Cameron Green : ఆల్‌టైమ్‌ రికార్డును సమం​ చేసిన కామెరూన్ గ్రీన్‌.. అయినా గానీ..

Cameron Green : ఆస్ట్రేలియా స్టార్ ఆల్‌రౌండ‌ర్ కామెరూన్ గ్రీన్ (Cameron Green) అరుదైన ఘ‌న‌త సాధించాడు. ఓ వ‌న్డే మ్యాచ్‌లో ఔల్ ఫీల్డ్‌లో ఆస్ట్రేలియా త‌రుపున అత్య‌ధిక క్యాచ్‌లు అందుకున్న అరుదైన జాబితాలో చేరాడు.

ద‌క్షిణాఫ్రికాతో రెండో వ‌న్డేలో అత‌డు నాలుగు క్యాచ్‌లు (ట్రిస్టన్‌ స్టబ్స్‌, డెవాల్డ్‌ బ్రెవిస్‌, వియాన్‌ ముల్దర్‌, నండ్రే బర్గర్) అందుకోవ‌డం ద్వారా ఈ జాబితాలో చోటు ద‌క్కించుకున్నాడు.

మార్క్ టేల‌ర్‌, మైఖ‌ర్ క్లార్క్‌, ఆండ్రూ సైమండ్స్ వంటి దిగ్గ‌జ ఆట‌గాళ్లు ఈ జాబితాలో ఉన్నారు.

Shreyas Iyer : నిన్న జ‌ట్టులో చోటు, నేడు వ‌న్డే కెప్టెన్సీ ఛాన్స్.. రెండూ మిస్సాయే..

ఓ వ‌న్డే మ్యాచ్‌లో ఔట్ ఫీల్డ్‌లో అత్య‌ధిక క్యాచ్‌లు అందుకున్న ఆసీస్ ఆట‌గాళ్లు వీరే..

*మార్క్‌ టేలర్ – 4 క్యాచ్‌లు (1992)
* మైఖేల్‌ క్లార్క్‌- 4 క్యాచ్‌లు (2004)
* ఆండ్రూ సైమండ్స్ – 4 క్యాచ్‌లు (2006)
* గ్లెన్‌ మ్యాక్స్‌వెల్ – 4 క్యాచ్‌లు (2015)
* మిచెల్‌ మార్ష్‌ – 4 క్యాచ్‌లు (2016)
* గ్లెన్‌ మ్యాక్స్‌వెల్ – 4 క్యాచ్‌లు (2017)
* మార్న‌స్ ల‌బుషేన్ – 4 క్యాచ్‌లు (2024)
* కామెరూన్ గ్రీన్ – 4 క్యాచ్‌లు (2025)

ఇక మ్యాచ్ విష‌యానికి వ‌స్తే.. తొలుత బ్యాటింగ్ చేసిన ద‌క్షిణాఫ్రికా 49.1 ఓవ‌ర్ల‌లో 277 ప‌రుగుల‌కు ఆలౌటైంది. స‌ఫారీ బ్యాట‌ర్ల‌లో మాథ్యూ బ్రీట్జ్కే (88; 78 బంతుల్లో 8 ఫోర్లు, 2 సిక్స‌ర్లు), ట్రిస్టన్ స్టబ్స్ (74; 87 బంతుల్లో 3 ఫోర్లు, 1 సిక్స్‌) హాఫ్ సెంచ‌రీలు చేశారు. ఆసీస్ బౌల‌ర్ల‌లో ఆడ‌మ్ జంపా మూడు వికెట్లు తీశాడు. జేవియర్ బార్ట్‌లెట్, నాథ‌న్ ఎల్లిస్‌, ల‌బుషేన్‌లు త‌లా రెండు వికెట్లు తీశారు. జోష్ హేజిల్‌వుడ్ ఓ వికెట్ ప‌డ‌గొట్టారు.

Womens ODI World cup 2025 : బెంగ‌ళూరుకు భారీ షాక్‌.. మ‌హిళ‌ల వ‌న్డే ప్ర‌పంచ‌క‌ప్ 2025 షెడ్యూల్‌లో స్వ‌ల్ప మార్పులు..

అనంత‌రం 278 ప‌రుగుల ల‌క్ష్య ఛేద‌న‌లో ఆసీస్ 37.4 ఓవ‌ర్ల‌లో 193 ప‌రుగుల‌కే కుప్ప‌కూలింది. దీంతో ద‌క్షిణాఫ్రికా 84 ప‌రుగుల తేడాతో విజ‌యం సాధించింది. ఆసీస్ బ్యాట‌ర్ల‌లో జోష్ ఇంగ్లిష్ (87; 74 బంతుల్లో 10 ఫోర్లు, 2 సిక్స‌ర్లు) హాప్ సెంచ‌రీ చేశాడు. కామెరూన్ గ్రీన్ (35) రాణించాడు. ల‌బుషేన్ (1), మిచెల్ మార్ష్‌ (18), అలెక్స్ కేరీ (13), ఆరోన్‌ హార్డీ (10) లు విఫ‌లం అయ్యారు. ద‌క్షిణాఫ్రికా బౌల‌ర్ల‌లో లుంగి ఎంగిడి 5 వికెట్ల‌తో ఆసీస్ ప‌తనాన్ని శాసించాడు. నండ్రే బర్గర్, సేనురన్ ముత్తుసామి లు చెరో రెండు వికెట్లు తీశారు. వియాన్ ముల్డర్ ఓ వికెట్ ప‌డ‌గొట్టాడు.

ఈ విజ‌యంతో ద‌క్షిణాఫ్రికా మూడు మ్యాచ్‌ల వ‌న్డే సిరీస్‌లో మ‌రో మ్యాచ్ మిగిలి ఉండ‌గానే సిరీస్‌ను సొంతం చేసుకుంది. నామ‌మాత్ర‌మైన మూడో వ‌న్డే మ్యాచ్ ఆగ‌స్టు 24న ఆదివారం జ‌ర‌గ‌నుంది.