Best Camera Phones : కొంటే ఇలాంటి ఫోన్లు కొనాలి.. 2025లో 7 బెస్ట్ కెమెరా ఫోన్లు ఇవే.. నాల్గో ఫోన్ మాత్రం కిర్రాక్ భయ్యా..!

Best Camera Phones

Best Camera Phones : కొత్త స్మార్ట్‌ఫోన్ కొంటున్నారా? కెమెరా ప్రియుల కోసం భారత మార్కెట్లో అత్యంత పవర్ కెమెరా స్మార్ట్‌ఫోన్‌లు లభ్యమవుతున్నాయి. అందులో శాంసంగ్ S సిరీస్, ఐఫోన్ లైనప్ నుంచి ఒప్పో ఫైండ్ ఎక్స్ సిరీస్ వరకు ఈ స్మార్ట్‌ఫోన్‌లు అప్‌గ్రేడ్ ఇమేజ్ సెన్సార్లు, ఏఐ ఫీచర్లతో మొబైల్ ఫోటోగ్రఫీని అందిస్తున్నాయి.

మీరు కూడా మంచి కెమెరా ఫోన్ (Best Camera Phones) కోసం చూస్తుంటే ఈ కెమెరా ఫోన్లలో మీకు నచ్చిన ఫోన్ ఎంచుకుని కొనేసుకోండి. శాంసంగ్ గెలాక్సీ S25 అల్ట్రా నుంచి షావోమీ 15 అల్ట్రా వరకు లభించే ఫోన్లలో ఏది కొంటారో కొనేసుకోండి.

శాంసంగ్ గెలాక్సీ S25 అల్ట్రా (రూ. 1,15,450) :
శాంసంగ్ గెలాక్సీ S25 లో-లైటింగ్ పర్ఫార్మెన్స్ అప్‌గ్రేడ్ ప్రైమరీ సెన్సార్ (200MP + 10MP + 50MP + 50MP)తో క్లినడ్ క్వాడ్-కెమెరా సెటప్‌ను అందిస్తుంది. ఈ ఫోన్ 120Hz 2600నిట్స్ పీక్ బ్రైట్‌నెస్‌తో వస్తుంది. 6.9-అంగుళాల డైనమిక్ ఎల్టీపీఓ అమోల్డ్ 2X డిస్‌ప్లే కలిగి ఉంది. 2025లో బెస్ట్ కెమెరా క్వాలిటీతో ఆల్-రౌండర్ కోసం చూస్తున్న యూజర్లకు గెలాక్సీ S25 అల్ట్రా ఆప్షన్ పొందవచ్చు.

ఐఫోన్ 17 ప్రో మ్యాక్స్ (రూ. 1,49,900) :
ఆపిల్ ఐఫోన్ 17 ప్రో మాక్స్ ట్రిపుల్ 48MP ప్రైమరీ కెమెరా సెటప్, 18MP సెల్ఫీ కెమెరాతో వస్తుంది. ఈ స్మార్ట్‌ఫోన్‌లో అద్భుతమైన పర్ఫార్మెన్స్ కోసం ఆపిల్ A19 ప్రో చిప్‌సెట్ కలిగి ఉంది. ఈ ఐఫోన్ డాల్బీ విజన్‌తో 6.9-అంగుళాల ఎల్టీపీఓ సూపర్ రెటినా ఎక్స్‌డీఆర్ ఓఎల్ఈడీ డిస్‌ప్లే కలిగి ఉంది. iOS 26లో రన్ అయ్యే ఈ స్మార్ట్‌ఫోన్ ఫొటోగ్రఫీని ఇష్టపడేవారికి టాప్ రేంజ్ పర్ఫార్మెన్స్ కోరుకునే వారికి బెస్ట్ అని చెప్పొచ్చు.

