Asia cup 2025 : సూర్య భాయ్ ఇలా అయితే కష్టం.. పాకిస్థాన్ మీద మరీ దారుణమైన ట్రాక్ రికార్డు.. జస్ట్ ఇన్ని రన్సేనా!

Asia cup 2025 : ఆసియా కప్ -2025 మెగా టోర్నీ సెప్టెంబర్ 9వ తేదీ నుంచి యూఏఈ వేదికగా జరగనుంది. టీ20 ఫార్మాట్లో జరగనున్న ఈ టోర్నీలో భాగంగా టీమిండియా తన తొలి మ్యాచ్‌ను సెప్టెంబర్ 10వ తేదీన యూఏఈతో తలపడనుంది. దాయాది జట్టు పాకిస్థాన్‌తో సెప్టెంబర్ 14వ తేదీన భారత్ జట్టు తలపడనుంది. ఈ మ్యాచ్ కోసం ప్రపంచ వ్యాప్తంగా క్రికెట్ ఫ్యాన్స్ ఎదురు చూస్తున్నారు.

Also Read: Kerala Cricket League : ఇదికదా మ్యాచ్ అంటే.. చివర్లో నరాలు తెగే ఉత్కంఠ.. ఒక్క బాల్ ఆరు పరుగులు.. ఏం జరిగిందో ఈ వీడియోలో చూడండి..

ఆసియా కప్ టోర్నీకి సంబంధించి బీసీసీఐ భారత జట్టును ఇప్పటికే ప్రకటించింది. సూర్యకుమార్ యాదవ్‌‌కు కెప్టెన్సీ బాధ్యతలు అప్పగించింది. అయితే, సూర్య కుమార్ కు గతంలో ఆసియా కప్ లాంటి పెద్ద టోర్నీలో జట్టుకు నాయకత్వం వహించిన అనుభవం లేదు. దీంతో అతనికి ఆసియా కప్ టోర్నీ పెద్ద సవాలేనని క్రికెట్ విశ్లేషకులు పేర్కొంటున్నారు.

ఆసియా కప్ లాంటి పెద్ద టోర్నీల్లో జట్టుకు సమర్థవంతమైన నాయకత్వం అందించాలంటే సూర్యకుమార్ యాదవ్ వ్యక్తిగత అడ్డంకులను అధిగమించాల్సి ఉంటుందని పలువురు మాజీ క్రికెట్లు అభిప్రాయ పడుతున్నారు. ఎందుకంటే.. సూర్యకుమార్ యాదవ్ గతంలో చిరకాల ప్రత్యర్థి అయిన పాకిస్థాన్ జట్టుపై ఎప్పుడూ మంచి ప్రదర్శన ఇవ్వలేదు. ఇటీవలి కాలంలో అత్యుత్తమ టీ20 బ్యాటర్లలో సూర్యకుమార్ అగ్రస్థానంలో ఉన్నప్పటికీ .. పాకిస్థాన్ జట్టుపై తలపడినప్పుడల్లా తనదైన మూద్రను సూర్య వేయలేక పోయాడు.

పాకిస్థాన్ మాజీ బ్యాటర్ బాజిద్ ఖాన్ మాట్లాడుతూ.. సూర్యకుమార్ యాదవ్ పాకిస్థాన్ జట్టుపై గతంలో పెద్దగా రాణించక పోవటం.. ప్రస్తుతం ఆసియా కప్ టోర్నీలో భారత జట్టుకు ఓ బలహీనతల్లో ఒకటి కావొచ్చు అని అభిప్రాయ పడ్డారు. సూర్యకుమార్ 360 డిగ్రీల్లో ఆడుతూ పరుగులు రాబట్టగలిగే ఆటగాడు అయినప్పటికీ.. అతనికి స్పిన్, పేస్ బౌలింగ్‌ను ఎదుర్కొనే విషయంలో ఎలాంటి ఇబ్బందులు లేనప్పటికీ.. పాకిస్థాన్‌పై మ్యాచ్‌లో అతను అనేక సమస్యలను అధిగమించాల్సి ఉంటుందని బాజిద్ ఖాన్ అన్నారు. సూర్య అన్ని జట్లపై సమర్థవంతంగా పరుగులు సాధిస్తాడు.. కానీ, పాకిస్థాన్‌తో మ్యాచ్‌లో మాత్రం అతను రాణించలేక పోతున్నాడని, ఆ పరిస్థితిని ఆసియా కప్ టోర్నీలో ఎలా అధిగమిస్తాడో చూడాలని బాజిద్ ఖాన్ పేర్కొన్నారు.

 

పాకిస్థాన్‌పై సూర్యకుమార్ యాదవ్ టీ20 గణాంకాలు..

సూర్యకుమార్ యాదవ్ టీ20 ఫార్మాట్‌లో పాకిస్థాన్ జట్టుపై మొత్తం ఐదు మ్యాచ్‌లు ఆడాడు. అయితే, కేవలం 64 పరుగులు మాత్రమే చేశాడు. అత్యధిక స్కోర్ కేవలం 18 మాత్రమే. ఇందులోనే ఆసియా కప్ టోర్నీలో ఆడిన రెండు మ్యాచ్‌లు ఉన్నాయి. ఆ రెండు మ్యాచ్‌లలో కేవలం 31 పరుగులు మాత్రమే సూర్య కుమార్ చేయగలిగాడు.