iQOO 15 Price : కొత్త ఫోన్ కావాలా? ఐక్యూ 15పై ఖతర్నాక్ డిస్కౌంట్.. అమెజాన్‌లో జస్ట్ ఎంతంటే?

iQOO 15 Price : కొత్త ఐక్యూ ఫోన్ కోసం చూస్తున్నారా? జనవరి 16న అమెజాన్ గ్రేట్ రిపబ్లిక్ డే సేల్ 2026 ప్రారంభం కానుంది. అనేక బ్రాండ్ల స్మార్ట్ ఫోన్లపై అద్భుతమైన డిస్కౌంట్లను అందించనుంది.

ఈ సేల్ సమయంలో స్మార్ట్‌ఫోన్‌లు, టాబ్లెట్‌లు, ల్యాప్‌టాప్‌లు, టెలివిజన్‌లు, కెమెరాలు, అప్లియన్సెస్, ఆడియో డివైజ్‌లు, వేరబుల్, గృహ, కిచెన్ అప్లియన్సెస్, ఆటో అప్లియన్సెస్ మరిన్నింటిపై డీల్స్ అందుబాటులో ఉన్నాయి.

మీ పాత స్మార్ట్‌ఫోన్‌ అప్‌గ్రేడ్ చేసుకోవాలనుకునే వారికి ఈ సేల్ అద్భుతంగా ఉంటుంది. అనేక స్మార్ట్‌ఫోన్ డీల్స్ అమెజాన్ ఇప్పటికే ప్రకటించింది. అందులో ఐక్యూ 15పై భారీ తగ్గింపు అందిస్తోంది. పూర్తి వివరాలపై ఓసారి లుక్కేయండి.

ఐక్యూ 15 అమెజాన్ డీల్ : భారత మార్కెట్లో ఐక్యూ 15 రూ.72,999 ప్రారంభ ధరకు లాంచ్ అయింది. అమెజాన్ గ్రేట్ రిపబ్లిక్ డే సేల్ 2026 సమయంలో ఐక్యూ 15 రూ.65,999 ధరకు అందుబాటులో ఉంటుంది. ఈ ధర తగ్గింపులో బ్యాంక్ ఆఫర్లు కూడా ఉంటాయి.

ఐక్యూ 15 స్పెసిఫికేషన్లు, ఫీచర్లు : ఐక్యూ 15లో 6.85-అంగుళాల ఓఎల్ఈడీ డిస్‌ప్లే, 144Hz రిఫ్రెష్ రేట్, 2600 నిట్స్ పీక్ బ్రైట్‌నెస్ ఉన్నాయి. హుడ్ కింద క్వాల్కమ్ స్నాప్‌డ్రాగన్ 8 ఎలైట్ జెన్ 5 మొబైల్ ప్లాట్‌ఫామ్‌పై రన్ అవుతుంది. 16GB వరకు ర్యామ్, 512GB వరకు UFS 4.1 స్టోరేజ్‌తో వస్తుంది. ఇంకా ఐక్యూ ఫోన్ 100W ఫాస్ట్ ఛార్జింగ్ సపోర్ట్‌తో 7000mAh బ్యాటరీతో సపోర్టు ఇస్తుంది.

ఫొటోగ్రఫీ విషయానికి వస్తే.. ఐక్యూ 15 లో ట్రిపుల్ 50MP బ్యాక్ కెమెరా సిస్టమ్ ఉంది. ఇందులో ప్రైమరీ సోనీ IMX921 సెన్సార్, లాస్‌లెస్ జూమ్‌తో 3x పెరిస్కోప్ టెలిఫోటో లెన్స్, అల్ట్రా-వైడ్-యాంగిల్ షూటర్ ఉన్నాయి. ఫ్రంట్ సైడ్ 32MP కెమెరా కూడా ఉంది.