ఐఫోన్ 17 ప్రో (రూ. 1,34,900) :
ఆపిల్ ఐఫోన్ 17 ప్రో మోడల్ మాక్స్ వేరియంట్ మాదిరిగానే ట్రిపుల్ 48MP రియర్ కెమెరా సెటప్ కలిగి ఉంది. ఈ యూనిట్ సూర్యకాంతి, తక్కువ కాంతి రెండింటిలోనూ అదిరిపోయే ఫొటోగ్రఫీ ఎక్స్‌పీరియన్స్ అందిస్తుంది. మొత్తంమీద, స్మార్ట్‌ఫోన్ క్లియర్ ఫొటోలను క్లిక్ చేసేందుకు ఇష్టపడే వారికి అద్భుతమైన ఆప్షన్.

గూగుల్ పిక్సెల్ 10 ప్రో (రూ. 1,09,999) :

గూగుల్ పిక్సెల్ 10 ప్రోలో 48MP, 50MP వైడ్ సెన్సార్లతో కెమెరా సెటప్‌, గూగుల్ టెన్సార్ G5 చిప్‌సెట్‌ కలిగి ఉంది. ఫ్లాగ్‌షిప్-లెవల్ ఫొటోగ్రఫీని అద్భుతమైన పర్ఫార్మెన్స్‌తో అందిస్తుంది. మల్టీ-జోన్ లేజర్ AF, LED ఫ్లాష్, అల్ట్రా-HDR పనోరమా ఫీచర్లు హై-క్వాలిటీని అందిస్తాయి. ఫొటో ఔత్సాహికులకు అద్భుతమైన ఆప్షన్ అని చెప్పొచ్చు.

Read Also : Post Office Scheme : పోస్టాఫీస్‌లో అద్భుతమైన పథకం.. మీ తల్లిదండ్రులకు 60 ఏళ్లు దాటితే నెలకు రూ. 5,500 సంపాదించుకోవచ్చు.. ఎలాగంటే?

వన్‌ప్లస్ 15 (రూ. 72,999) :
వన్‌ప్లస్ 15 లేటెస్ట్ లాంచ్‌లో ట్రిపుల్ 50MP బ్యాక్ కెమెరా సెటప్, 32MP సెల్ఫీ కెమెరా ఉన్నాయి. ఎప్పటిలాగే అద్భుతమైన ఫొటోలను క్యాప్చర్ చేయొచ్చు. వన్‌ప్లస్ 15 పెద్ద 6.78-అంగుళాల ఎల్టీపీఓ అమోల్డ్ డిస్‌ప్లేతో వస్తుంది. 1B కలర్ విజువల్స్‌కు సపోర్టు ఇస్తుంది.

షావోమీ 15 అల్ట్రా (రూ. 1,09,999) :
షావోమీ 15 అల్ట్రా ఫోన్ క్వాడ్-కెమెరా సెటప్‌తో వస్తుంది. ఇందులో మూడు 50MP కెమెరాలు, 4.3x ఆప్టికల్ జూమ్‌తో 200MP పెరిస్కోప్ టెలిఫోటో లెన్స్ ఉన్నాయి. సెల్ఫీ ప్రియుల కోసం ఈ షావోమీ 32MP ఫ్రంట్ కెమెరా కలిగి ఉంది.

ఒప్పో ఫైండ్ X9 ప్రో (రూ. 99,999) :
నవంబర్ 18న లాంచ్ కానున్న ఒప్పో ఫైండ్ ఎక్స్ సిరీస్‌లో 50MP + 200MP సెన్సార్‌లతో కూడిన పవర్‌ఫుల్ డ్యూయల్ రియర్ కెమెరా సెటప్ ఉంటుందని భావిస్తున్నారు. ఇందులో సెల్ఫీల కోసం 50MP ఫ్రంట్ కెమెరా కూడా ఉంది. పవర్‌ఫుల్ ఫొటోల కోసం కెమెరా సిస్టమ్ హాసెల్‌బ్లాడ్ కలర్ కాలిబ్రేషన్‌తో వస్తుంది.