Courtesy BCCI
ఢిల్లీ క్యాపిట‌ల్స్ స్టార్ బ్యాట‌ర్ కేఎల్ రాహుల్ అరుదైన ఘ‌న‌త సాధించాడు. మంగ‌ళ‌వారం ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో అత‌డు హాఫ్ సెంచ‌రీతో రాణించాడు. ఈ క్ర‌మంలో ఐపీఎల్‌లో అత్యంత వేగంగా 5వేల ప‌రుగుల మైలురాయిని చేరుకున్న ఆట‌గాడిగా చ‌రిత్ర సృష్టించాడు.
ఈ క్ర‌మంలో అత‌డు డేవిడ్ వార్నర్ రికార్డును బ్రేక్ చేశాడు. డేవిడ్ వార్నర్ 135 ఇన్నింగ్స్‌ల్లో 5వేల ప‌రుగుల మైలురాయిని చేరుకోగా కేఎల్ రాహుల్ 130 ఇన్నింగ్స్‌ల్లోనే ఈ ఘ‌న‌త సాధించాడు. ఇక ఈ జాబితాలో ప‌రుగుల యంత్రం, రికార్డుల రారాజు విరాట్ కోహ్లీ మూడో స్థానంలో ఉన్నాడు. 157 ఇన్నింగ్స్‌ల్లో కోహ్లీ 5వేల ఐపీఎల్ ప‌రుగుల‌ను పూర్తి చేశాడు.
IPL 2025 : రాజస్థాన్ రాయల్స్‌ పై ఫిక్సింగ్ ఆరోపణలు!
IPL POSTER FOR KL RAHUL, The main man 🔥 pic.twitter.com/BiI6w5SU7d
— Johns. (@CricCrazyJohns) April 22, 2025
ఐపీఎల్‌లో అత్యంత వేగంగా 5 వేల పరుగులు చేసిన ఆటగాళ్లు..
కేఎల్ రాహుల్ – 130 ఇన్నింగ్స్‌లు
డేవిడ్ వార్నర్ – 135 ఇన్నింగ్స్‌లు
విరాట్ కోహ్లీ – 157 ఇన్నింగ్స్‌లు
ఏబీ డివిలియర్స్ – 161 ఇన్నింగ్స్‌లు
శిఖర్ ధావన్ – 168 ఇన్నింగ్స్‌లు
ఇక మ్యాచ్ విష‌యానికి వ‌స్తే.. ఈ మ్యాచ్‌లో ల‌క్నో సూప‌ర్ జెయింట్స్ తొలుత బ్యాటింగ్ చేసింది. నిర్ణీత 20 ఓవ‌ర్ల‌లో 6 వికెట్ల న‌ష్టానికి 159 పరుగులు చేసింది. ల‌క్నో బ్యాట‌ర్ల‌లో ఐడెన్ మార్‌క్ర‌మ్ (52; 33 బంతుల్లో 2 ఫోర్లు, 3 సిక్స‌ర్లు) హాఫ్ సెంచ‌రీ చేయ‌గా, మిచెల్ మార్ష్ (45; 36 బంతుల్లో 3 ఫోర్లు, 1 సిక్స్‌), ఆయుష్ బ‌దోని (36; 21 బంతుల్లో 6 ఫోర్లు) రాణించారు. ఢిల్లీ బౌల‌ర్ల‌లో ముకేశ్ కుమార్ నాలుగు వికెట్లు తీశాడు. మిచెల్ స్టార్క్‌, చ‌మీర చెరో వికెట్ ప‌డ‌గొట్టారు.
అనంత‌రం ఢిల్లీ క్యాపిట‌ల్స్ ల‌క్ష్యాన్ని 17.5 ఓవ‌ర్ల‌లో రెండు వికెట్లు కోల్పోయి ఛేదించింది. అభిషేక్ పోర‌ల్ (51; 36 బంతుల్లో 5 ఫోర్లు, 1 సిక్స్‌), కేఎల్ రాహుల్ (57 నాటౌట్; 42 బంతుల్లో 3 ఫోర్లు, 3 సిక్స‌ర్లు) హాఫ్ సెంచ‌రీల‌తో క‌దం తొక్క‌గా, అక్ష‌ర్ ప‌టేల్ (34 నాటౌట్; 20 బంతుల్లో 1 ఫోర్, 4 సిక్స‌ర్లు) మెరుపులు మెరిపించాడు. ల‌క్నో బౌల‌ర్ల‌లో మార్‌క్ర‌మ్ రెండు వికెట్లు ప‌డ‌గొట్టాడు.
