RCB vs GT : ఐపీఎల్ ఫైన‌ల్‌.. ఇరు జ‌ట్ల‌లోని ప‌లువురు ఆట‌గాళ్ల‌ను ఊరిస్తున్న రికార్డులు ఇవే..

IPL 2026 Final GT vs RCB match few player eye on these milestones

• అహ్మ‌దాబాద్‌లో ఐపీఎల్ 2026 ఫైన‌ల్ నేడు
• క‌ప్పు కోసం పోటీప‌డ‌నున్న ఆర్‌సీబీ, గుజ‌రాత్
• ఇరు జ‌ట్ల‌లోని ప‌లువురు ఆట‌గాళ్ల‌ను ఊరిస్తున్న ప‌లు రికార్డులు

RCB vs GT : ఐపీఎల్ 2026 సీజ‌న్‌ ఆఖ‌రి అంకానికి చేరుకుంది. నేడు (ఆదివారం మే 31) అహ్మ‌దాబాద్‌లోని న‌రేంద్ర మోదీ స్టేడియంలో ఫైన‌ల్ మ్యాచ్ జ‌ర‌గ‌నుంది. రాయ‌ల్ ఛాలెంజ‌ర్స్ బెంగ‌ళూరు, గుజ‌రాత్ టైటాన్స్ జ‌ట్లు క‌ప్పు కోసం పోటీప‌డనున్నాయి. ఈ మ్యాచ్‌లో ఏ జ‌ట్టు గెలిచినా కూడా.. ఆ జ‌ట్టుకు ఇది రెండో ఐపీఎల్ ట్రోఫీనే అవుతుంది.

క్వాలిఫ‌య‌ర్‌-1లో గుజరాత్ టైటాన్స్‌ను ఓడించిన ఉత్సాహంలో ఉన్న ఆర్‌సీబీ అదే ఊపులో ఫైన‌ల్‌లోనూ మ‌రోసారి ఆ జ‌ట్టును ఓడించి వ‌రుస‌గా రెండో సారి ట్రోఫీని ముద్దాడాల‌ని భావిస్తోంది. మ‌రోవైపు క్వాలిఫ‌య‌ర్‌-1లో ఎదురైన ప‌రాభ‌వానికి ప్ర‌తీకారం తీర్చుకోవాల‌ని గుజ‌రాట్ టైటాన్స్ ప‌ట్టుద‌ల‌గా ఉంది.

Sachin Tendulkar : ఐపీఎల్‌లో భారీ మార్పులు చేయాలి.. ఈ నిబంధ‌న‌ను ర‌ద్దు చేయాల‌ని.. స‌చిన్ టెండూల్క‌ర్ సూచ‌న‌

ఈ సీజన్‌లో ఈ రెండు జట్లు మూడుసార్లు ముఖాముఖిగా త‌ల‌ప‌డ‌గా.. రెండు మ్యాచ్‌ల్లో ఆర్‌సీబీ విజ‌యం సాధించింది. ఓ మ్యాచ్‌లో గుజ‌రాత్ గెలుపొందింది.

ఇదిలా ఉంటే.. ఫైన‌ల్ మ్యాచ్‌లో రెండు జ‌ట్ల‌లోని ప‌లువురు ఆట‌గాళ్లు మైలురాళ్ల‌ను చేరుకునే అవ‌కాశం ఉంది. అవేంటో ఓ సారి చూద్దాం..

రాయల్ ఛాలెంజర్స్ బెంగళూరు..

* దేవదత్ పడిక్కల్ – టీ20ల్లో 150 సిక్స‌ర్ల మైలురాయిని చేరుకోవ‌డానికి ఇంకో 5 సిక్స‌ర్లు కావాలి
* రజత్ పాటిదార్ – టీ20ల్లో 250 ఫోర్ల మైలురాయిని చేరుకోవ‌డానికి ఇంకో 5 ఫోర్లు కావాలి
* కృనాల్ పాండ్యా – ఐపీఎల్‌లో 2000 ప‌రుగుల మైలురాయిని చేరుకునేందుకు ఇంకో 19 రన్స్ అవ‌స‌రం
* టిమ్ డేవిడ్ – మ‌రో 4 ఫోర్లు కొడితే ఐపీఎల్‌లో 450 ఫోర్ల క్ల‌బ్‌లో చేర‌తాడు
* జితేష్ శర్మ – మ‌రో 3 ఫోర్లు కొడితే టీ20ల్లో 300 ఫోర్ల క్ల‌బ్‌లో చేర‌తాడు.
* రొమారియో షెపర్డ్ – ఇంకో 5 సిక్స‌ర్లు బాదితే టీ20లో 200 సిక్స‌ర్ల క్ల‌బ్‌లోకి అడుగు

Vaibhav Sooryavanshi : వీడు మామూలోడు కాదు.. వైభ‌వ్ బ్యాటా మ‌జాకానా.. 12 కోట్లు..

గుజ‌రాత్ టైటాన్స్‌..

* సాయి సుదర్శన్ – టీ20ల్లో 100 సిక్సర్లు పూర్తి చేయడానికి 10 సిక్సర్లు కావాలి
* శుభ్‌మన్ గిల్ – ఐపీఎల్‌లో 450 ఫోర్ల క్ల‌బ్‌లో చేరేందుకు 6 ఫోర్లు అవ‌స‌రం
* కగిసో రబాడ – మ‌రో మూడు వికెట్లు తీస్తే ఐపీఎల్‌లో 150 వికెట్ల క్ల‌బ్‌లోకి అడుగు
* శుభ్‌మన్ గిల్ – ప్లేఆఫ్స్‌లో అత్యధిక పరుగులు చేసిన రెండో ఆటగాడిగా నిలిచేందుకు 53 పరుగులు అవసరం.