Realme Narzo 70 5G Series : కొత్త ఫోన్ కోసం చూస్తున్నారా? ప్రముఖ చైనా స్మార్ట్‌ఫోన్ దిగ్గజం రియల్మి నుంచి సరికొత్త నార్జో 70 5జీ, రియల్మి నార్జో 70ఎక్స్ 5జీ ఫోన్లను బుధవారం (ఏప్రిల్ 24) భారత మార్కెట్లో లాంచ్ చేసింది. ఈ కొత్త 5జీ స్మార్ట్‌ఫోన్‌లు గత నెల నుంచి దేశంలో రియల్మి నార్జో 70 ప్రో 5జీకి అప్‌గ్రేడ్ వెర్షన్లతో వచ్చాయి.
Read Also : Apple iPhone 13 Discount : అమెజాన్‌లో ఆపిల్ ఐఫోన్ 13పై భారీగా ధర తగ్గింపు.. ఇంతకీ, ఈ ఫోన్ కొనాలా వద్దా?
రియల్మి నార్జో 70 5జీ ఫోన్, రియల్మి నార్జో 70ఎక్స్ 5జీ ఫోన్ మీడియాటెక్ డైమెన్సిటీ చిప్‌సెట్‌లపై రన్ అవుతాయి. స్ప్లాష్ నిరోధకతకు ఐపీ54 రేటింగ్‌ను కలిగి ఉన్నాయి. ఈ రెండు ఫోన్లు 45డబ్ల్యూ సూపర్ వూక్ ఫాస్ట్ ఛార్జింగ్ సపోర్ట్‌తో 5,000ఎంఎహెచ్ బ్యాటరీలను కలిగి ఉన్నాయి. డైనమిక్ ర్యామ్ ఫీచర్‌ కూడా ఉంది. నార్జో 70ఎక్స్ 5జీ మినీ క్యాప్సూల్ 2.0 ఫీచర్‌ను కూడా అందిస్తుంది.
భారత్‌లో రియల్మి నార్జో 70 5జీ, నార్జో 70ఎక్స్ 5జీ ధర ఎంతంటే? :
రియల్మి నార్జో 70 5జీ ఫోన్ 6జీబీ ర్యామ్+128జీబీ స్టోరేజీ ఆప్షన్ ధర రూ. 14,999, అయితే 8జీబీ ర్యామ్ + 128జీబీ స్టోరేజ్ వేరియంట్ ధర రూ. 15,999గా ఉంది. మరోవైపు, రియల్మి నార్జో 70ఎక్స్ 5జీ 4జీబీ ర్యామ్ + 128జీబీ స్టోరేజ్ మోడల్ ధర రూ. 10,999, 6జీబీ ర్యామ్+128జీబీ స్టోరేజ్ ధర రూ. 11,999కు పొందవచ్చు. ఏప్రిల్ 24 సాయంత్రం 6 గంటల నుంచి రాత్రి 8 గంటల మధ్య సేల్ అందుబాటులో ఉంటుంది. ఈ రెండు ఫోన్లు ఫారెస్ట్ గ్రీన్, ఐస్ బ్లూ షేడ్స్‌లో అందించనుంది.
రియల్మి నార్జో 70 5జీ స్పెసిఫికేషన్లు :
డ్యూయల్-సిమ్ (నానో) రియల్మి నార్జో 70 5జీ ఫోన్ ఆండ్రాయిడ్ 14 ఆధారంగా రియల్మి యూఐ 5.0 స్కిన్‌పై రన్ అవుతుంది. రియల్మి కొత్త హ్యాండ్‌సెట్ మూడేళ్ల సెక్యూరిటీ అప్‌డేట్‌లు, 2 ఏళ్ల సాఫ్ట్‌వేర్ అప్‌డేట్‌లను అందిస్తోంది. 6.67-అంగుళాల ఫుల్-హెచ్‌డీ+ (1,080×2,400 పిక్సెల్‌లు) అమోల్డ్ డిస్‌ప్లేను 120హెచ్‌జెడ్ వరకు రిఫ్రెష్ రేట్, 240హెచ్‌జెడ్ టచ్ శాంప్లింగ్ రేట్, 1,200 నిట్స్ పీక్ బ్రైట్‌నెస్‌తో కలిగి ఉంది.
డిస్‌ప్లే 240హెచ్‌జెడ్ టచ్ శాంప్లింగ్ రేట్, 1,200 నిట్స్ పీక్ బ్రైట్‌నెస్‌ని కలిగి ఉంది. ఈ హ్యాండ్‌సెట్ 6ఎన్ఎమ్ మీడియాటెక్ డైమెన్సిటీ 7050 5జీ ఎస్ఓసీ, ఆర్మ్ మాలి-జీ68 జీపీయూతో కలిసి పనిచేస్తుంది. 6జీబీ, 8జీబీ ర్యామ్ ఆప్షన్లలో అందిస్తోంది. డైనమిక్ ర్యామ్ ఫీచర్‌తో ఈ ఆన్‌బోర్డ్ మెమరీని 16జీబీ వరకు విస్తరించవచ్చు.
