పిచ్చకొట్టుడు కొట్టిన వైభవ్ సూర్యవంశీ.. 14 సిక్సర్లు.. డబుల్ సెంచరీకి జస్ట్ మిస్.. కానీ..

ACC Mens U19 Asia Cup 2025 Vaibhav Suryavanshi century in 56 balls

Vaibhav Suryavanshi : అండర్‌19 ఆసియా కప్‌ 2025లో టీమ్ఇండియా న‌యా సంచ‌ల‌నం వైభ‌వ్ సూర్య‌వంశీ అద‌ర‌గొడుతున్నాడు. దుబాయ్‌లోని ఐసీసీ అకాడమీ గ్రౌండ్‌ వేదికగా యూఏఈతో మ్యాచ్‌లో విధ్వంసం సృష్టించాడు. ఓపెన‌ర్‌గా బ‌రిలోకి దిగిన అత‌డు 56 బంతుల్లోనే సెంచ‌రీ బాదాడు. ఆ త‌రువాత మ‌రింత‌గా చెల‌రేగాడు. తృటిలో డ‌బుల్ సెంచ‌రీ చేసే అవ‌కాశాన్ని చేజార్చుకున్నాడు.

ఉద్దీష్ సూరి బౌలింగ్‌లో స్కూప్ షాట్కు ప్ర‌య‌త్నించే క్ర‌మంలో అత‌డు క్లీన్ బౌల్డ్ అయ్యాడు. మొత్తంగా ఈ మ్యాచ్‌లో వైభ‌వ్ 95 బంతులు ఎదుర్కొన్నాడు. 9 ఫోర్లు, 14 సిక్స‌ర్ల సాయంతో 171 ప‌రుగులు సాధించాడు.

Nitish Kumar Reddy : హ్యాట్రిక్‌తో చెల‌రేగిన నితీశ్ కుమార్ రెడ్డి.. అయినా గానీ..

యూత్ వ‌న్డే క్రికెట్‌లో వైభ‌వ్ సూర్య‌వంశీకి ఇది రెండో సెంచ‌రీ కావ‌డం విశేషం. ఈ ఏడాది ఇంగ్లాండ్‌లో త‌న తొలి సెంచ‌రీని న‌మోదు చేశాడు. ఈ ఆట‌గాడు అన్ని ఫార్మాట్‌ల‌లో త‌న‌దైన శైలిలో విధ్వంసం కొన‌సాగిస్తూ మంచి ప్ర‌ద‌ర్శ‌న‌ల‌ను న‌మోదు చేస్తున్నాడు.