Poco M7 Pro 5G Series India Launch
Poco M7 Pro 5G Series : కొత్త స్మార్ట్‌ఫోన్ కొనేందుకు చూస్తున్నారా? భారత మార్కెట్లో పోకో ఎమ్7 ప్రో 5జీ, పోకో సి75 5జీ రాబోయే వారాల్లో లాంచ్ అయ్యేందుకు రెడీగా ఉన్నాయి. పోకో కొత్త స్మార్ట్‌ఫోన్‌ల లాంచ్ తేదీని ఫ్లిప్‌కార్ట్ ధృవీకరించింది. కొన్ని ముఖ్య ఫీచర్లను కూడా వెల్లడించింది. పోకో సి-సిరీస్ స్మార్ట్‌ఫోన్ సోనీ కెమెరాతో వస్తుందని టీజ్ చేసింది.
అయితే, పోకో ఎమ్7 ప్రో 5జీ అమోల్డ్ డిస్‌ప్లేను అందిస్తుంది. రెండు ఫోన్లు ఫ్లిప్‌కార్ట్‌లో అందుబాటులో ఉంటాయి. కొత్త పోకో సి75 5జీ బడ్జెట్ ధర ట్యాగ్, హుడ్ కింద స్నాప్‌డ్రాగన్ 4ఎస్ జనరేషన్ 2 ఎస్ఓసీతో వచ్చినట్లు కనిపిస్తోంది. పోకో సి75 5జీ సోనీ సెన్సార్‌తో దేశంలోనే అత్యంత సరసమైన 5జీ స్మార్ట్‌ఫోన్‌గా గుర్తించవచ్చు.
పోకో ఇండియా హెడ్ హిమాన్షు టాండన్ పోకో ఎమ్7 ప్రో 5జీ, పోకో సి75 5జీ రాబోయే లాంచ్ గురించి టీజర్‌లను షేర్ చేశారు. డిసెంబర్ 17న మధ్యాహ్నం 12 గంటలకు ఆవిష్కరించనుంది. పోకో ఎమ్7 ప్రో 5జీ అమోల్డ్ డిస్‌ప్లేను కలిగి ఉన్నట్లు తెలిపింది. ఇంతలో, పోకో సి75 5జీ సోనీ కెమెరాను కలిగి ఉంటుంది. దీని ధర రూ. 9వేలు ఉంటుంది. ఈ హ్యాండ్‌సెట్ 5జీ SA (స్టాండలోన్)కి సపోర్టు ఇస్తుంది కానీ ఎయిర్‌టెల్ ఉపయోగించే 5జీ ఎన్ఎస్ఏ (నాన్-స్టాండలోన్)కి సపోర్టు ఇవ్వదు.
లాంచ్‌కు ముందు, ఫ్లిప్‌కార్ట్‌లోని ప్రత్యేక మైక్రోసైట్ కొత్త ఫోన్ల గురించి ఫస్ట్ లుక్‌ రిలీజ్ చేసింది. పోకో ఎమ్7ప్రో 5జీ ఫోన్ 6.67-అంగుళాల ఫుల్-హెచ్‌డీ+ డిస్‌ప్లేతో 120Hz అడాప్టివ్ రిఫ్రెష్ రేట్, 92.02 శాతం స్క్రీన్-టు-బాడీ రేషియో, 2,100 నిట్స్ పీక్ బ్రైట్‌నెస్, హెచ్‌డీఆర్ 10+ సపోర్ట్‌తో జాబితా అయింది. డిస్ప్లే కార్నింగ్ గొరిల్లా గ్లాస్ 5 ప్రొటెక్షన్, టీయూవీ ట్రిపుల్ సర్టిఫికేషన్, ఎస్‌జీసీ ఐ కేర్ సర్టిఫికేషన్ కలిగి ఉంది. ఇన్-డిస్ప్లే ఫింగర్ ప్రింట్ సెన్సార్‌ను కూడా కలిగి ఉంది.
పోకో సి75 5జీ 4జీబీ ర్యామ్‌తో పాటు స్నాప్‌డ్రాగన్ 4ఎస్ జనరేషన్ 2 ఎస్ఓసీతో వస్తుంది. ఈ హ్యాండ్‌సెట్ 4జీబీ వరకు టర్బో ర్యామ్‌ను అందిస్తుంది. ప్రత్యేక మైక్రో ఎస్‌డీ కార్డ్ స్లాట్ ద్వారా 1టీబీ వరకు స్టోరేజీ విస్తరణకు సపోర్టు ఇస్తుంది. కొత్త పోకో సి సిరీస్ ఫోన్ వృత్తాకార కెమెరా మాడ్యూల్‌తో వస్తుంది.
గత లీక్‌ల ప్రకారం.. పోకో సి75 5జీ 120Hz రిఫ్రెష్ రేట్‌తో 6.88-అంగుళాల హెచ్‌డీ+ డిస్‌ప్లేను కలిగి ఉంటుంది. 18డబ్ల్యూ ఛార్జింగ్ సపోర్ట్‌తో 5,160mAh బ్యాటరీని ప్యాక్ చేసే అవకాశం ఉంది. ఈ హ్యాండ్‌సెట్ 50ఎంపీ ప్రైమరీ సెన్సార్ నేతృత్వంలోని ట్రిపుల్ రియర్ కెమెరా యూనిట్‌ను కలిగి ఉంటుందని భావిస్తున్నారు.