ఆప్టిక్స్ విషయానికి వస్తే.. రియల్మి నార్జో 70 5జీ ఫోన్ డ్యూయల్ రియర్ కెమెరా సిస్టమ్‌ను కలిగి ఉంది. ఇందులో 50ఎంపీ ప్రైమరీ సెన్సార్‌తో ఎఫ్/1.8 ఎపర్చరు, 2ఎంపీ సెన్సార్ ఉన్నాయి. ఫ్రంట్ సైడ్ 16ఎంపీ సెల్ఫీ షూటర్‌ను కలిగి ఉంది. ఈ ఫోన్ 128జీబీ ఇంటర్నల్ స్టోరేజీని కలిగి ఉంది. 1టీబీ వరకు విస్తరించవచ్చు. రియల్మి నార్జో 70 5జీలోని కనెక్టివిటీ ఆప్షన్లలో 5జీ, వై-ఫై, బ్లూటూత్ 5.2 ఉన్నాయి. అథెంటికేషన్ ఇన్-డిస్‌ప్లే ఫింగర్ ప్రింట్ సెన్సార్‌తో వస్తుంది. ఈ ఫోన్ దుమ్ము, స్ప్లాష్ నిరోధకతకు ఐపీ54 రేటింగ్‌ను కలిగి ఉంది.
హై-రెస్ ఆడియో సర్టిఫికేషన్‌తో డ్యూయల్ స్టీరియో స్పీకర్‌లను కలిగి ఉంది. తడి చేతులతో టచ్ ఇన్‌పుట్‌ని ఆపరేట్ చేసేందుకు రెయిన్‌వాటర్ స్మార్ట్ టచ్ ఫీచర్‌ను అందిస్తుంది. రియల్మి 45డబ్ల్యూ సూపర్ వూక్ ఛార్జింగ్‌కు సపోర్టుతో రియల్మి నార్జో 70 5జీలో 5,000ఎంఎహెచ్ బ్యాటరీని అందిస్తుంది. బ్యాటరీ సింగిల్ ఛార్జ్‌పై 518 గంటల స్టాండ్‌బై టైమ్‌ని అందిస్తుంది. కేవలం 61 నిమిషాల్లో డివైజ్ 100 శాతానికి పూర్తిగా ఛార్జ్ అయ్యేలా ఛార్జింగ్ టెక్నాలజీని కలిగి ఉంది. ఈ హ్యాండ్‌సెట్ సైజు 188 గ్రాములు ఉంటుంది.
రియల్మి నార్జో 70ఎక్స్ 5జీ స్పెసిఫికేషన్లు :
రియల్మి నార్జో 70ఎక్స్ 5జీ, రియల్మి నార్జో 70 5జీ మాదిరిగా అదే సిమ్, సాఫ్ట్‌వేర్ స్పెసిఫికేషన్‌లను కలిగి ఉంది. 6.72-అంగుళాల ఫుల్-హెచ్‌డీ ప్లస్ (1,080×2,400 పిక్సెల్‌లు) ఎల్‌సీడీ డిస్‌ప్లేను 120హెచ్‌జెడ్ వరకు రిఫ్రెష్ రేట్, 240హెచ్‌జెడ్ టచ్ శాంప్లింగ్ రేట్‌తో కలిగి ఉంది.
మీడియాటెక్ డైమెన్సిటీ 6100 ప్లస్ ఎస్ఓసీతో ఆర్మ్ మాలి-జీ57 జీపీయూతో 6జీబీ వరకు ర్యామ్ అందిస్తుంది. డైనమిక్ ర్యామ్ ఫీచర్‌ని కూడా సపోర్ట్ చేస్తుంది. రియల్మి 50ఎంపీ ప్రైమరీ కెమెరా, 2ఎంపీ షూటర్‌తో సహా రియల్మి నార్జో 70ఎక్స్ 5జీలో డ్యూయల్ రియర్ కెమెరా సెటప్‌ ఉంటుంది. ఫ్రంట్ సైడ్ 8ఎంపీ సెన్సార్‌ను కలిగి ఉంది. బ్యాటరీ వార్నింగ్స్, ఛార్జింగ్ స్టేటస్ చూపే మినీ క్యాప్సూల్ 2.0 ఫీచర్‌ను కలిగి ఉంది.
కనెక్టివిటీ ఆప్షన్లు, ఆడియో ఫీచర్లు కూడా రియల్మి నార్జో 70 5జీ మోడల్‌కు సమానంగా ఉంటాయి. ఇన్-డిస్‌ప్లే ఫింగర్ ప్రింట్ సెన్సార్, ఐపీ54-రేటెడ్ బిల్డ్ కూడా కలిగి ఉంది. ఈ హ్యాండ్‌సెట్ 2టీబీ వరకు విస్తరణకు సపోర్టు ఇచ్చే 128జీబీ ఆన్‌బోర్డ్ స్టోరేజీని అందిస్తుంది. 45డబ్ల్యూ సూపర్‌వూక్ ఛార్జింగ్ సపోర్ట్‌తో అదే 5,000ఎంఎహెచ్ బ్యాటరీని కూడా పొందవచ్చు. ఈ హ్యాండ్‌సెట్ 165.6×76.1×7.69ఎమ్ఎమ్ కొలతలు, 188 గ్రాముల బరువు ఉంటుంది.
Read Also : Apple iPhone 15 Sale : ఆపిల్ ఐఫోన్ 15పై రూ. 14వేల ఫ్లాట్ డిస్కౌంట్.. అత్యంత సరసమైన ఈ డీల్ ఎలా పొందాలంటే?
