Google Pixel 8, Pixel 8 Pro India Launch Confirmed
Google Pixel 8 Series Launch : ప్రముఖ సెర్చ్ ఇంజిన్ దిగ్గజం గూగుల్ (Google) పిక్సెల్ 8 సిరీస్ (Pixel 8 Series)ను అక్టోబర్ 4న జరగబోయే ‘Made By Google’ ఈవెంట్‌లో పిక్సెల్ వాచ్ 2తో పాటుగా లాంచ్ అయ్యేందుకు రెడీగా ఉంది. వెనిలా పిక్సెల్ 8, పిక్సెల్ 8 ప్రోతో కూడిన పిక్సెల్ 8 లైనప్ భారత మార్కెట్లో కూడా అందుబాటులో ఉంటుంది.
ఈ లాంచ్ ఈవెంట్ జరిగిన మరుసటి రోజు నుంచి ఈ-కామర్స్ ఫ్లిప్కార్ట్ (Flipkart)లో ఫోన్‌ల కోసం ప్రీ-ఆర్డర్‌లను ప్రారంభిస్తామని టెక్ దిగ్గజం ధృవీకరించింది. ఇ-కామర్స్ కంపెనీ అన్ని పిక్సెల్ లాంచ్‌లకు ఆన్‌లైన్ రిటైల్ పార్టనర్‌గా ఉంది. పిక్సెల్ 8 సిరీస్ స్మార్ట్ఫోన్లు రెండూ ఆండ్రాయిడ్ 14లో రన్ అవుతాయని, టెన్సర్ G3 SoCతో వస్తుందని విశ్లేషకులు భావిస్తున్నారు.
భారత్‌లో పిక్సెల్ 8, పిక్సెల్ 8 ప్రోలను లాంచ్ చేయనున్నట్టు గత వారమే వెల్లడించింది. ఈ ఫ్లాగ్‌షిప్ స్మార్ట్ఫోన్లు అక్టోబర్ 5 నుంచి ఫ్లిప్కార్ట్ ద్వారా దేశంలో ప్రీ-ఆర్డర్లు అందుబాటులో ఉండనున్నాయి. పిక్సెల్ 8 సిరీస్ లాంచ్ గత ఏడాదిలో పిక్సెల్ 7 సిరీస్ తర్వాత 2018 నుంచి భారత మార్కెట్లోరెండో మెయిన్‌లైన్ పిక్సెల్ లైనప్ కానుంది.
పిక్సెల్ 7, పిక్సెల్ 7 ప్రో గత ఏడాది అక్టోబర్‌లో అమ్మకానికి వచ్చాయి. Pixel 4, Pixel 5, Pixel 6 సిరీస్‌లు దేశంలో ఎప్పుడూ లాంచ్ కాలేదు. అదే సమయంలో, Pixel 4a, Pixel 6a, Pixel 7a లతో సహా వాటర్-డౌన్ A-సిరీస్ మోడల్‌లు భారత్‌లో అందుబాటులోకి వచ్చాయి.
Google Pixel 8 Series Launch : Google Pixel 8, Pixel 8 Pro India Launch Confirmed
Google Pixel 8 సిరీస్ ధర (అంచనా) :
రాబోయే గూగుల్ ఫ్లాగ్‌షిప్ సిరీస్ ధరలకు సంబంధించి అనేక నివేదికలు వెల్లడించాయి. అందులో Pixel 8 ధర 128GB స్టోరేజ్ వేరియంట్ EUR 874.25 (దాదాపు రూ. 78,400), 256GB స్టోరేజ్ వేరియంట్ ధర EUR 949.30 (సుమారు రూ. 85,200)గా ఉండనుంది. వనిల్లా మోడల్ హాజెల్, మింట్, అబ్సిడియన్, రోజ్ కలర్ ఆప్షన్‌లలో రానుంది.
పిక్సెల్ 8 ప్రో మోడల్ 128GB స్టోరేజ్ మోడల్‌కు EUR 1,235.72 (దాదాపు రూ. 1,10,900) ఉంటుంది. అయితే, 256GB స్టోరేజ్ మోడల్ ధర EUR 1,309.95 (సుమారు రూ. 1,17,500)గా ఉండవచ్చు. 512GB స్టోరేజ్ వేరియంట్ ధర EUR 1,461.24 (దాదాపు రూ. 1,31,100) ఉంటుంది. బే, మింట్, అబ్సిడియన్, పింగాణీ షేడ్స్‌లో వస్తుందని భావిస్తున్నారు.
గూగుల్ పిక్సెల్ 8 సిరీస్ స్పెసిఫికేషన్‌లు (అంచనా) :
పిక్సెల్ 8 సిరీస్ స్మార్ట్ఫోన్లు రెండూ ఆండ్రాయిడ్ 14లో రన్ అవుతాయి. 120Hz రిఫ్రెష్ రేట్ డిస్‌ప్లేలతో వస్తాయి. Pixel 7 సిరీస్‌కు పవర్ అందించేలా Tensor G2 SoCపై అప్‌గ్రేడ్‌గా గూగుల్ నెక్స్ట్ జనరేషన్ టెన్సర్ G3 SoCని పిక్సెల్ 8 లైనప్‌తో అందిస్తుందనిభావిస్తున్నారు. పిక్సెల్ 8 ప్రో కొత్త కెమెరా సెన్సార్లు, ఉష్ణోగ్రత సెన్సార్‌ను కూడా అందిస్తుందని అంచనా.
27W వైర్డ్ ఫాస్ట్ ఛార్జింగ్ సపోర్ట్‌తో 4,950mAh బ్యాటరీని రానుందని భావిస్తున్నారు. పిక్సెల్ 8 24W వైర్డు ఛార్జింగ్, 12W వైర్‌లెస్ ఛార్జింగ్ సపోర్ట్‌తో 4,485mAh బ్యాటరీతో బ్యాకప్ ఉండవచ్చు. గూగుల్ మేడ్ బై గూగుల్ లాంచ్ ఈవెంట్‌ను అక్టోబర్ 4న న్యూయార్క్‌లో స్థానిక సమయం ఉదయం 10:00 గంటలకు నిర్వహించనుంది. పిక్సెల్ 8 సిరీస్‌తో పాటు, ఈవెంట్ పిక్సెల్ వాచ్ 2, పిక్సెల్ బడ్స్ ప్రో లాంచ్ చేయనుంది.
