Google Pixel 10 : ఇది కదా డిస్కౌంట్.. అమెజాన్‌లో గూగుల్ పిక్సెల్ 10పై అద్భుతమైన తగ్గింపు.. ఫీచర్ల కోసమైన కొనేసుకోండి!

Google Pixel 10 Price : పిక్సెల్ ఫ్యాన్స్ మీకోసమే.. కొత్త గూగుల్ పిక్సెల్ 10 ధర భారీ తగ్గింపు ధరతో లభిస్తోంది. గూగుల్ లేటెస్ట్ ఫ్లాగ్‌షిప్ ఫోన్ కోసం చూస్తుంటే ఇప్పుడే కొనేసుకోవడం బెటర్.

కొన్ని నెలల క్రితమే భారత మార్కెట్లో రూ. 79,999కు లాంచ్ అయిన పిక్సెల్ 10 ఫోన్ ఇప్పుడు రూ. 13వేల కన్నా ఎక్కువ తగ్గింపుతో ఆన్‌లైన్‌లో లభ్యమవుతుంది.

గూగుల్ క్లీన్ సాఫ్ట్‌వేర్ అడ్వాన్స్ AI ఫీచర్లను పొందవచ్చు. కొత్తగా లాంచ్ అయిన ఈ ప్రీమియం ఫోన్‌లపై డీల్స్ ఎక్కువ రోజులు ఉండవు. మీకు ఆసక్తి ఉంటే ఇప్పుడే కొనేసుకోవడం బెటర్.. పూర్తి వివరాల కోసం ఓసారి లుక్కేయండి.

గూగుల్ పిక్సెల్ 10 అమెజాన్ డీల్ : భారత మార్కెట్లో గూగుల్ పిక్సెల్ 10 ఫోన్ రూ.79,999 ప్రారంభ ధరకు లాంచ్ అయింది. ప్రస్తుతం అమెజాన్‌లో పిక్సెల్ 10పై రూ.10,430 ఫ్లాట్ డిస్కౌంట్ అందిస్తోంది. ధర రూ.69,569కి తగ్గింది. దాంతో పాటు మీరు యాక్సిస్ బ్యాంక్ క్రెడిట్ కార్డ్ ఈఎంఐ లావాదేవీలపై రూ.3,500 అదనపు డిస్కౌంట్ పొందవచ్చు. ఇంకా ఎక్కువ సేవింగ్ కోసం మీ పాత స్మార్ట్‌ఫోన్‌ కూడా ట్రేడ్ చేయవచ్చు.

గూగుల్ పిక్సెల్ 10 స్పెసిఫికేషన్లు, ఫీచర్లు : గూగుల్ పిక్సెల్ 10 ఫోన్ 6.3-అంగుళాల OLED డిస్‌ప్లే, 120Hz రిఫ్రెష్ రేట్, 3,000 నిట్స్ టాప్ బ్రైట్‌నెస్‌ను కలిగి ఉంది. ఇంకా, డిస్‌ప్లే అదనపు మన్నిక కోసం కార్నింగ్ గొరిల్లా గ్లాస్ విక్టస్ 2 ప్రొటెక్షన్‌తో వస్తుంది.

హుడ్ కింద, పిక్సెల్ 10 గూగుల్ టెన్సర్ G5 చిప్‌సెట్‌తో రన్ అవుతుంది. 12GB వరకు ర్యామ్, 256GB వరకు ఇంటర్నల్ స్టోరేజీతో వస్తుంది. అలాగే, ఈ పిక్సెల్ ఫోన్ 4,970mAh బ్యాటరీని కలిగి ఉంది. 30W ఫాస్ట్ ఛార్జింగ్, 15W వరకు వైర్‌లెస్ ఛార్జింగ్‌కు సపోర్టు ఇస్తుంది.

ఫొటోగ్రఫీ విషయానికి వస్తే.. పిక్సెల్ 10లో మాక్రో ఫోకస్‌తో కూడిన 48MP మెయిన్ కెమెరా, 13MP అల్ట్రావైడ్ లెన్స్, 5× ఆప్టికల్ జూమ్‌తో 10.8MP టెలిఫోటో కెమెరా ఉన్నాయి. సెల్ఫీలు, వీడియో కాల్స్ కోసం ఫోన్ ఫ్రంట్ సైడ్ 10.5MP కెమెరా కలిగి ఉంది.