Samsung Galaxy M47 5G : శాంసంగ్ ఫ్యాన్స్ను ఊరిస్తున్న బిగ్ ఫోన్ ఇదే.. ఫీచర్లపై భారీ హైప్.. ధర ఎంత ఉండొచ్చంటే?
Samsung Galaxy M47 5G : భారత మార్కెట్లో మిడ్ రేంజ్ స్మార్ట్ఫోన్ రేంజ్ విస్తరిస్తోంది సౌత్ కొరియన్ దిగ్గజం శాంసంగ్.. ఇప్పుడు కొత్త శాంసంగ్ గెలాక్సీ M47 5జీ ఫోన్ లాంచ్ చేసేందుకు కంపెనీ రెడీ అవుతోంది. పూర్తి ఫోన్ ఫీచర్లు, లాంచ్ వివరాలివే..
- Sreehari A
- Published on- June 19, 2026 / 06:08 PM IST
Samsung Galaxy M47 5G
- క్వాల్కామ్ స్నాప్డ్రాగన్ 6 జెన్ 3 ప్రాసెసర్తో వస్తుంది
- 8GB ర్యామ్, 128GB ఇంటర్నల్ స్టోరేజ్ ఉండొచ్చు
- ఆండ్రాయిడ్ 8 ఆధారిత వన్ యూఐ 16 ఆపరేటింగ్ సిస్టమ్
Samsung Galaxy M47 5G : కొత్త శాంసంగ్ ఫోన్ వచ్చేస్తోంది. శాంసంగ్ గెలాక్సీ M47 5జీ ఫోన్ లాంచ్ చేసేందుకు కంపెనీ రెడీ అవుతోంది. ప్రస్తుతం భారత మార్కెట్లో మిడ్ రేంజ్ స్మార్ట్ఫోన్ రేంజ్ శాంసంగ్ విస్తరిస్తోంది. లాంచ్కు ముందే ఈ స్మార్ట్ఫోన్ ‘నెక్స్ట్ లెవెల్ మాన్స్టర్’ M-సిరీస్ ట్యాగ్లైన్తో అమెజాన్లో క్యాంపెయిన్ టీజర్లో కనిపించింది.
ఈ స్మార్ట్ఫోన్ ఇటీవల బ్యూరో ఆఫ్ ఇండియన్ స్టాండర్డ్స్ (BIS) సర్టిఫికేషన్ వెబ్సైట్లో SM-M476B/DS మోడల్ (Samsung Galaxy M47 5G) నంబర్తో కనిపించింది. అధికారిక లాంచ్ త్వరలో ఉంటుందని నివేదికలు సూచిస్తున్నాయి. శాంసంగ్ గెలాక్సీ M47 5జీ ఫోన్ ఫీచర్లు, ధరకు సంబంధించి పూర్తి వివరాలను ఇప్పుడు చూద్దాం..
ఎప్పుడు వస్తుందంటే? :
శాంసంగ్ గెలాక్సీ M47 5జీ ఫోన్ రూ. 25వేల లోపు ధరలో రాబోతుంది. ఇప్పటికే ఉన్న మార్కెట్లో ఉన్న ఫోన్లకు గట్టి పోటీనివ్వనుంది. ఈ స్మార్ట్ఫోన్ అమెజాన్ ఈ-కామర్స్ సైట్, అలాగే శాంసంగ్ ఇండియా ఆన్లైన్ స్టోర్లోనూ అందుబాటులో ఉండనుంది.
డిజైన్ అదుర్స్ :
కొత్త శాంసంగ్ ఎం సిరీస్ మోడళ్లు ఎలా ఉంటాయనే దానిపై అధికారిక ప్రకటన లేదు. కానీ, మిడ్-రేంజ్ లైనప్లో ప్రీమియం రిఫ్రెష్ అని చెప్పొచ్చు. ఈ టీజర్లో డీప్ క్రిమ్సన్ లేదా మెరూన్ కలర్ వేరియంట్ మాదిరిగా కనిపిస్తుంది. బ్యాక్ ప్యానెల్ డార్క్ మ్యాట్ ఫినిషింగ్తో వస్తుంది. కెమెరా మాడ్యూల్, బయటి ఫ్రేమ్ ఎడ్జ్ల్లో మెటాలిక్ రెడ్ యాక్సెంట్లతో వస్తుంది.
స్పెసిఫికేషన్లు (అంచనా) :
ఈ శాంసంగ్ ఫోన్ రౌండెడ్ కార్నర్ మోడ్రాన్ బాక్సీ ఫ్రేమ్తో వస్తుంది. కర్వడ్ కార్నర్ డిజైన్కు భిన్నంగా ఉంటుంది. రైట్ సైడ్ నాచ్, పవర్ బటన్లో సైడ్-మౌంటెడ్ ఫింగర్ప్రింట్ సెన్సార్ అందిస్తుంది.
ఈ ఫోన్ క్వాల్కామ్ స్నాప్డ్రాగన్ 6 జెన్ 3 ప్రాసెసర్తో రన్ అవుతుంది. ఇందులో 8GB ర్యామ్, 128GB ఇంటర్నల్ స్టోరేజ్ ఉంటుంది. మైక్రో SD కార్డ్ ద్వారా 1TB వరకు విస్తరించవచ్చు. ఈ స్మార్ట్ఫోన్ గీక్బెంచ్లో కూడా కనిపించింది. చిప్, ర్యామ్ స్పెసిఫికేషన్లను కూడా కంపెనీ వెల్లడించింది. ఈ శాంసంగ్ ఫోన్ ఆండ్రాయిడ్ 16 ఆధారిత వన్ యూఐ 8పై రన్ అవుతుందని అంచనా.