‌డ్రాగన్ 8 ఎలైట్ చిప్‌సెట్‌తో మోటోరోలా రేజర్ 60 అల్ట్రా, 7.0-అంగుళాల ఫోల్డబుల్ LTPO అమోల్డ్ ప్యానెల్‌తో వస్తుంది. మృదువైన 165Hz రిఫ్రెష్ రేట్‌ను అందిస్తుంది. మొబైల్ యూనిట్ 68W టర్బో ఛార్జింగ్ ద్వారా సపోర్టుతో 4700mAh బ్యాటరీ, డ్యూయల్ 50MP బ్యాక్ కెమెరా, సెల్ఫీలు, వీడియో కాల్స్ కోసం 50MP కెమెరాను కలిగి ఉంది. ఐఫోన్ 16కి గట్టి పోటీదారుగా నిలిచింది.

శాంసంగ్ గెలాక్సీ S25 (రూ. 64వేలు) : శాంసంగ్ గెలాక్సీ S25 ఫోన్ 6.2-అంగుళాల డైనమిక్ అమోల్డ్ 2X ప్యానెల్‌ కలిగి ఉంది. 120Hz రిఫ్రెష్ రేట్‌కు సపోర్టు ఇస్తుంది. ఈ హ్యాండ్‌సెట్ స్నాప్‌డ్రాగన్ 8 ఎలైట్ ప్రాసెసర్‌పై రన్ అవుతుంది. 25W ఛార్జింగ్‌కు సపోర్టు ఇచ్చే 4000mAh బ్యాటరీ, 50MP+10MP+12MP ట్రిపుల్ ప్రైమరీ కెమెరా, ఫ్రంట్ సైడ్ 12MP కెమెరాను అందిస్తుంది. ఐఫోన్ 16ని సవాలు చేసేంత బలమైన ఫీచర్లను అందిస్తుంది.

వన్ ప్లస్ 13 (రూ. 65,998) : వన్ ప్లస్ 13 స్నాప్‌డ్రాగన్ 8 ఎలైట్ ప్రాసెసర్‌తో రన్ అవుతుంది. 120Hz రిఫ్రెష్ రేట్‌తో 6.82-అంగుళాల LTPO 4.1 అమోల్డ్ ప్యానెల్‌ను అందిస్తుంది. ట్రిపుల్ 50MP మెయిన్ కెమెరా, 32MP ఫ్రంట్ కెమెరా, 100W టర్బో ఛార్జింగ్‌కు సపోర్టు ఇచ్చే 6000mAh బ్యాటరీతో వస్తుంది. ఐఫోన్ 16కి పోటీగా అద్భుతమైన పర్ఫార్మెన్స్ అందిస్తుంది.