Sarma
Yashpal Sharma: క్రికెట్‌లో ఎంతటి ఆటగాడైనా డకౌట్ అవ్వకుండా ఉండదు.. స్టార్ క్రికెటర్లు సైతం అనేక సంధర్భాల్లో డౌకౌట్ అవుతారు. అంతర్జాతీయ క్రికెట్‌లో సున్నా పరుగులకే అవుట్(డకౌట్) అవకుండగా ఉన్న ఏకైక భారత ఆటగాడు యశ్‌పాల్ శర్మ. వన్డే ఇంటర్నేషనల్ క్రికెట్‌లో ఎప్పుడూ సున్నాకి అవుట్ అవని భారతదేశానికి చెందిన ఏకైక క్రికెటర్ యశ్‌పాల్ శర్మ.
1983 వరల్డ్ కప్ గెలిచిన భారత జట్టులో యశ్‌పాల్ శర్మ ఒకరు. పంజాబ్‌కు చెందిన క్రికెటర్ యశ్‌పాల్ శర్మ ఇవాళ(13 జులై 2021) కన్నుమూశారు. 1972లో పంజాబ్, జమ్మూకాశ్మీర్ స్కూళ్ల మధ్య జరిగిన క్రికెట్‌లో 260పరుగులు చేసి సెలెక్టర్ల దృష్టిలో పడిన యశ్‌పాల్ శర్మ 1978లో వన్డే జట్టులోకి, 1979లో టెస్టు జట్టులోకి ప్రవేశించాడు. 1985లో అంతర్జాతీయ క్రికెట్‌కు యశ్ పాల్ శర్మ వీడ్కోలు పలికారు.
40కి పైగా వన్డే ఇంటర్నేషనల్స్ ఆడినప్పటికీ, సున్నాపరుగులు మాత్రమే చేసి పెవిలియన్‌కు రాని భారతదేశానికి చెందిన ఏకైక బ్యాట్స్‌మన్ యశ్‌పాల్ శర్మ. అతనికి 42 వన్డే ఇంటర్నేషనల్ మ్యాచ్‌లలో 40ఇన్నింగ్స్‌లలో బ్యాటింగ్ చేసే అవకాశం దక్కింది. పాకిస్తాన్, ఇంగ్లాండ్, న్యూజిలాండ్, వెస్టిండీస్, శ్రీలంక, ఆస్ట్రేలియాకు చెందిన దిగ్గజ బౌలర్లపై యశ్‌పాల్ ఆడాడు. కానీ ఎప్పుడూ డక్ అవుట్ అవ్వలేదు. ఇప్పటికీ ఈ రికార్డు ఆయన పేరిటే ఉంది.
అంతర్జాతీయంగా యశ్‌పాల్ శర్మతో పాటు, వన్డే కెరీర్‌లో సున్నాకి వికెట్ కోల్పోని మరో నలుగురు బ్యాట్స్‌మెన్లు ఉన్నారు. వీటిలో అగ్రస్థానంలో 10 సంవత్సరాల కెరీర్‌లో 109 వన్డే ఇంటర్నేషనల్స్ ఆడి 3367 పరుగులు చేసిన కెప్లర్ వెస్సెల్స్ పేరు మొదటి స్థానంలో ఉంది. ఆస్ట్రేలియా, సౌతాఫ్రికా రెండు జట్ల తరపున క్రికెట్ ఆడిన వెస్సెల్స్ సున్నాకి తన వికెట్‌ను ఎప్పుడూ కోల్పోలేదు.
ఇక రెండవ స్థానంలో స్కాట్లాండ్ స్టార్ క్రికెటర్ మ్యాథ్యూ క్రాస్ ఉన్నారు. 52వన్డే మ్యాచ్‌లు ఆడిన మ్యాథ్యూ క్రాస్ 48మ్యాచ్‌లలో బ్యాటింగ్ చేసి 1136పరుగులు చేయగా.. ఒక్కసారి కూడా డకౌట్ అవ్వలేదు. మూడవ స్థానంలో యశ్‌పాల్ శర్మ ఉండగా.. నాలుగో స్థానంలో దక్షిణాఫ్రికాకు చెందిన పీటర్ క్రిస్టెన్ 40 వన్డేలలో 1293 పరుగులు చేసినా ఒక్కసారి కూడా అవుట్ అవ్వలేదు. ఐదవ స్థానంలో 45 వన్డేలలో 1174 పరుగులు చేసిన జాక్వెస్ రోల్ఫ్ ఉన్నారు
1983 ప్రపంచ కప్ గెలిచిన కపిల్ దేవ్ నేతృత్వంలోని భారత జట్టు ఆ జట్టులో భాగం మాత్రమే కాదు, టోర్నమెంట్‌లో యశ్‌పాల్ శర్మ భారతదేశానికి హీరోగా ఎదిగారు. సెమీ-ఫైనల్స్‌లో 61 పరుగుల శక్తివంతమైన ఇన్నింగ్స్ ఆడటం ద్వారా తొలిసారిగా ప్రపంచ కప్ ఫైనల్‌కు దేశాన్ని తీసుకెళ్లాడు. ఏదేమైనా, యశ్‌పాల్ తన వన్డే ఇంటర్నేషనల్ కెరీర్‌లో ఎప్పుడూ సెంచరీ చేయలేదు, అతని అత్యధిక స్కోరు 89 పరుగులు.
