Karnataka Politics: ఎన్నికల అఫిడవిట్‌లో తప్పుడు సమాచారం ఇచ్చినందుకు గాను జేడీఎస్ ఎంపీ ప్రజ్వల్ రేవణ్ణపై కర్ణాటక హైకోర్టు శుక్రవారం (సెప్టెంబర్ 1) అనర్హత వేటు వేసింది. ప్రజ్వల్ రేవణ్ణ ఎంపీ సభ్యత్వాన్ని రద్దు చేయాలని డిమాండ్ చేస్తూ హాసన్ నుంచి పోటీ చేసి ఓడిపోయిన బీజేపీ అభ్యర్థి అర్కలగూడు మంజు 2019 జూన్ 26న హైకోర్టులో పిటిషన్ దాఖలు చేశారు.
CM KCR : మతోన్మాదుల చేతిలో గాంధీజీ కన్నుమూయడం విషాదకరం : సీఎం కేసీఆర్
2019లో, హసన్ లోక్‌సభ నియోజకవర్గం నుంచి జేడీఎస్ తరపున ఎంపీగా ఉన్న ప్రజ్వల్ రేవణ్ణ, ఎన్నికల సమయంలో ఇచ్చిన ఆస్తుల ప్రకటన వివరాలు, అఫిడవిట్‌లో తప్పుడు సమాచారం ఇచ్చారనే ఆరోపణలపై హైకోర్టులో పిటిషన్ దాఖలైంది. హాసన్ లోక్‌సభ నియోజకవర్గం నుంచి కూటమి అభ్యర్థిగా పోటీ చేసిన ప్రజ్వల్ రేవణ్ణ తొలి ప్రయత్నంలోనే విజయం సాధించారు. ప్రజ్వల్ రేవణ్ణ అఫిడవిట్‌లో తప్పుడు సమాచారం ఇచ్చారని, ప్రజలను తప్పుదోవ పట్టించేందుకు ప్రయత్నిస్తున్నారని బీజేపీ అభ్యర్థి పిటిషన్‌లో పేర్కొన్నారు.
అవినీతి ప్రవర్తన కారణంగా అనర్హత వేటు పడింది
పిటిషనర్ తరఫున హాజరైన శివానంద్.. అవినీతికి పాల్పడ్డారనే కారణంతో అతడిపై అనర్హత వేటు వేసినట్లు తెలిపారు. ఇండియా టుడే ప్రకారం, 2019 లోక్‌సభ ఎన్నికల సమయంలో అఫిడవిట్ దాఖలు చేస్తున్నప్పుడు, ప్రజ్వల్ రేవణ్ణ తన ఆదాయాన్ని రూ. 24 కోట్లకు పైగా దాచిపెట్టాడు.
ఆరేళ్ల పాటు ఎన్నికల్లో పోటీ చేసేందుకు అనర్హులు
రేవణ్ణ వచ్చే ఆరేళ్లపాటు ఎన్నికల్లో పోటీ చేసేందుకు అనర్హుడని ప్రకటించారు. దీని తర్వాత ప్రజ్వల్ రేవణ్ణ సుప్రీంకోర్టులో అప్పీలు చేసుకోవచ్చని కూడా చెప్పారు. కాగా, జేడీఎస్ జాతీయ అధ్యక్షుడు, మాజీ ప్రధాని హెచ్‌డీకి ప్రజ్వల్ రేవణ్ణ మనవడు. అంతే కాకుండా 2019 ఎన్నికలలో జేడీఎస్ నుంచి లోక్‌సభకు ఎన్నికైన నాయకుడు కూడా ఆయనే.
