IND vs SA 1st T20 Jitesh Sharma equals MS Dhoni wicket keeping record
IND vs SA : స్వదేశంలో టీ20 మ్యాచ్లో ఓ ఇన్నింగ్స్లో అత్యధిక క్యాచ్లు అందుకున్న మహేంద్ర సింగ్ ధోని పేరిట ఉన్న రికార్డును సమం చేశాడు టీమ్ఇండియా వికెట్ కీపర్ జితేశ్ శర్మ. మంగళవారం కటక్ వేదికగా దక్షిణాఫ్రికాతో జరిగిన తొలి టీ20 మ్యాచ్లో అతడు ఈ ఘనత సాధించాడు.
దక్షిణాఫ్రికా ఆటగాళ్లు ట్రిస్టన్ స్టబ్స్, డేవిడ్ మిల్లర్, డోనోవన్ ఫెర్రీరా, కేశవ్ మహారాజ్ ల క్యాచ్లు అందుకున్నాడు జితేశ్. యాదృచ్చికంగా ధోని కూడా కటక్లోనే 2017లో శ్రీలంక పై ఈ ఫీట్ సాధించాడు. ఆ మ్యాచ్లో ధోని నాలుగు ఔట్లలో పాలుపంచుకున్నాడు. అందులో రెండు క్యాచ్లు, రెండు స్టంపింగ్లు ఉన్నాయి.
ఇదిలా ఉంటే.. ఓవరాల్గా భారత్ తరుపున టీ20ల్లో ఓ ఇన్నింగ్స్లో అత్యధిక క్యాచ్లు అందుకున్న రికార్డు ఇప్పటికి ధోని పేరిటే ఉంది. ధోని ఓ టీ20 ఇన్నింగ్స్లో 5 క్యాచ్లు అందుకున్నాడు. 2018లో ఇంగ్లాండ్ పై బ్రిస్టల్ వేదికగా ధోని ఈ ఘనత సాధించాడు.
టీ20ల్లో భారత్ తరుపున ఓ ఇన్నింగ్స్లో అత్యధిక వికెట్లలో పాలు పంచుకున్న కీపర్లు వీరే..
* ఎంఎస్ ధోని – 2018లో ఇంగ్లాండ్ పై 5 క్యాచ్లు (బ్రిస్టల్)
* ఎంఎస్ ధోని – 2010లో అఫ్గానిస్తాన్ పై 4 క్యాచ్లు (సెయింట్ లూయిస్)
* ఎంఎస్ ధోని – 2017లో శ్రీలంకపై 4 ఔట్లు (రెండు క్యాచ్లు, రెండు స్టంపింగ్లు) (కటక్)
* దినేశ్ కార్తీక్ – 2022లో ఇంగ్లాండ్ పై 4 ఔట్లు (3 క్యాచ్లు, 1 స్టంపింగ్) (సౌతాంప్టన్)
* జితేశ్ శర్మ – 2025లో దక్షిణాఫ్రికా పై 4 క్యాచ్లు (కటక్)
ఇక ఈ మ్యాచ్లో హార్దిక్ పాండ్యా (59 నాటౌట్; 28 బంతుల్లో 6 ఫోర్లు, 4 సిక్సర్లు) మెరుపు అర్థశతకాన్ని బాదడంతో మొదట బ్యాటింగ్ చేసిన భారత్ నిర్ణీత 20 ఓవర్లలో 6 వికెట్ల నష్టానికి 175 పరుగులు చేసింది. అనంతరం 176 పరుగుల లక్ష్య ఛేదనలో దక్షిణాఫ్రికా 12.3 ఓవర్లలో 74 పరుగులకే ఆలౌటైంది. దీంతో భారత్ 101 పరుగుల తేడాతో విజయాన్ని సాధించింది. తద్వారా ఐదు మ్యాచ్ల సిరీస్లో 1-0 ఆధిక్యంలోకి దూసుకువెళ్లిపోయింది.
