Kiran Baliyan
Asian Games 2023: ఏషియన్ గేమ్స్‌-2023లో భారత్ మరో పతకాన్ని కైవసం చేసుకుంది. ఇవాళ విమెన్స్ షాట్ పుట్‌లో కిరణ్ బలియన్ కాంస్య పతకాన్ని సాధించింది. కిరణ్ బలియన్ షాట్ ను 17.36 మీటర్లు విసిరింది. ఆమె మూడో ప్రయత్నంలో వచ్చిన బెస్ట్ త్రో ఇది. ఏషియన్ గేమ్స్‌-2023 అథ్లెటిక్స్‌లో భారత్ సొంతం చేసుకున్న తొలి పతకం ఇదే. కిరణ్ బలియన్ పై పలువురు నేతలు ప్రశంసల జల్లు కురిపించారు.
చైనాలోని హాంగ్జౌ ఒలింపిక్ స్పోర్ట్స్ సెంటర్ స్టేడియంలో ఈ ఈవెంట్ జరిగింది. ఇదే ఈవెంట్లో చైనాకు చెందిన క్రీడాకారిణి గాంగ్ లిజియావో షాట్ ను 19.58 మీటర్లు, అదే దేశానికి చెందిన పాట జియాయువాన్ 18.92 మీటర్లు విసిరి స్వర్ణ, రజత పతకాలను గెలుచుకున్నారు.
భారత్ నుంచి పోటీకి దిగిన మరో క్రీడాకారిణి మన్‌ప్రీత్ కౌర్ 16.25 మీటర్ల త్రోతో 5వ స్థానంలో నిలిచింది. చైనీస్ తైపీ జియాన్ చెన్-జిన్ 16.61 మీటర్ల త్రోతో నాలుగో స్థానంలో ఉంది. కాగా, ఏషియన్ గేమ్స్‌-2023లో భారత్ ఇప్పటివరకు 8 స్వర్ణాలు, 12 రజతాలు, 13 కాంస్య పతకాలు సాధించింది. ఇప్పటివరకు మొత్తం 33 పతకాలు గెలుచుకుంది.
Asian Games : ఆసియా క్రీడల్లో రజతం సాధించిన ఇషా సింగ్, తెలంగాణ బిడ్డ ఘనత అంటూ సీఎం కేసీఆర్ అభినందనలు
