ఐపీఎల్ 2020: తొలి మ్యాచ్ ముంబైకి, చెన్నైకి మధ్య.. పూర్తి షెడ్యూల్‌ ఇదే!

సెప్టెంబర్ 19వ తేదీ నుంచి ప్రారంభం అయ్యే ఇండియన్ ప్రీమియర్ లీగ్ 13వ సీజన్ షెడ్యూల్‌ను ప్రకటించారు. 13వ సీజన్ గతేడాది ఛాంపియన్స్ ముంబై ఇండియన్స్, రన్నరప్ చెన్నై సూపర్ కింగ్స్ మధ్య తొలిపోరుతో ఐపీఎల్ ప్రారంభం అవుతుంది.



ఈ రెండు జట్ల మధ్య పోరుతో 13వ సీజన్ మార్చి 29న ప్రారంభం కావాల్సి ఉన్నప్పటికీ, కరోనా కారణంగా లీగ్ నిరవధికంగా వాయిదా పడింది.

యూఏఈలో ఐపిఎల్ ఈవెంట్ ప్రకటించిన తరువాత బిసిసిఐ ఆదివారం పాలక మండలి సమావేశాన్ని ఏర్పాటు చేసింది. ఈ సమావేశంలో, 13వ సీజన్‌కు సంబంధించిన అన్ని ఫార్మాలిటీలు పూర్తయ్యాయి. 13వ సీజన్ సెప్టెంబర్ 19 మరియు నవంబర్ 10 మధ్య జరుగుతుందని బిసిసిఐ వెల్లడించింది.

ఇండియన్ ప్రీమియర్ లీగ్ 13 వ సీజన్ 53 రోజులు నడుస్తుంది. ఈ కాలంలో 60 మ్యాచ్‌లు జరగనుండగా.. టోర్నమెంట్ ఆకృతిలో ఎటువంటి మార్పు లేదు.



13 వ సీజన్‌లో 10డబుల్ హెడర్ మ్యాచ్‌లు ఉంటాయి. భారత సమయం ప్రకారం రాత్రి 7.30 గంటలకు మ్యాచ్ ప్రారంభం అవుతుంది. డబుల్ హెడర్ రోజు మధ్యాహ్నం 3.30 గంటలకు ఒక మ్యాచ్ ప్రారంభం అవుతుంది.